Pahayag 5:12 - Bayun Tipan sa Aytan Mag-Indi

¹² Nagkanta silan masnêg ga panggalang. Ya ingkanta la, “Si Biserun Tupay pinati la awlagi, kay siyay sêpat mananggap kapangyarian, pibandiyan, kabiyasnan, kaksawan, karangalan, kangêdan, buy pangulimên!”

Pahayag 5:12 交叉引用

Pahayag 5:9

Nagkanta silan bayuy kanta. Ya pan-ikanta lay, “Kay sikay sêpat mangwan nakatilitil la kasulatan buy mamitas un mani pamigta, gawan pinati laka buy sa kapamilatan daya mu, inatbus muy mani tawu ubat sa balang layi, mani sabi, buy bansa amên magin tawu silan Bapan Namalyari.

Pahayag 19:1

Pamakayari, nalêngê kuy masnêg ga tunuy sadyay lakên tawu sa langit ya magsabin paradi, “Ulimênên na Panginuun! Ubat kan Bapa tamun Namalyari ya kaligtasan, pamarangal buy kapangyarian.

Pahayag 4:11

“Bapan Namalyari ya Panginuun yan, kay sikay naspat mananggap panggalang, pamarangal, buy kapangyarian. Ta sikay nanyag kaganawan buy sa kapamilatan kalabayan mu, nadyag buy nabiyan silan biyay.”

2 Corinto 8:9

Gawan tanda yinay mani kangêdan na impakit Panginuun tamun Jesu Cristu, ya agyan mabandi ya baydu sa langit, nagpakakalulu ya baydi sa babun luta alang-alang kantamu amên sa kapamilatan kasakitan na, mapabandi na kitamu sa pangêlêw Bapan Namalyari.

Pahayag 7:12

Paradi ya sinabi la, “Awuy Panginuun! Ya pangulimên, ya kangêdan, ya kabiyasnan, ya pagpasalamat, ya karangalan, ya kapangyarian buy ya kapas-êyan, idi sa Bapa tamun Namalyari kanuman! Awuy Panginuun!”

Juan 17:2

Tagawan binyanan mukun kapangyarian sa kaganawan tawu amên mabiyan biyay ya ayin katganan ya kaganawan tawuy indin mu kangku.

Mateo 28:18

Nagdani si Jesus buy sinabi na kalla, “Indin na kangkuy kaganawan kapangyarian sa langit buy sa luta.

Pahayag 5:6

Pamakayari, nakit kuy Biserun Tupay paran pinati la awlagi ya nakaidêng sa bunak mani mangatway nipagtungkulan buy apat ta nabyay ya inlalang ya nakapalitêng sa turonun Bapan Namalyari. Buy si Biserun Tupa, dilag yan pituy sungay buy pituy mata. Ya pituy mata, sabay ya pituy Ispiritun Bapan Namalyari ya in-utus na sa kaganawan lugal baydi sa babun luta.

Juan 1:29

Pamakawasak, nakitan Juan si Jesus ya mamadanidani kana. Kabay sinabi na sa mani tawu, “Elêwên yu. Abiti yay Biserun Tupan Bapan Namalyari ya mamitas kasalanan mani tawu sa babun luta!

Pahayag 13:8

Ya mani tawu baydi sa babun luta, ulimênên lay matubag ga ayup, liban ta sa mani tawuy ubat pun sa dinyag ga babun luta, nakasulat tay lagyu la sa librun biyay. Ya magbandin librun abiin sabay ya Biserun Tupay pinati.

Pahayag 5:13

Pamakayari, ya kaganawan inlalang ya idi sa langit, sa babun luta, sa aypan luta, buy sa dagat, magkanta sila êt paradi, “Sa nakaiknu sa turonu buy sa Biserun Tupa ya pangulimên, karangalan, kangêdan, buy kapangyarian kanuman.”

1 Timoteo 1:17

Ulimênên buy parangalên tamu kanuman na gigisay Bapan Namalyari. Sabay siyay mag-ari kanuman, ayin kamatyan, buy asê mangakit. Awuy Panginuun!

Pahayag 1:6

Dinyag na kitamun pag-arian na buy mani pari amên maglingkud sa Namalyari buy Bapa na. Kan Jesu Cristuy pangulimên buy kapangyarian kanuman! Awuy Panginuun.

Pahayag 5:8

Sên kêwên naynay kasulatan, si ati silay apat ta nabyay ya inlalang buy ya luwampu buy apat ta mangatway nipagtungkulan, nagpalukub sila sa arapan Biserun Tupa. Balang gisa kalla, dilag alpa buy silyaw wa gintu ya napnun pabangi ya sabay ya panalangin mani tawuy pinilin Bapan Namalyarin kay kana.

Pahayag 6:1

Amêsên, nakit kuy intas Biserun Tupay nunan pinamigta sa kasulatan ya nakatilitil. Pamakayari, nalêngê kuy paran masnêg ga kilat ya sabay ya tunuy gisa sa apat ta nabyay ya inlalang ya nagsabin “Mita kayna!”

Pahayag 15:3

Pan-ikanta lay kantan Moises ya lingkud Bapan Namalyari ya sabay êt ta kantan Biserun Tupa, “Bapan Namalyari ya makapangyarian sa kaganawan, taganan mamakaupapas ya diyag mu! Ari kan kaganawan bansa. Kapêtêgan buy matinêk ka paralan mu.