ꞌLu‑ca 17:22 - Tai Dam

^22-25 Chảu ꞌGiê‑ꞌsu bók ꞌpứng ꞌcốn ꞌtoi ꞌtáng ꞌTan#ꞌva: “ꞌHáu pên ꞌlụk phủ ꞌcốn ꞌnị ꞌchí ꞌchọ chuốp báp ꞌmo khó chaư lai#ꞌnéo, chuốp pang ꞌlới ꞌcốn ꞌnị thiêng#sia. ꞌLẹo ꞌchí ꞌmí ꞌchớ ꞌpứng ꞌnọng pháư ꞌmón ꞌmự#ꞌnưng ꞌháu dú cá ꞌmướng ꞌphạ táo ꞌlống#ꞌmá, ꞌcọ báu#ꞌhế#hên. ꞌChí ꞌmí ꞌcốn ꞌmá bók ꞌpứng ꞌnọng#ꞌva, ‘Chảu ꞌKha‑ꞌlịt dú bón hẳn#ꞌnế, dú bón ꞌnị#ꞌnớ,’ ꞌnhá ꞌphắng ꞌquám pay ꞌtoi#sau. ꞌMự ꞌháu ꞌmá ꞌchí pên ꞌsướng ꞌphạ pa‑láp lưởm ꞌhung té khók ꞌphạ ꞌnị ꞌhọt khók ꞌphạ#ꞌnáư [phaư ꞌcọ hák ꞌchí#hên].

ꞌLu‑ca 17:22 交叉引用

ꞌLu‑ca 5:35

Hák#ꞌva ꞌchớ ꞌchí#ꞌhọt, báo khươi chuốp au ók pay khói sia#sau, ꞌchớ ꞌnặn sau chắng ꞌchí ꞌcắm báu#kin.”

ꞌMặt‑ꞌthai 9:15

Chảu ꞌGiê‑ꞌsu tóp sau#ꞌva, “Đải#khái, ꞌpi ꞌnọng sính ꞌcu báo khươi đang ꞌmuôn ꞌchốm kin#cưới, cuông ꞌchớ báo khươi ꞌnhắng dú#nẳng, sau báu#ꞌmí ꞌsướng ꞌchí khí ꞌvuốn ꞌcắm báu#kin đảy cá#đaư. Hák#ꞌva ꞌchớ ꞌchí#ꞌhọt, báo khươi chuốp au pay khói sia#sau, sau chắng ꞌchí ꞌcắm báu#kin.

Dô‑ꞌhăn 13:33

ꞌPứng ꞌnọng ꞌhặc sương, ꞌháu ꞌnhắng ꞌchí dú nẳng ꞌpứng ꞌnọng ꞌnọi#ꞌnưng máư#thôi. ꞌKhạy ꞌháu bók ꞌpứng#ꞌnọng, ꞌpứng ꞌnọng ꞌchí sáo ha#ꞌháu, bón ꞌháu ꞌchí ꞌmứa ꞌnặn ꞌpứng ꞌnọng ꞌmứa báu#đảy, ꞌsướng ꞌháu đảy bók ꞌpứng phủ cốc ꞌcốn#ꞌDiu.

ꞌMa‑ꞌla‑cô 2:20

Hák#ꞌva ꞌchớ ꞌchí#ꞌhọt, báo khươi chuốp au ók pay khói sia#sau, ꞌchớ ꞌnặn sau chắng ꞌchí ꞌcắm báu#kin.

Dô‑ꞌhăn 12:35

Chảu ꞌGiê‑ꞌsu chắng tóp sau#ꞌva, “Seng ꞌhung ꞌnị ꞌnhắng ꞌchí dú nẳng ꞌpứng chảu ꞌnọi#ꞌnưng máư#thôi. Hảư ꞌpứng chảu pay ꞌchớ ꞌnhắng ꞌmí seng#ꞌhung, ꞌpưa dản ꞌchớ ꞌmựt ꞌchí ꞌmá#ꞌhọt. Phủ pay ꞌtáng ꞌmựt ꞌchí pay cá đaư ꞌcọ báu#ꞌhụ.

ꞌLu‑ca 13:35

ꞌSướng ꞌnặn#lo, Chảu Pua ꞌPhạ ꞌchí ꞌváng thỉm ꞌhướn vảy ꞌsớ khong su hảư ꞌhang páu#sia. ꞌHáu bók hảư#ꞌhụ, su ꞌchí báu#hên ꞌháu ꞌtạu ꞌhọt ꞌchớ đaư su ók sốp#ꞌva, so Chảu Pua ꞌPhạ phủ pên Chảu Chom au phúc hảư phủ ꞌmá tang nả ꞌTan#chảu.”