Juan 6:64 - Bayun Tipan sa Aytan Mag-Indi

⁶⁴ Nuwa dilag dakun umnu kamuyuy asê maniwala sa mani pansabin ku.” Sinabin Jesus ya abiin gawan sa umpisa pun, tanda nayna nu sisabêt ta asê manampalataya buy nu sisabêt ta mamisupakat kana.

Juan 6:64 交叉引用

Juan 10:26

Nuwa a kaw maniwala kangku, gawan alwan sikaw wa mani tupa ku.

Hebreo 4:13

Ayin makapagtagu kan Bapan Namalyari gawan makitan nay kaganawan buy managut kitamu kana.

2 Timoteo 2:19

Paraman baydu, ya pêtêg ga aral la ubat kan Bapan Namalyari, manugêl napas-êy kaparisun napas-êy ya pundasyun ya asê taganan maêyêg buy dilag nakasulat baysên, “Tandan Bapan Namalyari nu sisabêt ta taganan kana.” Buy nakasulat êt ta, “Ya tawuy magsabin nakibêtêk ya sa Panginuun, sêpat yan magpakarayu sa kaganawan kadawakan.”

Roma 8:29

Tagawan sabitun nuna pun, tanday nan Bapan Namalyari nu sisabêt ya magin anak na. Buy ya mani ati, intalaga nan miparisu sa Anak nay si Jesus amên siyay magin panganay sa malakêy mipapatêl.

Juan 6:61

Nuwa agyan ayin magsabi kana, tandan Jesus ya piaayasan mani tagasunul nay in-aral na. Kabay sinabi na kallay, “Natibsê kaw nayi sa sinabi ku?

Juan 5:42

Nuwa kilala kataw buy tanda ku êt ta ayin sa bêkê yuy pangidu kan Bapan Namalyari.

Mani Dyag 15:18

Buy mana kinan impatanday abiin.’ ”

Juan 6:66

Ubat ta baydu, malakê sa mani tagasunul nay nallakwan kana buy asina nanunul kana.

Juan 6:36

“Nuwa sabitun nuna, sinabi kina kamuyuy agyan nakit yinay mamakaupapas ya dinyag ku, a kaw pun êt nanampalataya kangku.

Juan 8:55

A yuya kilala, nuwa kilala kuya. Nu sabin kuy a kuya kilala, kaparisu yu kinan malaram. Nuwa taganan kilala kuya buy pansunulun kuy pansabin na.

Juan 8:23

Sinabin Jesus kallay, “Sikaw, taga babun luta, nuwa siku, taga langit.

Mateo 10:4

si Simon na Cananeo, buy si Judas Iscariote ya sabay ya nisupakat kan Jesus.

Juan 6:60

Sên nallêngên mani tagasunul Jesus ya abitu, malakê kallay nagsabin, “Mangasakit ta pan-iaral na. Sisabêt ta makatanggap ati?”

Juan 18:4

Tandan Jesus ya kaganawan malyari kana. Kabay timbêng na sila buy pinatang, “Sisabêt ta pantêkapên yu?”