Jak 4:13 - Bib Sen An: Kreyòl Ayisyen

¹³ Vini koulye a, nou menm, ki di: “Jodi a oswa demen, nou va ale nan tèl vil, e pase yon ane la, angaje nou nan biznis pou fè pwofi.”

1998 Haïtienne

¹³ Kounyeya, se ak nou m'ap pale, nou menm k'ap di: jòdi a osinon denmen, n'a pral nan tèl lavil. Rive la, n'a pase yon lanne, n'a fè kòmès ak anpil benefis.

Nouvo Testaman: Vèsyon Kreyòl Fasil

¹³ Kounye a, fè atansyon, ou menm k ap di: “Jodi a oubyen demen, nou pral nan tèl ou tèl vil, n ap rete la en an. Nou pral fè kòmès, nou pral fè kòb.”

Jak 4:13 交叉引用

Jenèz 11:7

Vini, annou desann e konfonn langaj yo pou yo pa konprann lang youn lòt.”

Pwovèb 27:1

Pa vin ògeye sou bagay demen, paske ou pa konnen kisa yon jou ka pote.

Eklezyas 2:1

Mwen te di nan tèt mwen: “Vini koulye a, mwen va teste ou ak plezi. Pou sa, fè kè ou kontan.” Epi sa osi se te vanite.

Ezayi 24:2

Pèp la menm jan ak prèt la, sèvitè a tankou mèt li, sèvant lan tankou mètrès li, sa k ap achte tankou sa k ap vann, sila k ap fè prè a tankou sila k ap prete a, sila ki resevwa kredi a tankou sila k ap bay kredi a.

Ezayi 5:5

Pou sa a, kite Mwen di nou koulye a sa M ap fè ak chan rezen sa a: Mwen va retire kloti li e li va brile; Mwen va kraze miray li e li va vin foule nèt.

Ezekyèl 7:12

Lè a fin rive! Jou a prè. Pa kite moun k ap achte a rejwi, ni moun k ap vann nan soufri, paske gwo chalè a kont tout foul moun yo.

1 Korent 7:30

epi sila ki kriye yo, tankou yo pa t kriye; sila ki rejwi yo, tankou yo pa t rejwi, e sila ki achte yo, tankou yo pa t posede anyen;

Jak 5:1

Vini koulye a nou menm ki rich, kriye e rele fò akoz mizè k ap vini sou nou yo.