在线圣经

主页
在线圣经
1 Pê‑tô 1:5

1 Pê‑tô 1:5 - Tai Dam

⁵ ꞌDọn ꞌpi ꞌnọng ꞌmí chaư#ꞌchưa, phép ꞌquiến ꞌTan chảu ꞌcọ pảy che hảư ꞌpi ꞌnọng đảy ók khói sia báp#ꞌsội, ꞌnhám lả sút ꞌnặn ꞌcọ ꞌchí ꞌhụ hên#ók.

参见章节 复制

1 Pê‑tô 1:5
43 交叉引用

ꞌPhi‑ꞌlịp‑poi 1:6

Khỏi mẳn chaư#ꞌva, ꞌTan chảu phủ tẳng cốc sảng ꞌviạk đi dú cuông chaư ꞌpi#ꞌnọng, ꞌsứ đaư ꞌTan chảu ꞌcọ ꞌchí sảng nả ꞌviạk ꞌnị hảư ꞌlẹo ꞌtạu ꞌhọt ꞌmự Chảu ꞌGiê‑ꞌsu ꞌKha‑ꞌlịt táo ꞌlống#ꞌmá.

Ê‑ꞌphê‑ꞌsô 2:8

Chảu Pua ꞌPhạ ꞌmí công ꞌphún phớng ꞌdứa ꞌpi ꞌnọng chắng đảy ók khói sia báp#ꞌsội, ꞌdọn ꞌmí chaư ꞌchưa Chảu ꞌGiê‑ꞌsu. Báu#ꞌmen ꞌpi ꞌnọng hák ꞌdệt au#đảy, ꞌmen Chảu Pua ꞌPhạ au hảư#ꞌló.

1 Pê‑tô 1:13

ꞌSướng ꞌnặn hảư ꞌpi ꞌnọng ꞌkhớng chaư ꞌkhặn#ꞌkháng, hảư cứ ꞌmo#ꞌvạy, au chaư ꞌpơng inh ꞌcóng thả công ꞌphún Chảu ꞌGiê‑ꞌsu ꞌchí phớng ꞌdứa hảư ꞌpi ꞌnọng ꞌchớ ꞌTan chảu ꞌmá hảư#hên.

Du‑đe 1:1

Khỏi ꞌchư Du‑đe ꞌnọng ꞌchái Da‑cô‑bô, pên phủ ꞌkhớng nả ꞌviạk Chảu ꞌGiê‑ꞌsu ꞌKha‑ꞌlịt. ꞌMí sư ꞌmá ha ꞌpi ꞌnọng ꞌpứng phủ Chảu Pua ꞌPhạ pên ꞌPo ꞌhặc ꞌpéng ꞌhiạk au ꞌmá pên ꞌcốn ꞌTan#chảu, pảy pốc ꞌpi ꞌnọng cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt.

ꞌHệp‑ꞌlơ 9:28

ꞌSướng ꞌnặn#lo, Chảu ꞌKha‑ꞌlịt au chảu ꞌmo vảy ꞌháu Chảu Pua ꞌPhạ ꞌtưa điêu ꞌpưa au báp ꞌsội ꞌcốn ꞌtếng lai ók pay#sia. ꞌTan chảu ꞌchí ók ꞌmá ꞌtưa thứ#song, báu#ꞌmen ꞌmá tháy báp ꞌsội#ꞌlau, ꞌmá phớng ꞌdứa ꞌchoi ꞌpứng phủ ꞌcóng thả ꞌTan chảu ꞌnặn ók khói sia báp#ꞌsội.

2 Ti‑ꞌmô‑ꞌthiêu 3:15

Té ꞌnhắng#ꞌnọi, ꞌlụk ꞌhụ ꞌpặp ꞌchiến ꞌquám Chảu Pua ꞌPhạ#ꞌlẹo, ꞌquám ꞌnặn pên ꞌluống ꞌtáng ꞌdệt hảư ꞌlụk ꞌhụ#lắc, pông chaư ꞌchưa Chảu ꞌGiê‑ꞌsu ꞌKha‑ꞌlịt, chắng đảy ók khói sia báp#ꞌsội.

ꞌKha‑ꞌla‑tia 2:20

ꞌCọ pên ꞌsướng ꞌháu đảy tai ꞌtếng ꞌmạy tháng khen ꞌtoi Chảu ꞌKha‑ꞌlịt. ꞌKhạy ꞌháu ꞌmí ꞌlới#dú, báu#ꞌmen pên ꞌcốn phủ#cáu, ꞌmen ꞌchua ꞌlới Chảu ꞌKha‑ꞌlịt dú nẳng cuông#ꞌháu. ꞌChua ꞌlới ꞌháu ꞌkhạy ꞌnị ꞌmen ꞌchua ꞌlới pông chaư ꞌchưa Chảu ꞌKha‑ꞌlịt ꞌLụk ꞌchái Chảu Pua#ꞌPhạ, phủ ꞌhặc ꞌpéng ꞌchịu ꞌváng sia ꞌchua ꞌlới ꞌpưa#ꞌháu.

Dô‑ꞌhăn 17:15

ꞌLụk đé so Chảu#ꞌPo, báu#ꞌmen so hảư au sau ók sia ꞌmướng#ꞌlum. Hák so Chảu ꞌPo pảy che au sau ók khói sia phi#ꞌhại.

Ti‑tô 2:13

ꞌchớ ꞌháu đang ꞌcóng thả ꞌmự sung sướng ꞌsứa#mết, ꞌmen ꞌmự ꞌháu ꞌchí hên Chảu ꞌGiê‑ꞌsu ꞌKha‑ꞌlịt phủ pên Chảu Pua ꞌPhạ nháư luông ꞌchoi hảư ꞌsúm ꞌháu ók khói sia báp ꞌsội ꞌnặn ꞌhung ꞌhướng ók#ꞌmá.

Ê‑ꞌphê‑ꞌsô 3:17

So hảư Chảu ꞌKha‑ꞌlịt dú cắp ꞌnặp pheng ꞌpi ꞌnọng ꞌdọn đảy pông chaư ꞌchưa ꞌTan#chảu. ꞌNọk ꞌnặn so ꞌTan chảu ꞌchoi ꞌpi ꞌnọng ꞌhặc căn mẳn#kén.

Lôm 11:20

ꞌCọ#ꞌmen, sau chuốp tắt ók sia ꞌpộ báu#ꞌchưa Chảu ꞌGiê‑ꞌsu, ꞌdọn ꞌsúm chảu ꞌmí chaư ꞌchưa chắng#ꞌnhắng. ꞌSướng ꞌnặn ꞌnhá cảo nháư đu ꞌngai#sau, hảư ꞌhụ nể dăm phép ꞌquiến Chảu Pua#ꞌPhạ.

Dô‑ꞌhăn 12:48

Phủ đaư thiêng sia báu#ꞌphắng ꞌquám ꞌháu đảy bók son ꞌcọ ꞌmí ꞌluống sáư ꞌsội#ꞌlẹo, ꞌmen ꞌquám ꞌháu bók son ꞌnặn ꞌchí sáư ꞌsội phủ ꞌnặn cuông ꞌmự lả#sút,

Dô‑ꞌhăn 5:24

ꞌHáu ꞌvạu ꞌsư hảư ꞌpứng chảu#ꞌhụ, phủ đaư ꞌphắng ꞌquám ꞌháu cắp ꞌchưa Chảu Pua ꞌPhạ phủ sống ꞌháu#ꞌmá, phủ ꞌnặn ꞌcọ ꞌmí ꞌchua ꞌlới ꞌlới, ꞌchí báu#ꞌchọ sáư#ꞌsội, phủ ꞌnặn đảy khói sia ꞌviạk#tai, ꞌlẹo ꞌcọ ꞌmí ꞌchua ꞌlới#máư.

Du‑đe 1:24

So sỏng ꞌnhó Chảu Pua ꞌPhạ phủ ꞌmí phép ꞌquiến pảy che ꞌpi ꞌnọng báu#hảư lông pay ꞌtáng#phít, ꞌpá ꞌpi ꞌnọng đảy sút chaư ꞌmuôn ꞌmớng dú tó nả ꞌhung ꞌhướng ꞌTan#chảu, báu#ꞌmí ꞌnéo chê#đảy.

1 Dô‑ꞌhăn 3:2

ꞌPi ꞌnọng ꞌhặc#sương, ꞌkhạy ꞌnị ꞌháu đảy pên ꞌlụk Chảu Pua ꞌPhạ#ꞌlẹo. ꞌPái nả ꞌháu ꞌchí pên ꞌsứ đaư ꞌcọ ꞌnhắng báu#ꞌhế ꞌhụ chẻng#đảy. Hák ꞌháu ꞌcọ ꞌhụ#ꞌva, ꞌchớ đaư Chảu ꞌGiê‑ꞌsu ꞌKha‑ꞌlịt ók ꞌmá hảư#hên, ꞌháu ꞌchí hên ꞌTan chảu pên ꞌnéo đaư#ꞌtẹ, ꞌháu chắng ꞌchí pên ꞌsướng ꞌTan#chảu.

ꞌHệp‑ꞌlơ 6:12

ꞌSúm khỏi báu#é hảư ꞌpi ꞌnọng pên ꞌcốn khỉ#ꞌchạn. Hảư ꞌtoi ꞌngươn ꞌhói ꞌpứng phủ cứ chaư ꞌchưa#mẳn, chắng nhẳn đảy ꞌtoi ꞌquám chao#ꞌhẹn.

2 Cô‑ꞌlin‑ꞌthô 1:24

Báu#ꞌmen#ꞌva ꞌsúm khỏi pắt ꞌpi ꞌnọng hảư ꞌchưa ꞌnéo ꞌnị ꞌnéo#ꞌnặn. ꞌMí ꞌto ꞌchoi căn é hảư ꞌpi ꞌnọng đảy ꞌmuôn ꞌmớng#tứm, ꞌpưa#ꞌva ꞌpi ꞌnọng cứ chaư mẳn ꞌdọn ꞌmí chaư ꞌchưa Chảu ꞌGiê‑ꞌsu.

Dô‑ꞌhăn 4:14

Hák phủ đaư kin ꞌnặm ꞌháu au hảư ꞌnặn ꞌchí báu#sép sắc#ꞌtưa. ꞌNặm ꞌháu au hảư ꞌnặn ꞌchí pên ꞌsướng bó ꞌnặm lay dú cuông tô phủ#ꞌnặn, ꞌdệt hảư đảy ꞌchua ꞌlới ꞌlới.”

Lôm 8:18

Khỏi ꞌcọ hên ꞌva, ꞌchua ꞌlới ꞌháu ꞌnị đảy báp ꞌmo khó chaư ꞌto đaư ꞌcọ báu#ꞌmí săng sôm đáng ꞌto nả ꞌviạk ꞌhung ꞌhướng ꞌpái nả ăn nháư luông ꞌháu ꞌchí đảy#ꞌnặn.

1 Cô‑ꞌlin‑ꞌthô 1:21

ꞌDọn ꞌquám ꞌhụ lắc khong Chảu Pua#ꞌPhạ, ꞌcốn phái ꞌmướng ꞌlum ta#ꞌva ꞌhụ lắc ꞌto đaư ꞌcọ ꞌnhắng báu#ꞌhụ chắc ꞌTan chảu#đảy. ꞌTan chảu chắng sôm chaư hảư páo kháo Chảu ꞌGiê‑ꞌsu ăn sáu ꞌhiạk#ꞌva ꞌmen ꞌquám bảư ꞌchạ#ꞌnặn, ꞌpưa ꞌchoi hảư ꞌpứng ꞌcốn phủ ꞌchưa đảy ók khói sia báp#ꞌsội.

ꞌPhi‑ꞌlịp‑poi 4:7

ꞌViạk súc sáng bang chaư ꞌmá té Chảu Pua ꞌPhạ ꞌsứa sia ăn phủ ꞌcốn#ꞌhụ, ꞌTan chảu ꞌchí pảy che chaư ꞌtếng#cá ꞌluống ngắm khong ꞌpi ꞌnọng ꞌvạy cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt.

1 Pê‑tô 4:13

Hảư ꞌpi ꞌnọng ꞌmuôn ꞌmớng pên ꞌsướng đảy báp ꞌmo khó chaư ꞌhuôm Chảu ꞌKha‑ꞌlịt, ꞌlẹo ꞌchớ ꞌTan chảu ꞌhung ꞌhướng ꞌmá hảư#hên, ꞌpi ꞌnọng ꞌcọ ꞌchí đảy ꞌmuôn ꞌmớng sút mốc sút#chaư.

1 Pê‑tô 5:1

Khỏi phủ ꞌnưng ꞌcọ pên phủ thảu ꞌcốn#ké, khỏi pên chứng hên Chảu ꞌKha‑ꞌlịt chuốp báp ꞌmo khó#chaư, ꞌlẹo ꞌchớ đaư hên ꞌTan chảu ꞌhung ꞌhướng ꞌlống#ꞌmá, khỏi ꞌcọ ꞌchí ꞌmí ꞌphớn đảy ꞌhung ꞌhướng ꞌtoi ꞌTan#chảu. ꞌSướng ꞌnặn khỏi so tít tơn ꞌpứng chảu phủ thảu ké bớng đu mốt ꞌsúm ꞌhốm ꞌpi#ꞌnọng,

2 Pê‑tô 1:3

ꞌTan chảu au phép ꞌquiến Chảu Pua ꞌPhạ ꞌnặn đảy phớng ꞌdứa ꞌchu ꞌluống hảư ꞌháu ꞌmí ꞌchua ꞌlới#pay, ꞌlẹo kin dú nể dăm ꞌTan#chảu, ꞌdọn ꞌháu ꞌhụ chắc Chảu Pua ꞌPhạ phủ đảy ꞌhiạk au ꞌháu ꞌmá dú cuông ꞌhôm ꞌngáu ꞌhung ꞌhướng cắp ꞌluống đi ꞌTan#chảu.

跟着我们：

赞助商链接

广告

广告