在线圣经

主页
在线圣经
2 Pê‑tô 2:4

2 Pê‑tô 2:4 - Tai Dam

⁴ Té cón ꞌnặn Chảu Pua ꞌPhạ báu#đảy sia đai ꞌpứng tiên ꞌchạư phủ ꞌdệt ꞌnéo báp#ꞌsội, ꞌTan chảu đảy thỉm sau ꞌlống heo#ꞌlợc, săng sau ꞌvạy nẳng bón ꞌmựt đăm thả ꞌhọt ꞌmự sét#ꞌván.

参见章节 复制

2 Pê‑tô 2:4
25 交叉引用

Du‑đe 1:6

ꞌLẹo ꞌpứng tiên ꞌchạư phủ ꞌdệt cai phép ꞌquiến Chảu Pua ꞌPhạ sắng hảư#ꞌdệt, sau hák ꞌváng sia bón ꞌvạy hảư sau dú#ꞌnặn, ꞌdiến chuốp ꞌTan chảu au sỏi lếc phúk sau ꞌvạy bón ꞌmựt ꞌlới#ꞌlới, thả ꞌhọt ꞌmự nháư luông ꞌTan chảu ꞌchí sét ꞌván sáư#ꞌtội.

ꞌMặt‑ꞌthai 25:41

ꞌLẹo ꞌháu ꞌchí bók ꞌpứng ꞌcốn dú ꞌphượng ꞌsại ꞌháu ꞌnặn#ꞌva, ‘ꞌPứng ꞌcốn đáng báp ꞌsội su#ꞌhới, hảư ók pay sia#ꞌháu, khảu pay bón ꞌpháy mảy dú báu#ꞌhụ#ꞌmọt, bón téng ꞌvạy hảư tô cốc phi ꞌhại cắp ꞌpứng phi ꞌtoi ꞌtáng#ꞌmắn.

Lôm 8:32

Chảu Pua ꞌPhạ báu#sia#đai ꞌLụk ꞌchái ꞌTan#chảu, chắng đảy sống ꞌlống ꞌmá tai ꞌpưa ꞌcốn ꞌháu ꞌtếng#cá, báu#sút ꞌto hảư ꞌLụk ꞌchái ꞌTan chảu tai ꞌpưa#ꞌháu, ꞌTan chảu ꞌcọ ꞌnhắng ꞌchí phớng ꞌdứa hảư ꞌháu đảy ꞌchu ꞌnéo#máư.

Nả ꞌviạk ꞌchí ꞌchọ pên ók 20:10

ꞌLẹo tô cốc phi ꞌhại bẻo ꞌlứa sau ꞌnặn ꞌdiến chuốp thỉm sáư heo ꞌpháy mảy hiêm#sinh, ꞌmen bón sắt ꞌhại cắp ꞌlam páo pom ꞌnặn chuốp thỉm#ꞌlẹo. Sau ꞌchí báp ꞌmo cá ꞌcứn cá ꞌvến báu#sút báu#ꞌtún.

ꞌLu‑ca 10:18

Chảu ꞌGiê‑ꞌsu tóp sau#ꞌva, “ꞌHáu hên phi ꞌSa‑tan tốc ꞌlống ꞌmá té ꞌphạ ꞌsướng ꞌphạ pa‑láp#lưởm.

1 Dô‑ꞌhăn 3:8

Phủ đaư ꞌdệt ꞌnéo báp#ꞌsội, phủ ꞌnặn ꞌcọ pên ꞌcốn phái tô cốc phi#ꞌhại, ꞌpưa#ꞌva tô cốc phi ꞌhại đảy ꞌdệt ꞌnéo báp ꞌsội té đaư té đai#ꞌmá. Chảu ꞌGiê‑ꞌsu phủ pên ꞌLụk ꞌchái Chảu Pua ꞌPhạ đảy ꞌmá ꞌcọ ꞌpưa pé ꞌpứng nả ꞌviạk tô cốc phi#ꞌhại.

2 Pê‑tô 2:11

ꞌChăm#ꞌva tiên ꞌchạư ꞌmí phép ꞌmí ꞌhéng ꞌsứa sau#ꞌnặn, hák ꞌcọ ꞌnhắng báu#ꞌmí khót đaư ꞌvạu đu ꞌngai ꞌkiện sau tó nả Chảu Pua ꞌPhạ phủ pên Chảu#Chom.

2 Pê‑tô 2:5

Chảu Pua ꞌPhạ ꞌcọ báu#đảy sia đai ꞌcốn ꞌmướng ꞌlum pang#ꞌchạu, ꞌTan chảu chắng ꞌdệt hảư ꞌnặm thuổm ꞌmướng ꞌlum khả đắp sia ꞌpứng ꞌcốn kin dú ꞌnéo báu#nể dăm ꞌTan#chảu, ꞌmí ꞌto ꞌchoi ꞌNô‑a, pên phủ páo ꞌluống ꞌtáng đi ꞌmí ꞌmen ꞌnặn cắp chết ꞌcốn dú ꞌtoi hảư khói#thôi.

ꞌLu‑ca 8:31

ꞌPứng phi ꞌhại ꞌcọ đé so ꞌTan chảu ꞌnhá sắp sau ꞌlống bón heo ꞌlợc#sút.

Dô‑ꞌhăn 8:44

ꞌPứng chảu ꞌmí ꞌpo pên tô cốc phi#ꞌhại, ꞌpứng chảu é ꞌdệt ꞌtoi ꞌláng áo ꞌpo chảu phủ#ꞌnặn. Té đaư té đai ꞌmá ꞌmắn pên phủ khả#ꞌcốn. ꞌMắn báu#ꞌkhới ꞌvạu ꞌquám ꞌmen#ꞌtẹ, ꞌpưa#ꞌva cuông chaư ꞌmắn báu#ꞌmí ꞌluống ꞌtáng ꞌmen#ꞌtẹ. ꞌMưa ꞌmắn ꞌvạu bẻo ꞌcọ ꞌvạu ꞌtoi chaư uối#ꞌmắn. ꞌMắn hák pên phủ bẻo ꞌlẹo ꞌcọ ꞌpá chaư phủ ꞌcốn ꞌvạu#bẻo.

ꞌMa‑ꞌla‑cô 5:7

khék sương nháư#ꞌva, “ꞌGiê‑ꞌsu ꞌLụk ꞌchái Chảu Pua ꞌPhạ phủ nháư sung sút#ꞌhới, ꞌTan ꞌchí ꞌmá nuống ꞌpán khỏi ꞌdệt săng#ꞌlế? Khỏi ꞌtoi ꞌchư siêng Chảu Pua ꞌPhạ so ꞌTan ꞌnhá ꞌdệt báp ꞌmo khỏi đé#ꞌnớ.”

ꞌMặt‑ꞌthai 8:29

ꞌChớ ꞌnặn sau khék sáư Chảu ꞌGiê‑ꞌsu ꞌva, “ꞌTan ꞌLụk Chảu Pua ꞌPhạ#ꞌhới, ꞌTan ꞌchí ꞌmá nuống ꞌpán ꞌsúm khỏi ꞌdệt săng#ꞌlế, ꞌchí ꞌmá ꞌdệt báp ꞌmo ꞌsúm khỏi cón ꞌchớ ꞌhẹn ꞌnặn#a?”

Du‑đe 1:13

Sau pên ꞌsướng ꞌphóng ꞌnặm bể ꞌhắm pay ꞌhắm ꞌmá ꞌdệt ꞌnéo uối ꞌhại nả nái pên ꞌphóng ꞌphọt ók#ꞌmá. ꞌLẹo sau ꞌcọ pên ꞌsướng đao lông#ꞌtáng, Chảu Pua ꞌPhạ đảy ꞌkhặn ꞌkháng bón ꞌmựt tứp na ꞌlới#ꞌlới ꞌvạy hảư#sau.

2 Pê‑tô 2:9

ꞌNéo ꞌnặn#lo, Chảu Pua ꞌPhạ phủ pên Chảu Chom hák ꞌhụ ꞌluống ꞌchoi au ꞌcốn kin dú ꞌnéo nể dăm ꞌTan chảu hảư khói sia ꞌviạk ꞌdạk ꞌchá thử#chaư, ꞌlẹo ꞌcọ ꞌhụ ꞌluống pắt au ꞌcốn ꞌcột chan sáư ꞌsội ꞌvạy thả ꞌmự sét#ꞌván.

Lôm 11:21

Chảu Pua ꞌPhạ báu#sia#đai ꞌphắn ꞌcốn ꞌI‑ꞌsa‑ên chắng đảy tắt sau ók ꞌsướng kính mák bay bản ꞌnặn#lo, ꞌsúm chảu phủ pên ꞌcốn táng#ꞌphắn, ꞌTan chảu ꞌcọ ꞌchí báu#sia#đai ꞌsướng#điêu.

跟着我们：

赞助商链接

广告

广告