2 Tesalonisyen 3:5 - Bib Sen An: Kreyòl Ayisyen

⁵ Ke Senyè a dirije kè nou nan lanmou Bondye a, ak nan kenbe fèm nan Kris la.

1998 Haïtienne

⁵ Mwen mande Senyè a pou l dirije kè nou pou nou ka renmen Bondye, pou nou ka gen pasyans tankou Kris la.

Nouvo Testaman: Vèsyon Kreyòl Fasil

⁵ Nou priye pou Senyè a pran direksyon kè w. Lè sa a, ou va renmen Bondye epi ou ap vin gen pasyans menm jan ak Kris.

2 Tesalonisyen 3:5 交叉引用

1 Wa 8:58

pou Li kapab atire kè nou vè Li menm, pou mache nan tout vwa Li yo e pou kenbe kòmandman Li yo avèk règleman Li yo avèk òdonans Li yo, ke Li te kòmande a zansèt nou yo.

1 Kwonik 29:18

O SENYÈ, Bondye a Abraham nan, Issac avèk Israël, papa zansèt pa nou yo, sere sa jis pou tout tan nan entansyon kè a pèp Ou a, e dirije kè yo vè Ou menm.

Sòm 119:36

Enkline kè m a temwayaj Ou yo, e pa nan ranmase richès malonèt.

Sòm 119:5

O ke chemen mwen yo kapab vin etabli pou kenbe règleman Ou yo!

Sòm 40:1

Mwen te tann avèk pasyans SENYÈ a. Li te enkline vè mwen e te tande kri mwen.

Pwovèb 3:6

Nan tout chemen ou yo rekonèt Li; konsa Li va fè pa ou yo vin dwat.

Jeremi 10:23

Mwen konnen, O SENYÈ, ke chemen a yon nonm pa nan li menm, ni se pa posib pou moun ki mache a dirije pwòp pa pye li.

Jeremi 31:33

“Men sa se akò ke M va fè ak lakay Israël apre jou sa yo”, deklare SENYÈ a: “Mwen va mete lalwa M anndan yo e sou kè yo Mwen va ekri l; epi Mwen va Bondye yo, e yo va pèp Mwen.

Lamantasyon 3:26

Se bon pou yon nonm gen espwa, e tann byen trankil pou sali SENYÈ a.

Women 5:5

Epi esperans p ap janm fè nou desi, paske lanmou Bondye gen tan vide nan kè nou atravè Lespri Sen a ki te bay a nou menm nan.

Women 8:25

Men si nou espere sa ke nou pa wè, nou ap tann li avèk gwo lanvi ak pèseverans.

Women 8:28

Konsa nou konnen ke Bondye fè tout bagay mache ansanm pou byen a sila ki renmen Bondye yo, pou sila ke Li te rele selon volonte Li yo.

1 Korent 8:3

Men si yon moun renmen Bondye, Bondye konnen li.

Galat 5:22

Men fwi Lespri a se lanmou, lajwa, lapè, pasyans, ladousè, bonte, fidelite

Detewonòm 30:6

Anplis, SENYÈ a, Bondye nou an, va sikonsi kè nou ak kè desandan nou yo, pou renmen SENYÈ a, Bondye nou an, avèk tout kè nou e avèk tout nanm nou, pou nou kapab viv.

1 Tesalonisyen 1:10

epi pou tann Fis Li a soti nan syèl la. Sila Li te fè leve soti nan lanmò a, ki se Jésus, ki delivre nou anba kòlè k ap vini an.

1 Tesalonisyen 1:3

San rete nou sonje travay lafwa nou an, ak èv lanmou nou yo; jan nou te kenbe fèm nan esperans de Senyè nou an, Jésus Kri, devan prezans a Bondye, Papa nou.

1 Tesalonisyen 3:11

Koulye a, ke Bondye e Papa nou an Li Menm, ak Jésus, Senyè nou an, dirije chemen nou anvè ou menm.

2 Timote 4:8

A lavni m ap gen kouwòn ladwati a, ki prepare pou mwen deja, ke Senyè a, jij ladwati a, va ban m nan jou sila a; e pa sèlman de mwen menm, men osi a tout moun ki renmen aparisyon Li an.

Tit 2:13

nan chèche lesperans beni ak aparisyon laglwa a gran Bondye ak Sovè nou an, Jésus Kri

Ebre 9:28

konsa Kris tou, ki te ofri yon sèl fwa pou pote peche a anpil moun nan, va vin parèt yon dezyèm fwa pou pote sali, san referans a peche, pou sila k ap vrèman tann Li yo.

Jak 2:5

Koute, frè byeneme m yo, èske Bondye pa t chwazi pòv a mond sa a pou vin rich nan lafwa, e eritye a wayòm ke Li te pwomèt a sila ki renmen Li yo?

1 Pyè 4:1

Konsa, paske Kris te soufri nan lachè a, ranfòse tèt nou osi avèk menm bi a; paske moun ki deja soufri nan lachè yo, gen tan sispann fè peche,

2 Pyè 3:12

Moun k ap chache toujou pou avanse jou a Bondye, k ap fè syèl yo detwi avèk dife, e tout eleman yo fann avèk gwo chalè a!

1 Jan 4:19

Nou renmen, paske premyèman Li te renmen nou.

Revelasyon 1:9

Mwen, Jean, frè nou, ki patisipe avèk nou nan tribilasyon, wayòm, ak pèseverans ki nan Jésus a, te sou lil ki rele Patmos la, akoz pawòl a Bondye ak temwayaj de Jésus a.

Revelasyon 13:10

Si yon moun gen pou ale an kaptivite, an kaptivite li prale. Si yon moun dwe touye avèk nepe, avèk nepe, li va touye. Se konsa ak lafwa ak pèseverans a sen yo.