Jij 13:24 - Bib Sen An: Kreyòl Ayisyen

²⁴ Fanm nan te bay nesans a yon fis e li te rele li Samson. Pitit la te vin gran e SENYÈ a te beni li.

1998 Haïtienne

²⁴ Apre sa, madanm lan fè yon pitit gason, li rele l Samson. Pitit la grandi, Senyè a te beni l.

Jij 13:24 交叉引用

Lik 1:80

Pitit la te kontinye grandi, e te vin fò nan lespri. Konsa, li te viv nan dezè yo jis jou li te parèt piblikman an Israël.

Lik 2:52

Epi Jésus te kontinye grandi nan sajès, ak wotè, epi nan gras avèk Bondye e avèk lèzòm.

Ebre 11:32

Epi kisa mwen kapab di anplis? Paske nanpwen tan pou pale de Gédéon Barak, Samson, Jephthé, David, Samuel, ak pwofèt yo,

1 Samyèl 2:21

SENYÈ a te vizite Anne. Li te vin ansent e te bay nesans a twa fis ak de fi. Epi gason Samuel la te grandi devan SENYÈ a.

1 Samyèl 2:26

Alò, gason Samuel t ap grandi nan wotè ak nan favè avèk SENYÈ a e avèk tout moun.

1 Samyèl 3:19

Konsa, Samuel te grandi, SENYÈ a te avèk li e Li pa t kite okenn nan pawòl li yo manke reyisi.