Luˊka 4:35 - Plang (Blang)

³⁵ Hawcˊ koˊ, Yesuˊ Eun haeˊ eun. Eun lahˊ, “Ditˊ mi. Puc mi heulˊ hk'aiˊ heun reuˊ.” Naˊ hawcˊ koˊ, seucaˊ awnˊ a yeuh peue awnˊ eun htangˊmeul nanggalˊ ce naˊ. A pucti heulˊ hk'aiˊ heun. A unˊ yeuh eun suiˊ saecˊ peunaeˊ.

Luˊka 4:35 交叉引用

Luˊka 4:41

Saecˊ meuh seucaˊ naˊ ce pucti heulˊ hk'aiˊ peue heunˊ naˊ ce. Ce taˊulˊ ri lahˊ, “Mi ri meuh Mi Konˊ aiˊ Eun Peucawoˊ.” Daecti Yesuˊ Eun haeˊ ce. Eun unˊ kah ce leukahˊ baee, kopti yawng ce Yesuˊ meuh Eun Hkrit naˊ.

Luˊka 4:39

Yesuˊ eun cawng keunam ka aˊya naˊ. Eun kah peuyhat kucˊ haˊlok ka naˊ pucti lih. Peuyhat kucˊ halok naˊ a raiˊ. Ka keulawnˊ kuhˊ nghawmˊ ce hk'asomˊ.

Mahtae 8:26

Yesuˊ Eun lahˊ a ri ce, “Peue kueˊ hk'aˊ yumˊ leng naˊ peˊ, a ciˊ meuh kop keunhawˊ peˊ vaeeˊ lhatˊ nyawkˊ?” Hawcˊ koˊ, Eun kuhˊ haeˊ guilˊ naˊ maeeˊ ba leuumˊ naˊ. A ku keulawnˊ ditˊti yenˊ.

Tuhˊ ri tuilˊ 12:12

Kop awnˊ na, kuingˊ pang maoˊ naˊ maeeˊ peue kuingˊ pang maoˊ naˊ renˊkawn reuˊ. Daecti bhenˊ keuteˊ naˊ maeeˊ mhaˊseumutˊ naˊ kaw a pun ri kuit nyhapˊ nyawkˊ, kopti seucaˊ rai naˊ lih a ri peˊ hawcˊ. Kopti yawng a yam ri naˊ unˊ laee kueˊ a lingˊ naˊ, a seungeuengˊ nyawkˊ.”

Luˊka 11:22

Daecti yam peue kawlˊreng keuting hk'aiˊ heun naˊ eun lawn ingˊ tuikˊ ri pe eun koˊ, eun kaw ti hk'eung anˊnya papuing eun naˊ heulˊ. Hawcˊ koˊ, eun ku naˊ gvah hk'eung rimˊ pun ri naˊ ri puri naˊ ce.

Luˊka 9:42

Saecˊ meuh yam konˊ nyom awnˊ buih ingˊ eun naˊ, seucaˊ naˊ a yeuh eun cungˊkus toˊtetˊ rawsˊ ri pang keuteˊ naˊ. Daecti Yesuˊ Eun isˊ seucaˊ rai naˊ. Eun baiˊ konˊ nyom naˊ eun cuin. Hawcˊ koˊ, Eun tang ap eun ri kuiingˊ eun naˊ eun.

Luˊka 9:39

Seucaˊ naˊ lec ka eun, eun keulawnˊ aecˊrak. A yeuh eun toˊtetˊ rawsˊ ri, baikeutamˊ naˊ a ruˊ ri lih hk'aiˊ moeng eun naˊ. Seucaˊ naˊ a unˊ chaeeˊ pucti heulˊ hk'aiˊ heun. A gawm yeuh eun lu.

Luˊka 8:24

Tapaeˊ Eun naˊ ce ingˊ sawlˊ Eun. Ce lahˊ, “Cawoˊ, Cawoˊ, kaw eˊ hk'awsˊ cumˊ cawn.” Yesuˊ Eun kuhˊ kah guilˊ naˊ maeeˊ ba leuumˊ naˊ yutˊ ti. A ku keulawnˊ ditˊti yenˊ ku ceu ka.

Makuˊ 9:26

Seucaˊ naˊ a taˊulˊ lawsˊ. A yeuh konˊ nyom naˊ eun rawsˊ ri keuyuingˊ nyawkˊ. Hawcˊ koˊ, a pucti heulˊ. Konˊ nyom naˊ eun unˊ laee cheunˊ ri seunˊ peue yeum. A hk'oˊ peue heunˊ naˊ ce lahˊ, “Yeum eun hawcˊ.”

Makuˊ 1:26

Seucaˊ rai naˊ a yeuh peue awnˊ eun keuyuingˊ glhawk glhawk, taˊulˊ aecˊrak. Hawcˊ koˊ, a pucti heulˊ hk'aiˊ heun.

Mahtae 17:18

Hawcˊ koˊ, Yesuˊ Eun isˊ seucaˊ rai naˊ. A ku pucti heulˊ hk'aiˊ konˊ nyom me awnˊ eun. Konˊ nyom awnˊ eun keulawnˊ cuin.

Makuˊ 4:39

Yesuˊ Eun kuhˊ hamˊ guilˊ naˊ maeeˊ ba leuumˊ naˊ. Eun lahˊ, “Keulawnˊ yutˊ ti reuˊ.” Guilˊ naˊ a ku keulawnˊ yutˊ ti. A yenˊ ku ceu ri.

Luˊka 4:23

Yesuˊ Eun lahˊ a ri ce, “Yawng Uiˊ naˊ peˊ sumˊ lahˊ leukahˊ lat aenˊ a ri Uiˊ yeuh keutitˊ yeut, ‘Cawoˊ baiˊ, baiˊ vang suiˊ mi naˊ meun reuˊ. Seunˊ mhawngˊ ye kuˊ yeuh Mi hk'aˊnaee veng Kapeniˊum naˊ yeuh a vang utˊ Mi naˊ yeut reuˊ.’ ”