Pêtêg baynan mamakaupapas ya kapêtêgan na paniwalan tamu: Nagpakit si Jesus sabitun nagin tawu ya. Pinagpapêtgan yan Ispiritun Bapan Namalyari ya matinêk ya. Nakitan yan mani ang-el, buy imbalita ya sa buun babun luta. Pinaniwalan yan malakêy tawu, buy intag-ay ya sa langit.
Labay Bapan Namalyarin ipatanda na sa kaganawan tawuy dakila buy mamakaupapas sa liim palanu na ya sabay si Cristuy manugêl kamuyu. Buy sabay siyay kapilmiyan tamun madanasan tamuy kangêdan na sa langit.
Sinabin Jesus kalla, “A yu nayi nabasay ati sa Kasulatan, ‘Ya batuy insakwil mani mamipaydêng bali, sabay ya batuy nagin pundasyun. Abiin na dinyag Bapan Namalyari ya mamakaupapas kantamu.’ ”
