21 Kaparisun gisay babayi ya makatanam ilab, gawan inlumatêng ngay uras panganak na. Nuwa pamakayari nan nanganak, a nayna maganakay ilab na gawan sa tula na sa gisay kulaw wa naianak na.
Kaban pansabin mani tawuy, “Ay salamat! Ayin gulu baydi kantamu buy ayin kitamun sêpat ikalimu,” pakan sa a la tanda, bêngat tan lumatêng kallay kapalimuy parusa kaparisun gisay babayi ya manganak ya bêngat tan umilab ba bituka na. Taganan a silayna makaligtas sa lumatêng nga parusa!
Tagawan idi sa kasulatan, “Matula kay babayi ya layus, sikay ayin pun anak! Mansaway ka sa tula, sikay ayin pun dinanasan na ilab sa panganak. Tagawan agyan inlakwanan kan asawa mu, mas malakêy magin anak mu kaysa babayi ya kaawyun nay asawa na.”
