Mateo 13:15 - Bayun Tipan sa Aytan Mag-Indi

¹⁵ Tagawan nakdêy ya ulun mani tawun ati. Tinêmpanan lay mani têk la buy impêdêng lay mani mata la. Gawan dat makakit ta mani mata la buy makalêngêy mani têk la, buy mapukatan lay pansabin ku buy magdani sila kangku amên paiyulun ku sila.’ ”

Mateo 13:15 交叉引用

Marcos 4:12

amên ‘Kapangêlêw-êlêw laman, a sila makakit buy kapallêngê-lêngê laman, a sila makapukat. Ta nu makapukat sila, dat magsisi sila sa kasalanan la buy patawarên silan Bapan Namalyari.’ ”

Hebreo 5:11

Malakê pun dayi ya sabin ku tungkul sa pangaparin Jesus, nuwa masakit ipapukat kamuyu ta a yu tambêng mapukatan na mani pansabin ku.

2 Timoteo 4:4

A layna labay lêng-ên na kapêtêgan nun a ya labay lan lêng-ên, abituy kay diyagdiyag tawu.

Mani Dyag 7:57

Kabay nan-angaw wa mani mangatwan Judioy mangatuynungan buy tinêmpanan lay têk la amên a la malêngêy pansabin Esteban. Buy niaagnan silan nanduyung kana.

Pahayag 22:2

Buy ya ilug, manukusuk sa bunak dan sa balayan Jerusalem. Sa mitalipay ya agid ilug, dilag puun kayuy mam-in biyay ya binuwanbuwan managêy mapu buy luway kalasi. Ya bulung na, sabay ya mamaiyul sa sakit mani tawu sa kaganawan bansa.

Mani Dyag 3:19

Kabay sêpat kawnan magsisi buy magdani kan Bapan Namalyari amên patawarên nay mani kasalanan yu.

Lucas 19:42

Sinabi na, “Kapapalunus kaw wa manugêl sa Jerusalem. Nu tanda yu dayi nu sabêt ta mam-in kapatêtbêkan, a kaw dayi kapalunus, nuwa a yu tanda!

Mani Dyag 28:27

Tagawan nakdêy ya bêkê la. Tinêmpanan lay têk la buy impêdêng lay mata la. Gawan dat makakit ta mata la, makalêngêy têk la buy makapukat sila. Nu parabaydu, magdani sila kangku buy paiyulun ku sila.’ ”