Jenèz 1:31 - Bib Sen An: Kreyòl Ayisyen

³¹ Bondye te wè tout sa Li te kreye yo, e gade byen, sa te trè bon. Te gen aswè, ak maten, sizyèm jou.

1998 Haïtienne

³¹ Bondye gade sa l te fè a, li wè l bon nèt. Yon lannwit pase, yon maten rive: se te sizyèm jou a.

Jenèz 1:31 交叉引用

Jenèz 1:13

Te gen aswè, ak maten, yon twazyèm jou.

Jenèz 1:19

Te gen aswè, e te gen maten, yon katriyèm jou.

Jenèz 1:23

Te gen aswè ak maten, yon senkyèm jou.

Jenèz 1:5

Bondye te rele limyè a jou, e tenèb la, Li te rele li lannwit. Konsa, te gen aswè, ak maten, yon jou.

Jenèz 1:8

Bondye te rele gran espas la syèl. Epi te gen aswè, e te gen maten, yon dezyèm jou.

Jenèz 2:2

Nan setyèm jou a, Bondye te fin fè travay ke Li te fè yo. Konsa, Li te repoze nan setyèm jou a sou tout travay ke Li te fè yo.

Jenèz 2:3

Epi Bondye te beni setyèm jou a. Li te fè li sen, akoz nan li, Li te repoze de tout travay kreyasyon an, ke Li te fè a.

Jòb 38:7

lè zetwal maten yo te chante ansanm, e tout fis Bondye yo te rele fò ak gran jwa?

Sòm 104:24

O SENYÈ, a la zèv Ou yo anpil! Nan sajès, Ou te fè tout bagay. Latè ranpli ak byen Ou yo.

Sòm 104:28

Ou bay yo, e yo ranmase li. Ou ouvri men Ou, e yo satisfè ak bonte.

Sòm 104:31

Kite glwa SENYÈ a dire jis pou tout tan. Kite SENYÈ a rejwi nan zèv Li yo.

Sòm 119:68

Ou bon e Ou fè sa ki bon. Enstwi mwen nan règleman Ou yo.

Egzòd 20:11

Paske nan si jou, SENYÈ a te fè syèl la avèk tè a, lanmè a, ak tout sa ki gen ladann, e Li te repoze nan setyèm jou a. Konsa, SENYÈ a te beni jou Saba a, e te fè l sen.

Egzòd 31:17

Li se yon sign antre Mwen avèk fis Israël yo pou tout tan. Paske nan sis jou SENYÈ a te fè syèl la avèk tè a, men nan setyèm jou a Li te pran repo, e Li te vin rafrechi Li.’”

Pwovèb 16:4

SENYÈ a te fè tout bagay pou pwòp sèvis li; menm mechan yo pou jou jijman an.

Eklezyas 3:11

Li te fè tout bagay bon nan tan li. Anplis, Li te mete letènite nan kè yo, pou ke lòm pa ka fin konprann travay Bondye te fè a soti nan kòmansman jis rive nan lafen.

Lamantasyon 3:38

Èske sa ki bon ak sa ki mal pa soti nan bouch a Pi Wo a?

Detewonòm 32:4

Wòch la! Zèv Li yo pafè, paske tout chemen li yo jis. Yon Bondye fidèl e san enjistis, dwat e jis ke Li ye.

1 Timote 4:4

Paske tout bagay kreye pa Bondye, bon, e anyen pa dwe rejte, si li resevwa avèk remèsiman,

1 Timote 4:5

paske li sanktifye pa mwayen pawòl Bondye a ak lapriyè.