19 Kamkuit rai, toh peue, lenˊcu, hkuitˊnawngˊtangˊ, ra hk'eung, hkamˊ saˊhkiˊ unˊ kueˊ unˊ meuh naˊ maeeˊ peusahˊ nyoe peue aenˊ ce a lih neum hpumˊ naˊ.
Kuˊ rai aenˊ a tawsˊ hpumˊ fuin mapˊ mi ri ka, hawcˊ koˊ hk'oˊ munˊ ri Peucawoˊ Eun reuˊ. Naˊ Eun ploeˊ mapˊ kuˊ kuit mi nang hpumˊ ri yeuhkiˊ naˊ unˊ yawng.
Yawng uiˊ hk'aˊnaee tuˊ uiˊ naˊ unˊ kueˊ a kuˊ chakˊ naˊ saecˊ ti ceu, awnˊ a meuh hk'aˊ nhamˊ keune uiˊ naˊ. Kopti uiˊ saecˊ sumˊ yeuh kuˊ chakˊ naˊ, uiˊ hkuinˊ yeuh a.
Yesuˊ yawng Eun kuit ce a yeuh keutitˊ nang hpumˊ ri naˊ, Eun lahˊ a ri ce, “A ciˊ meuh kop keunhawˊ, peˊ vaeeˊ kuit a nang hpumˊ ri yeuhkiˊ?
Daecti Uiˊ lahˊ a ri peˊ, ‘Aˊnhawˊ lawn keueˊ ri beunˊ naˊ eun maeeˊ kueˊ ri hpumˊ hkuitˊnawngˊtangˊ naˊ koˊ, hkawnˊ lenˊcu eun maeeˊ beunˊ awnˊ eun hk'aˊnaee hpumˊ ri naˊ hawcˊ.’
Aenˊ ce a yeuh peue naˊ peue unˊ seungaˊ. Daecti unˊ hkucˊ tiˊ ri hk'a kuˊ hk'a naˊ a hkuinˊ yeuh peue unˊ seungaˊ.”
