Jòb 10:12 - Bib Sen An: Kreyòl Ayisyen

¹² Ou te ban mwen lavi avèk lanmou dous Ou. Se swen Ou ki te konsève lespri m.

1998 Haïtienne

¹² Lèfini, ou fè m kado lavi. Ou veye avèk prekosyon pou m pa mouri.

Jòb 10:12 交叉引用

Jenèz 19:19

Koulye a gade byen, sèvitè nou an gen tan twouve favè nan zye nou, nou te montre jan mizerikòd nou gran nan sove vi m, men mwen p ap kapab chape nan mòn yo, paske malè a va gen tan rive sou mwen, e mwen va mouri.

Jòb 10:11

Ou te abiye mwen ak po avèk chè e koude mwen ansanm nan zo ak gwo venn.

Jòb 33:4

Se Lespri Bondye ki te fè m, e souf Toupwisan an ki ban m lavi.

Matye 6:25

“Pou rezon sa a, Mwen di nou pa enkyete nou pou lavi nou, kisa nou ap manje, ni sa nou ap bwè; ni pou kò nou, pou sa nou ap mete sou li. Èske lavi pa plis ke manje, e kò a plis ke rad nou mete sou li?

Travay 17:25

Ni li pa sèvi pa men moun kòmsi Li te bezwen yon bagay. Paske se Li menm ki bay moun lavi, souf ak tout bagay.

Travay 17:28

“‘Paske nan Li nou viv, nou fè mouvman, e nou egziste menm, jan kèk nan powèt nou yo konn di: paske nou menm tou se pitit Li.’