Luˊka 3:22 - Plang (Blang)

²² Citˊ seungaˊ naˊ a ruprang seunˊ guiˊ naˊ, a lih utˊ maeeˊ Heun. Sengˊ naˊ a lawsˊ lih neum kuingˊ pang maoˊ. A lahˊ, “Meuh Mi Konˊ aiˊ leumeusˊ Uiˊ. Mi hitˊ ri hpumˊ Uiˊ nyawkˊ.”

Luˊka 3:22 交叉引用

Yoˊhan 1:32

Hawcˊ koˊ, Yoˊhan eun hkamˊ saˊhkiˊ lahˊ, “Pun uiˊ ri nyu Citˊ seungaˊ naˊ seunˊ a guiˊ, a lih neum kuingˊ pang maoˊ naˊ. A lih utˊ maeeˊ Heun.

Mahtae 17:5

Yam buih leukahˊ eun naˊ, putumˊ cengˊ naˊ a lih ghuimˊ ce. A kueˊ sengˊ lawsˊ lih neum putumˊ naˊ, “Peue aenˊ meuh Eun Konˊ aiˊ leumeusˊ Uiˊ nyawkˊ. Eun hitˊ ri hpumˊ Uiˊ nyawkˊ. Leuceng ri ti leukahˊ Eun naˊ reuˊ.”

Peue caee 10:38

A meuh lawng Peucawoˊ tangˊ Eun ri uinˊ Yesuˊ peue veng Nasaraetˊ naˊ Eun ri cu Eun Citˊ seungaˊ chakˊ naˊ maeeˊ tiˊca ri naˊ, maeeˊ lawng heulˊ Eun ti duihˊ hawcˊ ti duihˊ, Eun yeuh kuˊ chakˊ maeeˊ baiˊ Eun peue utˊ hk'aˊruim tiˊca ka Satan naˊ ce ku peue ri, kopti Peucawoˊ utˊ Eun maeeˊ Heun.

Mahtae 3:17

Sengˊ naˊ a lawsˊ lih neum kuingˊ pang maoˊ. A lahˊ, “Hkaenˊ meuh Eun Konˊ me leumeusˊ Uiˊ. Eun hitˊ ri hpumˊ Uiˊ nyawkˊ.”

1 Petruˊ 2:4

Ingˊ ri Hkrit Eun reuˊ. Meuh Eun seumu aˊyu imˊ. Peue saecˊ naˊ tecla Eun, daecti Peucawoˊ Eun leuk ri ti Eun. Eun sawnˊ Eun ngos heunˊ.

Mahtae 12:18

“Hkaenˊ meuh Eun mhaiˊ Uiˊ kuˊ leuk Uiˊ ri uinˊ naˊ Eun. Uiˊ leumeusˊ Eun. Eun hitˊ ri hpumˊ Uiˊ nyawkˊ. Uiˊ kaw cusˊ Citˊ seungaˊ ri naˊ lih hk'aˊpang Eun. Eun kaw paoˊ lawng ka hk'aˊ leupaws seumeuˊ Uiˊ naˊ ri peue ceu gawmˊeucˊ.

Kawˊlawˊsaeˊ 1:13

Kopti teumˊkawm Eun eˊ pon hk'aiˊ kuingˊ ka hk'aˊ duimˊlawng naˊ, maeeˊ va eˊ lec kuingˊ Eun Konˊ aiˊ leumeusˊ Eun naˊ.

Luˊka 4:21

Eun tang lahˊ a ri ce, “Leukahˊ htawm Seungaˊ pun peˊ ri mhawngˊ naˊ htonnuk a seunyaenˊ hawcˊ.”

Mahtae 27:43

Yumˊ Eun Peucawoˊ Eun. Peucawoˊ naˊ Eun lawn kawnˊ loˊ Eun koˊ, kah Eun teumˊkawm Eun maetˊmaenˊ reuˊ, kopti tup lahˊ Eun, ‘Meuh Uiˊ Konˊ aiˊ Eun Peucawoˊ’, naˊ.”

Mahtae 3:13

Hawcˊ koˊ, punta Yesuˊ kaw Eun rap ri ti hk'aˊ cumˊ naˊ ri Yoˊhan eun naˊ, Eun ingˊ neum kuingˊ Galilaeˊ ingˊ ri klongˊ Yawˊdan naˊ.

Mahtae 3:16

Yam Yesuˊ hawcˊ Eun rap ri ti hk'aˊ cumˊ naˊ Eun keulawnˊ pucti hk'aiˊ leuumˊ naˊ, kuingˊ pang maoˊ naˊ a dahˊ. Hawcˊ koˊ, Eun pun ri nyu Citˊ seungaˊ Eun Peucawoˊ naˊ seunˊ a guiˊ naˊ a lih utˊ maeeˊ Heun.

Makuˊ 1:9

Yam awnˊ na, Yesuˊ Eun pucti neum veng Nasaraetˊ kuingˊ Galilaeˊ naˊ, Eun ingˊ rap ri ti hk'aˊ cumˊ ri Yoˊhan eun nang klongˊ Yawˊdan naˊ.

Makuˊ 1:11

Hawcˊ koˊ, sengˊ naˊ a lawsˊ lih neum pang maoˊ. A lahˊ, “Meuh Mi Konˊ me Uiˊ, Uiˊ leumeusˊ Mi nyawkˊ. Mi hitˊ ri hpumˊ Uiˊ nyawkˊ.”

Makuˊ 9:7

Hawcˊ koˊ, putumˊ naˊ a lih ghuimˊ ce. A kueˊ sengˊ lawsˊ lih neum putumˊ naˊ, “Peue aenˊ meuh Eun Konˊ aiˊ leumeusˊ Uiˊ. Leuceng ri ti leukahˊ Eun naˊ reuˊ.”

Luˊka 2:14

“Kah Peucawoˊ utˊ lhungˊ hk'aiˊ peue naˊ Eun kueˊ munhpungˊ reuˊ. Saecˊ pang bhenˊ keuteˊ naˊ, kah peue htukˊ hpumˊ Eun naˊ ce kueˊ hk'aˊ kuit nyawkˊ kuit samˊran cumyenˊ reuˊ.”

Yoˊhan 5:37

Saecˊ meuh Aˊkuiingˊ Cawoˊ cusˊ Uiˊ lih naˊ Eun ku hkamˊ saˊhkiˊ pun Uiˊ yeut. Peˊ hkuinˊ duing mhawngˊ sengˊ leukahˊ Eun naˊ maeeˊ nyu ruprang Eun naˊ saecˊ ti pok.

Yoˊhan 12:28

Aˊkuiingˊ, hk'oˊ Mi yeuh muis Mi naˊ pun munhpungˊ ri reuˊ.” Hawcˊ koˊ, a kueˊ sengˊ lawsˊ lih neum kuingˊ pang maoˊ naˊ, a lahˊ, “Yeuh Uiˊ muis awnˊ a pun munhpungˊ ri hawcˊ. Uiˊ kaw tang yeuh a pun munhpungˊ naˊ baee.”