Pahayag 7:12 - Bayun Tipan sa Aytan Mag-Indi

¹² Paradi ya sinabi la, “Awuy Panginuun! Ya pangulimên, ya kangêdan, ya kabiyasnan, ya pagpasalamat, ya karangalan, ya kapangyarian buy ya kapas-êyan, idi sa Bapa tamun Namalyari kanuman! Awuy Panginuun!”

Pahayag 7:12 交叉引用

Judas 1:25

Kay gigisay Bapan Namalyari buy sabay siyay Mamiligtas tamu sa kapamilatan dinyag Panginuun tamun Jesu Cristu. Kanay pangulimên, karangalan, kadakilaan buy kapangyarian ubat pun sabitun nuna, angga amêsên buy kanuman. Awuy Panginuun!

Pahayag 19:4

Amêsên, ya mani luwampu buy apat ta mangatway nipagtungkulan buy ya mani apat ta nabyay ya inlalang, nagpalukub sila buy nangulimên kan Bapan Namalyari ya nakaiknu sa turonu na. Sinabi la, “Ulimênên si Bapan Namalyari! Awuy Panginuun!”

Colosas 3:17

Buy nu sabêt man na pandaygên yu, sa pagsabi o sa diyag, daygên yuy kaganawan bilang pamarangal sa lagyun Panginuun Jesus buy magpasalamat kaw kan Bapan Namalyari sa kapamilatan na.

Colosas 2:7

ya nakayamut malalê kana un dilag napas-êy ya panampalataya kaparisun in-aral kamuyu. Buy pawa kaw magpasalamat kan Bapan Namalyari.

2 Corinto 4:15

Ya kaganawan kasakitan na mangadanasan yan, para sa ikakangêd yu amên lumakêy tawuy mananggap kangêdan Bapan Namalyari buy luyang pun êt lumakêy magpasalamat kana. Buy gawan baysên, maulimên ya.

Mateo 6:13

Buy agana mukay paulayan matuksu, nun a iligtas mukay kan Satanas.’

Pahayag 1:18

buy sikuy Mangabyay! Nati yaku nuwa êlêwên mu, nabyay yaku amêsên buy manugêl lakun nabyay kanuman. Sikuy manalan susin Kamatyan buy Hades ya lugal nangamamati.

Roma 11:36

Tagawan ya kaganawan bagay, ubat kana buy sa kapamilatan na buy para kana. Ulimênên ya Bapan Namalyari kanuman! Awuy Panginuun.

1 Corinto 14:16

Nu magpasalamat ka kan Bapan Namalyari sa kapamilatan ispiritu mu buy asê mapukatan tawuy idi baydu, parasaantu yan makapakitbay “Awuy Panginuun” sa pagpasalamat mu, nu a nay naman mapukatan na pansabin mu?