Peue caee 5:17 - Plang (Blang)

¹⁷ Yam awnˊ na, peue jhawpˊ rit keuting naˊ eun maeeˊ aˊmawo eun utˊ nang muk ce peue Saduˊkaeˊ naˊ ce hkoeˊmangˊ peue caee Eun Yesuˊ naˊ ce nyawkˊ.

Peue caee 5:17 交叉引用

Peue caee 13:45

Yam peue Yuˊda naˊ nyu ce peue cum heunˊ naˊ ce naˊ, ce hkoeˊmangˊ ka nyawkˊ. Ce topˊtawt kuˊ lahˊ eun Pawˊlu naˊ. Ce lahˊ leukahˊ cuˊ kuˊ kleucˊ ri heun.

Peue caee 17:5

Daecti peue Yuˊda naˊ ce kueˊ hpumˊ hkoeˊmangˊ ka, ce klawng peue rai utˊ eoˊ nang keulas naˊ ce ingˊ yeuh kuˊ suksak nang veng naˊ. Punta kaw ce teukˊ Pawˊlu eun maeeˊ Silasˊ ka heulˊ nanggalˊ ce peue heunˊ naˊ, ce nui ri ingˊ lec ri sok ka nang nya eun Cesanˊ naˊ.

Peue caee 7:9

Aˊtaˊ keuting awnˊ ce kopti mangˊ ce Yoˊsaep eun, ce paingˊ eun meuh mhaiˊ nang kuingˊ Eˊjiˊtuˊ naˊ. Daecti Peucawoˊ Eun utˊ maeeˊ heun.

1 Petruˊ 2:1

Kop awnˊ na, hpumˊ sumˊ yeuh peue lu, hpumˊ chiˊlai ri hk'a, leukahˊ seungaˊ hpumˊ vokˊ, hkoeˊmangˊ peue maeeˊ peusahˊ nyoe peue naˊ ku ceu ka, tecla a hk'aiˊ tuˊ peˊ naˊ reuˊ.

Yoˊhan 12:10

Kop awnˊ na, roˊ peue jhawpˊ rit keuting naˊ ce ku rangraen hk'aˊ kaw ri toh Lasaruˊ eun yeut.

Mahtae 27:18

Aenˊ meuh a kopti cawoˊ Piˊlat yawng eun roˊ peue jhawpˊ rit naˊ ap ce Yesuˊ Eun ri ti kopti hkoeˊmangˊ ce Eun naˊ.

Yakopˊ 4:5

Kuˊ temˊ ri nang htawm Seungaˊ a lahˊ, “Civit Peucawoˊ seueˊ Eun hk'aˊnaee eˊ naˊ, sumˊ kah Eun a meuh isˊ ti palkoe”, hteumˊ peˊ a temˊ ri hk'oˊhk'awngˊ aw?

Galatiˊ 5:21

hkoeˊmangˊ puri, yuicˊ ri plaiˊ, yeuh hk'aˊ renˊkawn pon lheuˊ maeeˊ kuˊ seubu seunˊ aenˊ a naˊ ce. Seunˊ tawn tuilˊ uiˊ sati peˊ naˊ, uiˊ kaw tang tuilˊ sati peˊ, peue yeuh seunˊ ceu nang aenˊ ce naˊ peue hkuinˊ kaw pun ri rap ri ti kuingˊ Eun Peucawoˊ naˊ meuh sinˊ ri.

Peue caee 15:5

Hawcˊ koˊ, peue yumˊ utˊ nang muk ce peue Hparisaeˊ naˊ ce ngonˊ ce kuhˊ cawng ri lahˊ, “Peue unˊ meuh peue ceu Yuˊda naˊ ce kaw kah ri tonˊ duingˊ hakˊ ri, ce kaw kah ri hotˊ leukahˊ ritroe eun Moˊse naˊ.”

Peue caee 4:26

Punta kaw ce hamˊtap Peucawoˊ Eun maeeˊ kuˊ lhuikˊ Eun ri uinˊ ri lamawn naˊ Eun, hkunˊhawˊhkamˊ pang bhenˊ keuteˊ maeeˊ cawoˊ uˊpeung naˊ ce pong puri tiduihˊ.’

Peue caee 4:6

Peue jhawpˊ rit keuting muis Anasˊ eun maeeˊ Kayafasˊ, Yoˊhan, Alekˊsandoˊ maeeˊ ceucat peue jhawpˊ rit keuting naˊ ce gawmˊeucˊ ce ku ingˊ hk'om mawnˊ yeut.

Yoˊhan 12:19

Kop awnˊ na, peue Hparisaeˊ naˊ ce lahˊ a ri puri, “Nyu peˊ a aw, hpaw eˊ caˊ kaw laee cang yeuh keunhawˊ naˊ pun? Keueˊ reuˊ, bhenˊ keuteˊ gawmˊeucˊ naˊ hotˊ ka Eun heulˊ hawcˊ.”

Mahtae 3:7

Daecti yam Yoˊhan nyu eun peue Hparisaeˊ maeeˊ peue Saduˊkaeˊ heunˊ peue naˊ ingˊ ce vang tuilˊ eun hk'aˊ cumˊ naˊ, eun lahˊ a ri ce, “Konˊhk'i ka seueuengˊ saˊhaoˊ naˊ peˊ, aˊnhawˊ ciˊ tuilˊ sati kah peˊ hk'uih hk'aiˊ hk'aˊ seungeuengˊ Eun Peucawoˊ naˊ?

Peue caee 5:16

Peue cum heunˊ utˊ nang veng kueˊ keunam veng Yeruˊsalaem naˊ ce ingˊ cu ri. Ce va peue peuyhat maeeˊ peue seucaˊ rai lec naˊ ce ingˊ. Ce cuin gawmˊeucˊ ri.