Jan 19:15 - Bib Sen An: Kreyòl Ayisyen

¹⁵ Pou sa yo te kriye fò: “Fè L soti, fè L soti, krisifye L!” Pilate te di yo: “Èske m ta krisifye Wa nou an?” Chèf prèt yo te reponn: “Nou pa gen okenn lòt wa ke César.”

1998 Haïtienne

¹⁵ Men, yo konmanse rele: — Touye li! Touye li! Kloure l sou yon kwa! Pilat di yo: — Nou vle m kloure wa nou an sou yon kwa? Chèf prèt yo reponn li: — Nou pa gen lòt wa pase Seza.

Nouvo Testaman: Vèsyon Kreyòl Fasil

¹⁵ Men yo pran rele: “Amò! Amò! Krisifye l!” Pilat reponn: “Èske nou vle m krisifye wa nou an?” Chèf alatèt prèt yo te reponn: “Nou pa gen lòt wa apre Seza!”

Jan 19:15 交叉引用

Jenèz 49:10

Baton gouvènans p ap janm sòti sou Juda, ni bwa règleman p ap janm antre pye li jis lè Schilo vini, e a li menm va parèt obeyisans a tout nasyon yo.

Matye 22:17

Pou sa, di nou kisa Ou panse? Èske li pèmèt pou peye taks a César? Wi oubyen non?”

Lik 23:18

Men yo te kriye fò tout ansanm, e te di: “Fè nonm sa ale! Libere pou nou Barabbas!”

Jan 18:31

Epi Pilate te di yo: “Pran Li nou menm epi jije Li selon lalwa pa nou.” Jwif yo te di li: “Li pa pèmi pou nou mete yon moun a lanmò.”

Jan 19:6

Konsa, lè chèf prèt yo ak ofisye yo te wè Li, yo te kriye fò e te di: “Krisifye! Krisifye!” Pilate te di yo: “Pran Li nou menm epi krisifye Li, paske mwen pa twouve okenn koupabilite nan Li.”

Travay 13:28

Malgre yo pa t twouve okenn choz ki merite lanmò, yo te mande Pilate pou li ta fè l mouri.

Travay 21:36

paske yon gran foul moun te kontinye ap swiv yo, e t ap rele: “Touye li!”

Travay 22:22

Jiska pwen sa a, yo te koute l, e alò yo te leve vwa yo e te di: “Retire sou latè a yon nonm konsa; li pa merite viv!”