Yoˊhan 6:45 - Plang (Blang)

⁴⁵ Nang htawm ce peue suip leukahˊ Eun Peucawoˊ naˊ temˊ a ri, ‘Peucawoˊ kaw Eun sangsawnˊ ce gawmˊeucˊ.’ Peue pun ri mhawngˊ pun ri rin ri Aˊkuiingˊ Eun naˊ ce ku peue kaw ce ingˊ ri Uiˊ.

Yoˊhan 6:45 交叉引用

Hebraeˊ 10:16

“Aenˊ meuh a kati satˊcaˊ yeuh Uiˊ ri ce. Hawcˊ ka yam awnˊ na, Peucawoˊ lahˊ Eun a yeuhkiˊ, ‘Kaw Uiˊ seueˊ leukahˊ ritroe ri naˊ hk'aˊnaee meulˊ bhumˊ ce naˊ. Uiˊ kaw temˊ leukahˊ ritroe awnˊ na hk'aˊpang hpumˊ kamkuit ce naˊ.’ ”

1 Hteˊsalawˊniˊ 4:9

Lawng hk'aˊ leumeusˊkeus peˊ ecˊawngˊ naˊ, ye hkuinˊ kaw loˊ ri temˊ a ri peˊ. Kopti kaw peˊ leumeusˊ puri naˊ, Peucawoˊ sangsawnˊ Eun peˊ hawcˊ.

Yoˊhan 6:65

Yesuˊ Eun suip ri lahˊ, “Kopti meuh a aenˊ na, Uiˊ lahˊ a ri peˊ, ‘A lawn unˊ meuh kuˊ Aˊkuiingˊ kah Eun ce ingˊ ri Uiˊ naˊ koˊ, aˊnhawˊ hkuinˊ cang ingˊ ri Uiˊ saecˊ ti peue.’ ”

Yoˊhan 6:37

Peue Aˊkuiingˊ tuilˊ Eun ri Uiˊ naˊ ce gawmˊeucˊ, kaw ce ingˊ ri Uiˊ. Peue ingˊ ri Uiˊ naˊ Uiˊ hkuinˊ kaw tecla ce.

Mahtae 17:5

Yam buih leukahˊ eun naˊ, putumˊ cengˊ naˊ a lih ghuimˊ ce. A kueˊ sengˊ lawsˊ lih neum putumˊ naˊ, “Peue aenˊ meuh Eun Konˊ aiˊ leumeusˊ Uiˊ nyawkˊ. Eun hitˊ ri hpumˊ Uiˊ nyawkˊ. Leuceng ri ti leukahˊ Eun naˊ reuˊ.”

Eˊfeˊsuˊ 1:17

Hk'oˊ uiˊ a ri Peucawoˊ Eun Cawoˊ Yesuˊ Hkrit eˊ kuˊ meuh Aˊkuiingˊ munhpungˊ keuting naˊ Eun kah peˊ kueˊ citˊ seungaˊ ka cuˊyi naˊ maeeˊ citˊ seungaˊ ka tuhˊ ri tuilˊ naˊ, punta kaw peˊ gawm yawng Eun heunˊ naˊ.

Yoˊhan 10:27

Konˊyungˊ Uiˊ naˊ leuceng ce leukahˊ Uiˊ naˊ. Uiˊ yawng konˊyungˊ awnˊ ce. Ce ku hotˊ Uiˊ.

Luˊka 18:31

Yesuˊ va Eun tapaeˊ kulˊleualˊ peue ri naˊ ce gvehˊ hk'aˊ naˊ. Eun lahˊ a ri ce, “Buih hukˊ eˊ nang veng Yeruˊsalaem. Lawng Eun Konˊ aiˊ peue kuˊ peue suip leukahˊ Eun Peucawoˊ temˊ ce naˊ gawmˊeucˊ ka naˊ kaw a htonnuk.

Luˊka 1:70

(A seunˊ kuˊ lahˊ Eun Peucawoˊ ri peue suip leukahˊ seungaˊ chakˊ Eun tangˊ neum leumahˊ naˊ ce.)

Makuˊ 1:2

Nang htawm eun Iˊsayaˊ kuˊ meuh peue suip leukahˊ Eun Peucawoˊ naˊ temˊ a ri uinˊ ri yeuhkiˊ, “Kaw Uiˊ cusˊ peue caee ri naˊ eun heulˊ nanggalˊ Mi. Eun kaw bai mheˊ hk'aˊ Mi naˊ.

Mahtae 11:27

Kuiingˊ Uiˊ ap Eun ku ceu gawmˊeucˊ naˊ ri Uiˊ hawcˊ. A lawn unˊ meuh Aˊkuiingˊ Eun koˊ, aˊnhawˊ hkuinˊ yawng Konˊ aiˊ Eun saecˊ ti peue. A lawn unˊ meuh Konˊ aiˊ Eun maeeˊ kuˊ Konˊ aiˊ sumˊ tuhˊ Eun peue yawng Aˊkuiingˊ Eun naˊ koˊ, aˊnhawˊ hkuinˊ yawng Aˊkuiingˊ Eun saecˊ ti peue.”

Peue caee 7:42

Daecti Peucawoˊ Eun eungˊ kuiˊ ri ri ce. Eun taeˊ ce faeeˊ kuˊ cengˊ kueˊ pang maoˊ naˊ. A seunˊ kuˊ temˊ ri nang htawm ce peue suip leukahˊ Eun Peucawoˊ yeuhkiˊ naˊ, ‘Peue Iˊsarelaˊ naˊ peˊ, yam utˊ peˊ nang vang hk'ohˊhk'oengˊ naˊ pun punˊkulˊ neum naˊ, peˊ hkuinˊ duing dum ri tan satˊ naˊ maeeˊ kuˊ tan naˊ ri Uiˊ.

Peue caee 13:40

Uinˊ sati ri meulamlam ri reuˊ. Pawlaee kah kuˊ lahˊ ce peue suip leukahˊ Eun Peucawoˊ naˊ meuh ri peˊ. A lahˊ,

Hpiˊliˊpiˊ 3:15

Peue keuting hk'aˊnaee hk'aˊ civit ri ku peue naˊ eˊ, htukˊ eˊ ri kueˊ kamkuit yeuhkiˊ. Mi lawn kuit kuˊ ti ri ceu naˊ a unˊ seunˊ aenˊ a koˊ, Peucawoˊ kaw Eun yeuh mi leuceng pun a cengˊsaeeˊ.

1 Yoˊhan 2:27

Peˊ ri koˊ, kopti pun peˊ hk'aˊ leuk Eun ri ti hawcˊ naˊ, peˊ hkuinˊ kaw laee loˊ peue sangsawnˊ ri. Daecti kopti hk'aˊ leuk Eun ri ti naˊ sangsawnˊ a peˊ ri ku ceu naˊ maeeˊ hk'aˊ leuk Eun ri ti awnˊ meuh a kuˊ neumneum, a unˊ laee meuh kuˊ chiˊlai naˊ, peˊ naˊ utˊ hk'aˊnaee Eun hotˊ seunˊ hk'aˊ leuk Eun ri ti naˊ sangsawnˊ ka naˊ reuˊ.