在线圣经

主页
在线圣经
1 Dô‑ꞌhăn 4:6

1 Dô‑ꞌhăn 4:6 - Tai Dam

⁶ ꞌHáu lỏ#ꞌmen phái Chảu Pua#ꞌPhạ. Phủ đaư ꞌhụ chắc Chảu Pua#ꞌPhạ, phủ ꞌnặn ꞌcọ ꞌphắng#ꞌháu. Phủ đaư hák báu#ꞌmen phái Chảu Pua#ꞌPhạ, phủ ꞌnặn lỏ#báu ꞌphắng#ꞌháu. ꞌSướng ꞌnặn#lo, ꞌháu chắng ꞌhụ chắc#ꞌva, Chảu Khuôn Saư phái ꞌmen ꞌtẹ kéng phi khuôn phái#phít.

参见章节 复制

1 Dô‑ꞌhăn 4:6
33 交叉引用

Dô‑ꞌhăn 14:17

ꞌTan ꞌmen Chảu Khuôn Saư phủ uôn ꞌpá ꞌluống ꞌtáng ꞌmen#ꞌtẹ. ꞌCốn phái ꞌmướng ꞌlum báu#nhẳn ꞌTan#đảy, ꞌpưa#ꞌva sau báu#ꞌhụ báu#hên#ꞌTan. Hák#ꞌva ꞌpứng ꞌnọng lo ꞌhụ chắc ꞌTan#chảu, ꞌTan chảu dú cắp ꞌpứng ꞌnọng ꞌlẹo ꞌcọ ꞌchí dú cuông chaư ꞌpứng#ꞌnọng.

Dô‑ꞌhăn 10:27

ꞌCốn ꞌháu ꞌphắng ꞌquám ꞌháu ꞌsướng ꞌdo ꞌphắng sương phủ ꞌliệng#ꞌmắn. ꞌHáu ꞌhụ#sau, sau ꞌcọ ꞌtoi ꞌtáng#ꞌháu.

Dô‑ꞌhăn 15:26

ꞌHáu ꞌchí sống ꞌTan phủ tủm ꞌpúa ꞌmá té Chảu ꞌPo ꞌpưa ꞌchoi ꞌpứng#ꞌnọng, ꞌmen Chảu Khuôn Saư phủ uôn ꞌpá ꞌluống ꞌtáng ꞌmen#ꞌtẹ. ꞌChớ ꞌnặn Chảu Khuôn Saư ꞌchí pên chứng hảư#ꞌháu.

1 Dô‑ꞌhăn 4:1

ꞌPi ꞌnọng ꞌhặc sương, ꞌnhá ꞌchưa mết ꞌchu ꞌcốn phủ ꞌhiạk#ꞌva ꞌmí Chảu Khuôn Saư dú#ꞌtoi. Hảư ꞌphắng bớng#cón, ꞌva ꞌmen Khuôn Saư ꞌmá té Chảu Pua ꞌPhạ ꞌtẹ ꞌhứ#báu, ꞌpưa#ꞌva ꞌmí lai ꞌcốn pom pên ꞌlam páo ꞌquám Chảu Pua ꞌPhạ đảy ók pay páo nẳng ꞌmướng#ꞌlum.

1 Dô‑ꞌhăn 4:4

ꞌPứng ꞌlụk ꞌhặc sương, ꞌpứng ꞌlụk lỏ#ꞌmen phái Chảu Pua#ꞌPhạ, ꞌlẹo ꞌcọ đảy ꞌpẹ ꞌpứng ꞌcốn pom pên ꞌlam páo#ꞌnặn, ꞌpưa#ꞌva phép Chảu Khuôn Saư phủ dú nẳng ꞌpứng ꞌlụk ꞌnặn nháư ꞌsứa phép tô cốc phi ꞌhại phủ dú nẳng ꞌmướng ꞌlum#ꞌnị.

Dô‑ꞌhăn 18:37

Quan tỉnh chắng tham, “ꞌCợn ꞌmứng pên pua ꞌtẹ#ꞌquá?” Chảu ꞌGiê‑ꞌsu tóp, “ꞌMen ꞌsướng ꞌquám quan ꞌvạu ꞌháu ꞌnị pên#pua. ꞌHáu ók ꞌmá pên ꞌcốn ꞌlống ꞌmá ꞌmướng ꞌlum ꞌcọ ꞌpưa pên chứng hảư ꞌcốn ꞌtếng lai ꞌhụ chắc ꞌluống ꞌtáng ꞌmen#ꞌtẹ. Phủ đaư ꞌtoi ꞌluống ꞌtáng ꞌmen ꞌtẹ ꞌcọ ꞌphắng au ꞌquám#ꞌháu.”

1 Cô‑ꞌlin‑ꞌthô 14:37

ꞌVa phủ đaư ꞌhiạk chảu pên ꞌlam páo ꞌquám Chảu Pua ꞌPhạ ꞌhứ#ꞌva đảy ꞌnéo đi nẳng Chảu Khuôn Saư#ꞌlẹo, ꞌcọ hảư phủ ꞌnặn ꞌhụ#ꞌva, ꞌpứng ꞌquám khỏi tẻm ꞌmá hảư ꞌnị pên ꞌquám bók ꞌmá té Chảu Pua ꞌPhạ phủ pên Chảu#Chom.

2 ꞌThê‑ꞌsa‑ꞌlôn 1:8

ꞌpưa ꞌmá sáư ꞌsội tóp ꞌpứng phủ đaư báu#ꞌhụ chắc Chảu Pua ꞌPhạ, báu#ꞌnhóm ꞌphắng au kháo ꞌhung saư ꞌviạk ꞌGiê‑ꞌsu phủ pên Chảu Chom#ꞌháu.

Dô‑ꞌhăn 16:13

ꞌChớ đaư Chảu Khuôn Saư ꞌlống ꞌmá ꞌhọt#ꞌlẹo, ꞌTan pên phủ uôn ꞌpá ꞌluống ꞌtáng ꞌmen#ꞌtẹ, ꞌchí hảư ꞌpứng ꞌnọng ꞌhụ mết ꞌchu#ꞌnéo. Chảu Khuôn Saư ꞌchí báu#ꞌvạu ꞌtoi chaư chảu cá#đaư. ꞌTan chảu đảy ꞌnghín Chảu ꞌPo bók ꞌnéo đaư ꞌcọ ꞌchí ꞌvạu ꞌnéo#ꞌnặn, ꞌlẹo ꞌcọ ꞌchí hảư ꞌpứng ꞌnọng ꞌhụ nả ꞌviạk ꞌchí pên ók ꞌpái#nả.

1 Dô‑ꞌhăn 4:8

Phủ đaư báu#ꞌmí chaư#ꞌhặc, phủ ꞌnặn lỏ báu#ꞌhụ chắc Chảu Pua#ꞌPhạ, ꞌpưa#ꞌva Chảu Pua ꞌPhạ ꞌmen phủ ꞌmí chaư#ꞌhặc.

1 Ti‑ꞌmô‑ꞌthiêu 4:1

Chảu Khuôn Saư hảư ꞌhụ chẻng#ꞌva, ꞌpái nả ꞌchí ꞌmí ꞌsán ꞌcốn ꞌváng sia ꞌluống ꞌtáng ꞌchưa Chảu ꞌGiê‑ꞌsu, tốc báng ꞌlứa ꞌquám bók son tô phi#ꞌhại.

Dô‑ꞌhăn 13:20

ꞌHáu ꞌvạu ꞌsư hảư ꞌpứng ꞌnọng#ꞌhụ, phủ đaư tỏn ꞌhặp phủ ꞌháu ꞌchạư#pay, ꞌcọ pên#ꞌva tỏn ꞌhặp#ꞌháu. Phủ đaư tỏn ꞌhặp#ꞌháu, ꞌcọ pên#ꞌva tỏn ꞌhặp Chảu Pua ꞌPhạ phủ sống ꞌháu#ꞌmá.”

Dô‑ꞌhăn 8:19

Mốt ꞌcốn phái ꞌPha‑ꞌli‑ꞌsai chắng tham Chảu ꞌGiê‑ꞌsu ꞌva, “ꞌPo chảu dú cá#đaư?” Chảu ꞌGiê‑ꞌsu tóp, “ꞌPứng#chảu báu#ꞌhụ chắc ꞌháu kéng báu#ꞌhụ chắc ꞌPo#ꞌháu. ꞌVa ꞌpứng chảu ꞌhụ chắc ꞌháu ꞌcọ ꞌchí ꞌhụ chắc ꞌPo ꞌháu#ꞌlẹo.”

ꞌLu‑ca 10:22

Chảu ꞌGiê‑ꞌsu ꞌvạu máư#ꞌva, “Chảu ꞌPo đảy dao nả ꞌviạk ꞌchu khu ꞌchu ꞌluống hảư ꞌháu phủ pên#ꞌLụk. Báu#ꞌmí phủ đaư ꞌhụ ꞌLụk ꞌmen#phaư, ꞌmí ꞌto Chảu ꞌPo ꞌhụ phủ#điêu. Báu#ꞌmí phủ đaư ꞌhụ Chảu ꞌPo ꞌmen#phaư, ꞌmí ꞌto ꞌháu phủ pên ꞌLụk kéng phủ đaư ꞌháu é hảư ꞌvạu chẻng hảư#ꞌhụ.”

Du‑đe 1:17

ꞌPi ꞌnọng ꞌhặc sương, ꞌnhá ꞌlứm ꞌpứng ꞌquám mốt ꞌlam ꞌchạư páo kháo ꞌGiê‑ꞌsu ꞌKha‑ꞌlịt Chảu Chom ꞌsúm ꞌháu ꞌnặn đảy ꞌchiến#ꞌvạy.

2 Pê‑tô 3:2

Hảư ꞌpi ꞌnọng ngắm ꞌhọt ꞌquám ꞌpứng ꞌlam páo chăm ꞌmứ Chảu Pua ꞌPhạ đảy ꞌchiến ꞌvạy té#cón, kéng ꞌquám sắng ꞌGiê‑ꞌsu phủ pên Chảu Chom ꞌchoi ꞌsúm ꞌháu ók khói sia báp#ꞌsội, ꞌsướng mốt ꞌlam ꞌchạư páo kháo ꞌTan chảu đảy bók son ꞌpi ꞌnọng#ꞌnặn.

2 Cô‑ꞌlin‑ꞌthô 10:7

ꞌPi ꞌnọng ꞌcứ bớng phái ꞌnọk thôi. ꞌVa phaư mẳn chaư ꞌhiạk chảu pên ꞌcốn Chảu ꞌKha‑ꞌlịt, hảư phủ ꞌnặn ngắm#ꞌva, chảu pên ꞌcốn Chảu ꞌKha‑ꞌlịt ꞌsướng#đaư, ꞌsúm khỏi ꞌcọ pên ꞌcốn ꞌTan chảu ꞌsướng#ꞌnặn.

Lôm 11:8

ꞌsướng ꞌquám Chảu Pua ꞌPhạ đảy tẻm ꞌchiến ꞌvạy#ꞌva: ꞌTan chảu ꞌdệt hảư sau ꞌmí chaư típ tăn Ta sau bớng báu hên Hu sau báu đảy ꞌnghín ꞌMá ꞌhọt ꞌtạu ꞌkhạy ꞌnị.

Lôm 1:1

Khỏi ꞌchư Pôn, phủ ꞌkhớng nả ꞌviạk Chảu ꞌGiê‑ꞌsu ꞌKha‑ꞌlịt, Chảu Pua ꞌPhạ đảy ꞌhiạk au khỏi ꞌmá pên ꞌlam ꞌchạư páo#kháo, ꞌvạy páo dai kháo ꞌhung saư ꞌmá té ꞌTan#chảu.

Dô‑ꞌhăn 20:21

Chảu ꞌGiê‑ꞌsu ꞌvạu máư#ꞌva, “ꞌChốm ꞌmớng hảư ꞌpứng ꞌnọng đảy súc sáng bang#chaư. Chảu ꞌPo sống ꞌháu ꞌlống ꞌmá ꞌsướng#đaư, ꞌháu ꞌcọ ꞌchí sống ꞌpứng ꞌnọng ók pay ꞌsướng#ꞌnặn.”

Dô‑ꞌhăn 10:16

ꞌHáu ꞌnhắng ꞌmí ꞌpứng ꞌdo#ứn, báu#ꞌmen ꞌpứng nẳng cuông ꞌvớng ꞌliệng ꞌdo#ꞌnị. ꞌHáu ꞌcọ ꞌchọ au ꞌpứng ꞌdo ꞌnặn ꞌmá#máư, ꞌpứng phen ꞌnặn ꞌcọ ꞌchí ꞌphắng sương#ꞌháu, ꞌlẹo ꞌchí ꞌhốm sau pên ꞌpứng điêu#căn, ꞌháu phủ điêu ꞌchí pên phủ#ꞌliệng.

Dô‑ꞌhăn 8:23

Chảu ꞌGiê‑ꞌsu ꞌvạu máư#ꞌva, “ꞌPứng#chảu pên ꞌcốn ꞌmướng#ꞌlum, ꞌháu lỏ#pên ꞌcốn ꞌmá té ꞌmướng#ꞌphạ. ꞌPứng#chảu pên phái ꞌmướng ꞌlum#ꞌnị, ꞌháu lỏ#báu#ꞌmen phái ꞌmướng#ꞌlum.

Dô‑ꞌhăn 10:3

ꞌCốn ꞌnhám pák tu ꞌcọ khay tu hảư phủ#ꞌnặn, ꞌpứng tô ꞌdo ꞌcọ ꞌphắng sương phủ ꞌliệng khék ꞌchư khong ꞌmắn ꞌlẹo uôn ók#pay.

1 Dô‑ꞌhăn 5:19

ꞌHáu ꞌhụ#ꞌva ꞌháu pên ꞌcốn Chảu Pua#ꞌPhạ, ꞌlẹo ꞌháu ꞌcọ ꞌhụ#ꞌva ꞌchu ꞌcốn phái ꞌmướng ꞌlum đảy dú cỏng ꞌquiến tô cốc phi#ꞌhại.

跟着我们：

赞助商链接

广告

广告