在线圣经

主页
在线圣经
Ê‑ꞌphê‑ꞌsô 4:25

Ê‑ꞌphê‑ꞌsô 4:25 - Tai Dam

²⁵ ꞌSướng ꞌnặn ꞌpi ꞌnọng ꞌnhá đảy ꞌvạu bẻo#ꞌtọn, ꞌchu ꞌcốn hảư ꞌvạu ꞌsư cắp ꞌpi ꞌnọng phủ ꞌchưa Chảu ꞌGiê‑ꞌsu, ꞌpưa#ꞌva ꞌsúm ꞌháu pên ꞌsướng ꞌmo ꞌkính#điêu.

参见章节 复制

Ê‑ꞌphê‑ꞌsô 4:25
42 交叉引用

Cô‑ꞌlô‑ꞌsai 3:9

ꞌNhá bẻo#căn, ꞌcọ ꞌpưa ꞌpi ꞌnọng đảy ꞌváng sia ꞌluống phủ ꞌcốn kin dú ꞌnéo ꞌchua ꞌlới cáu#ꞌlẹo.

Lôm 12:5

ꞌSướng ꞌnặn ꞌsúm ꞌháu ꞌmí lai ꞌcốn ꞌmá dú cuông ꞌhôm ꞌngáu Chảu ꞌKha‑ꞌlịt, ꞌcọ pên ꞌsướng ꞌmo#ꞌnưng ꞌkính#điêu, ꞌchu ꞌcốn ꞌháu phaư ꞌcọ pên ꞌphớn#ꞌnưng khảu pên ꞌmo ꞌkính#điêu.

Ê‑ꞌphê‑ꞌsô 4:15

Hảư ꞌháu au ꞌquám ꞌhặc ꞌvạu ꞌsư tó#căn, ꞌpưa hảư ꞌsúm ꞌháu nháư mả khửn ꞌchu#ꞌnéo, chắng ꞌchí pên ꞌsướng Chảu ꞌKha‑ꞌlịt phủ pên cốc#ꞌháu.

Nả ꞌviạk ꞌchí ꞌchọ pên ók 21:8

ꞌLẹo ꞌpứng ꞌcốn khỉ#dản, báu#ꞌmí chaư#ꞌchưa, ꞌdệt ꞌnéo nái#ꞌchắng, khả#ꞌcốn, ꞌdệt phít ꞌviạk ꞌnhính#ꞌchái, ꞌdệt ꞌmột#ꞌmốn, vảy ꞌháu ꞌthớn théng#pom, ꞌchu ꞌcốn phủ ꞌmặc#bẻo, bón dú sau ꞌmen heo ꞌpháy mảy hiêm#sinh, ꞌmen ꞌvến tai thứ#song.”

Ti‑tô 1:2

ꞌSướng ꞌnặn sau chắng mẳn chaư ꞌcóng thả ꞌchua ꞌlới#ꞌlới, Chảu Pua ꞌPhạ báu#ꞌhụ ꞌvạu#bẻo, đảy chao ꞌhẹn ꞌvạy té cốc ꞌkhoẹk ꞌlẹo ꞌva ꞌchí hảư ꞌchua ꞌlới#ꞌnị.

1 Ti‑ꞌmô‑ꞌthiêu 4:2

ꞌQuám bók son ꞌnặn ók ꞌmá nẳng sốp ꞌcốn nả ꞌsư chaư ꞌcột ꞌvạu#bẻo, lỏ#pên phủ báu#ꞌhụ phít ꞌhụ#ꞌmen.

Nả ꞌviạk ꞌchí ꞌchọ pên ók 22:15

Hák#ꞌva ꞌpứng ꞌcốn ꞌdệt ꞌnéo ác#ꞌhại, ꞌcốn ꞌdệt ꞌmột#ꞌmốn, ꞌdệt phít ꞌviạk ꞌnhính#ꞌchái, khả#ꞌcốn, vảy ꞌháu ꞌthớn théng#pom, ꞌpứng ꞌcốn ꞌmặc ꞌvạu bẻo ꞌdệt ꞌnéo báu#ꞌsư lỏ#dú ꞌtáng#ꞌnọk.

1 Ti‑ꞌmô‑ꞌthiêu 1:10

ꞌdệt phít ꞌviạk ꞌnhính#ꞌchái, ꞌchái ꞌmặc ỉn#ꞌchái, phủ ꞌlặc au ꞌcốn pay#khai, ꞌvạu#bẻo, bắc ꞌlạ tả#đai, ꞌhứ#ꞌva ꞌdệt ꞌnéo đaư khắt khoang ꞌquám bók son ꞌluống#ꞌmen,

2 Cô‑ꞌlin‑ꞌthô 7:14

Khỏi đảy cáo ảng ꞌviạk ꞌpi ꞌnọng sú ꞌtan Ti‑tô ꞌnặn ꞌcọ báu#đảy nả#ꞌhại, pên ꞌquám ꞌmen#ꞌtẹ, ꞌsướng ꞌquám ꞌsúm khỏi ꞌkhới đảy bók son ꞌpi ꞌnọng ꞌnặn lỏ ꞌmen ꞌtẹ#mết.

Ti‑tô 1:12

ꞌMí ꞌlam páo phủ#ꞌnưng ꞌtáy ꞌmướng điêu#sau, ꞌnhắng đảy ꞌchiến ꞌquám ꞌvạy#ꞌva: ꞌCốn Ca‑ꞌlê‑tê ꞌmặc ꞌto ꞌvạu bẻo Pên ꞌcốn ác ꞌhại ꞌsướng tô sắt Khỉ ꞌchạn, ngắm ꞌto kin thôi.

1 Cô‑ꞌlin‑ꞌthô 10:17

Khảu ꞌnặn pên pẳn#điêu, ta#ꞌva ꞌháu ꞌmí lai ꞌcốn ꞌcọ pên ꞌsướng ꞌmo#ꞌnưng ꞌkính điêu#căn, ꞌpưa ꞌháu đảy kin ꞌhuôm pẳn khảu#điêu.

Dô‑ꞌhăn 8:44

ꞌPứng chảu ꞌmí ꞌpo pên tô cốc phi#ꞌhại, ꞌpứng chảu é ꞌdệt ꞌtoi ꞌláng áo ꞌpo chảu phủ#ꞌnặn. Té đaư té đai ꞌmá ꞌmắn pên phủ khả#ꞌcốn. ꞌMắn báu#ꞌkhới ꞌvạu ꞌquám ꞌmen#ꞌtẹ, ꞌpưa#ꞌva cuông chaư ꞌmắn báu#ꞌmí ꞌluống ꞌtáng ꞌmen#ꞌtẹ. ꞌMưa ꞌmắn ꞌvạu bẻo ꞌcọ ꞌvạu ꞌtoi chaư uối#ꞌmắn. ꞌMắn hák pên phủ bẻo ꞌlẹo ꞌcọ ꞌpá chaư phủ ꞌcốn ꞌvạu#bẻo.

Ê‑ꞌphê‑ꞌsô 5:30

ꞌpưa#ꞌva ꞌsúm ꞌháu phaư ꞌcọ pên ꞌsướng ꞌphớn#ꞌnưng ꞌmo ꞌkính ꞌTan#chảu.

Ê‑ꞌphê‑ꞌsô 4:22

ꞌPi ꞌnọng hảư ꞌváng sia ꞌluống ꞌtáng ꞌlớng đảy kin dú ꞌtoi chaư#cáu, ăn ꞌpá hảư ꞌpi ꞌnọng lông pay sú ꞌluống ꞌtáng đắp#siêu.

Ê‑ꞌphê‑ꞌsô 4:31

Chaư#khôm, pút#nhay, khả hua#căn, ꞌvạu uối#căn, ngắm ꞌdệt ác ꞌdệt ꞌhại hảư#căn, ꞌpứng khu ꞌnị hảư ꞌváng sia#mết.

Cô‑ꞌlô‑ꞌsai 3:8

ꞌKhạy hảư ꞌpi ꞌnọng ꞌváng sia ꞌchu ꞌnéo báu#đi ꞌsướng pút#nhay, chaư#ꞌhại, chaư#ác, ꞌvạu uối#sáu, pák#uối. ꞌPứng khót ꞌnặn ꞌnhá đảy ók#sốp.

ꞌHệp‑ꞌlơ 12:1

Lai phen ꞌcốn dú ỏm pên chứng hảư ꞌháu ꞌsướng#ꞌnặn, ăn đaư háp nắc ꞌsướng ꞌviạk báp ꞌsội ꞌmặc nuống ꞌpán chaư ꞌháu ꞌvạy ꞌnặn hảư pốt thỉm#sia, ꞌlẹo cứ mẳn chaư ꞌtoi ꞌluống ꞌtáng mai ꞌvạy hảư ꞌháu ꞌsướng ꞌcốn khéng#ꞌlen.

Da‑cô‑bô 1:21

ꞌSướng ꞌnặn hảư ꞌváng mết ꞌchu ꞌnéo#uối, ꞌnéo ác ꞌhại ꞌháu ꞌkhới ꞌdệt ꞌmá#ꞌnặn, ꞌlẹo hảư huốn chaư ꞌphắng au ꞌquám Chảu Pua ꞌPhạ phăng ꞌvạy nẳng cuông#chaư, ꞌchí ꞌchoi hảư ꞌpi ꞌnọng ók khói sia báp ꞌsội#đảy.

1 Pê‑tô 2:1

ꞌSướng ꞌnặn hảư ꞌpi ꞌnọng ꞌváng sia ꞌchu ꞌnéo ác#ꞌhại, ꞌnéo bẻo#ꞌlứa, nả ꞌsư chaư#ꞌcột, hơng#sáu, ꞌvạu uối sáu báu#ꞌva ꞌviạk#săng.

跟着我们：

赞助商链接

广告

广告