Yakopˊ 4:7 - Plang (Blang)

⁷ Kop awnˊ na, sahpawˊ ri utˊ hk'aˊruim vang uˊpeung Eun Peucawoˊ naˊ reuˊ. Yeuh ri nhimˊnhimˊ hamˊtap seucaˊ rai naˊ reuˊ, kaw a pucti hk'uih hk'aiˊ peˊ.

Yakopˊ 4:7 交叉引用

Eˊfeˊsuˊ 4:27

Pawlaee tuilˊ yam naˊ ri Satan naˊ.

1 Petruˊ 5:6

Kop awnˊ na, punta Peucawoˊ kaw Eun yuk peˊ hukˊ yam cawpˊ a yam ri naˊ, peˊ naˊ tangˊ hpumˊ ri tem hk'aˊruim dak tiˊ tiˊca keuting Eun naˊ reuˊ.

Hebraeˊ 12:9

Lheuˊ awnˊ na, ku peue eˊ, kueˊ eˊ ri isˊ kuiingˊ meuh peue nang taˊfaetˊ sangsawnˊ ri. Eˊ ku hkopyawmˊ ce ri kuˊ yeuh ce naˊ. Eˊ htukˊ ri leuceng Kuiingˊ hk'aˊ civit eˊ naˊ Eun maeeˊ aˊyu imˊ ri lheuˊ awnˊ na pe aˊneng?

Roˊma 10:3

Kopti unˊ yawng ce hk'aˊ leupaws seumeuˊ lih neum Peucawoˊ Eun naˊ. Ce sawngˊ yeuh hk'aˊ leupaws seumeuˊ ri naˊ meun. Kop awnˊ na, ce unˊ rap ri ti hk'aˊ leupaws seumeuˊ Eun Peucawoˊ naˊ.

Mahtae 11:29

Leuceng leukahˊ Uiˊ naˊ hotˊ rin ri ti Uiˊ, kopti hpumˊ Uiˊ naˊ onawnˊ ka. Civit peˊ naˊ a kaw pun ri keuluiˊ ri.

Eˊfeˊsuˊ 5:21

Yeuh ri leuceng leukahˊ puri hk'aˊnaee hkopyawmˊ yumyamˊ Hkrit Eun naˊ reuˊ.

1 Petruˊ 2:13

Kopti meuh a Peucawoˊ Eun, yawmˊ ri utˊ hk'aˊruim vang uˊpeung ce cawoˊ kuˊ leuk peue ri tangˊ ri uinˊ naˊ ce reuˊ. Utˊ hk'aˊruim hkunˊhawˊhkamˊ cawoˊ anˊnya keuting hk'aiˊ peue naˊ eun.

Roˊma 14:11

Hotˊ seunˊ kuˊ temˊ a ri nang htawm Seungaˊ naˊ, “Cawoˊ Peucawoˊ Eun lahˊ, ‘Seunˊ aˊyu imˊ Uiˊ neumneum naˊ, peue naˊ kaw peue seukluin ri nanggalˊ Uiˊ ku peue, dakˊ naˊ a kaw lahˊ hk'aˊ tawsˊ hpumˊ naˊ ri Peucawoˊ Eun ku dakˊ.’ ”

Peue caee 26:19

Tangˊ neum yam awnˊ na, hkunˊhawˊhkamˊ Akliˊpaˊ, uiˊ unˊ plohˊplehˊ ri ri limit lih neum kuingˊ pang maoˊ awnˊ na.

Peue caee 9:6

Maetˊmaenˊ, kuhˊ ingˊ lec nang veng naˊ reuˊ. Mi kaw htukˊ ri yeuh saˊnhawˊ naˊ, a kaw kueˊ peue lahˊ a ri mi.”

Eˊfeˊsuˊ 6:13

Kop awnˊ na, punta kaw peˊ cang cawng keutawnˊ hkamˊ pe yam seunyi rai awnˊ rot ka naˊ pun naˊ, cuipˊ hk'eung anˊnya Eun Peucawoˊ naˊ gawmˊ cum ka reuˊ. Hawcˊ hk'eupˊ peˊ ku ceu gawmˊeucˊ naˊ heulˊ naˊ, peˊ ku naˊ kawnˊ cawng keutawnˊ pun.