Hebraeˊ 11:13 - Plang (Blang)

¹³ Peue aenˊ ce gawmˊeucˊ yeum ce yam aˊyu imˊ ri naˊ hk'aˊnaee hk'aˊ yumˊ naˊ. Ce hkuinˊ pun ri rap ri ti kuˊ Peucawoˊ yeuh Eun kati naˊ, ce nyu a rangraen ri kawnˊ kaw rap ri ti yawo a vang seungai naˊ. Ce sawnˊ meun ri meuh peue leuvok unˊ duing nyu pang bhenˊ keuteˊ naˊ.

Hebraeˊ 11:13 交叉引用

Hebraeˊ 11:27

Kopti meuh a hk'aˊ yumˊ naˊ, eun pucti heulˊ hk'aiˊ kuingˊ Eˊjiˊtuˊ naˊ maeeˊ unˊ lhatˊ eun ri hk'aˊ seungeuengˊ eun hkunˊhawˊhkamˊ naˊ. Eun eutˊ hpumˊ coˊcaˊ ri kopti nyu eun Peucawoˊ Cawoˊ peue nyu unˊ pun peue naˊ Eun.

Yoˊhan 8:56

Kuiingˊ peˊ Abraham renˊkawn eun maeeˊ kaw ri pun ri nyu seunyi yam Uiˊ naˊ. Eun pun ri nyu a hawcˊ, eun ku renˊkawn.”

Hebraeˊ 11:39

Peue awnˊ ce gawmˊeucˊ ce pun ri rap ri ti hk'aˊ sukˊseunˊ naˊ ri hk'aˊ yumˊ ri naˊ. Daecti ce unˊ nang kueˊ nang pun ri rap ri ti kuˊ Peucawoˊ yeuh Eun ri uinˊ kati ri naˊ saecˊ ti peue.

Eˊfeˊsuˊ 2:19

Kop awnˊ na, hpaw peˊ caˊ laee meuh peue unˊ meuh peue ceu Yuˊda peue leuvok unˊ duing nyu naˊ baee, daecti meuh peˊ peue ceu Eun Peucawoˊ maeeˊ peue ceu Eun naˊ ce tiduihˊ. Peˊ ku meuh muk peue nya peue hk'ulˊ Eun Peucawoˊ.

Roˊma 8:24

Kopti hk'aˊnaee hk'aˊ keutuiˊ hpumˊ aenˊ na, eˊ pun hk'aˊ htut lawtpon naˊ hawcˊ. Hk'aˊ keutuiˊ hpumˊ cang nyu eˊ naˊ a hkuinˊ meuh hk'aˊ keutuiˊ hpumˊ. A ciˊ kueˊ aˊnhawˊ kuˊ pun eun ri nyu hawcˊ naˊ, eun tang keutuiˊ hpumˊ a?

1 Petruˊ 2:11

Aˊmawo leumeusˊ uiˊ meuh peue leuvok unˊ duing nyu pang bhenˊ keuteˊ naˊ peˊ, hk'oˊhk'ang uiˊ peˊ tecla taˊnhaˊ kuˊ toˊtamˊ hk'aˊ civit peˊ naˊ.

1 Petruˊ 1:17

Kopti klawng peˊ Aˊkuiingˊ Cawoˊ unˊ meuh hk'aˊmawnˊ hk'aˊmaenˊ tawsˊ aˊmu hotˊ kanˊ kuˊ yeuh peue naˊ Eun, aˊyu imˊ hk'aˊnaee vang hkopyawmˊ lhatˊ ri seunˊ meuh peˊ peue leuvok unˊ duing nyu ka bhenˊ keuteˊ naˊ reuˊ.

Roˊma 4:21

Eun yumˊ nyawkˊ Peucawoˊ kueˊ Eun tiˊca kaw cang yeuh kati yeuh ri naˊ htonnuk naˊ.

1 Yoˊhan 3:19

Meuh a kopti aenˊ a naˊ, eˊ cang yawng utˊ ri hk'aˊ leupaws seumeuˊ naˊ maeeˊ eˊ cang tangˊ hpumˊ ri cumyenˊ nanggalˊ Eun Peucawoˊ

Mahtae 13:17

Kopti kaw Uiˊ lahˊ a ri peˊ neumneum, ‘Peue suip leukahˊ Eun Peucawoˊ naˊ ce maeeˊ peue leupaws seumeuˊ naˊ ce heunˊ peue ce saecˊ sumˊ nyu seunˊ kuˊ pun peˊ ri nyu naˊ, daecti ce hkuinˊ pun ri nyu a. Ce saecˊ sumˊ mhawngˊ seunˊ kuˊ pun peˊ ri mhawngˊ naˊ, daecti ce hkuinˊ pun ri mhawngˊ a.’

Yoˊhan 12:41

Iˊsayaˊ lahˊ eun a yeuh keutitˊ naˊ meuh a kopti pun eun ri nyu munhpungˊ Eun Yesuˊ naˊ. Eun lahˊ a rot ri Heun.

2 Kawˊrinhtuˊ 4:18

Kopti hpaw ya caˊ keueˊ ri kuˊ cang nyu ri naˊ, daecti keueˊ ya ri kuˊ unˊ cang nyu ri naˊ. Kopti kuˊ cang nyu ya naˊ kueˊ a ti vut ti yam yawo, daecti kuˊ unˊ cang nyu ya naˊ a kueˊ cotˊcu ri.

2 Kawˊrinhtuˊ 5:6

Kop awnˊ na, saecˊ meuh yamnhawˊ eˊ hpumˊ keutawnˊ. Yawng eˊ yam kawnˊ utˊ eˊ hk'aˊnaee jawngkuiˊ tuˊ ri aenˊ a naˊ, utˊ eˊ seungai Peucawoˊ Eun.

Hebraeˊ 11:14

Pun eˊ ri nyu peue lahˊ a yeuh keutitˊ naˊ buih sok ce kuingˊ kuˊ kaw ce pun a meuh isˊ ti naˊ.

Hebraeˊ 11:17

Kopti meuh a hk'aˊ yumˊ naˊ, yam Peucawoˊ long Eun ri nawk Abraham eun naˊ, Abraham eun ku tan Iˊcakˊ eun meuh kuˊ tan. Peue rap ri ti leukahˊ kati Eun Peucawoˊ awnˊ eun rangraen ri kaw tan konˊ aiˊ ti peue koe ri naˊ eun.

1 Petruˊ 1:1

Htawm ti okˊ aenˊ na koˊ, meuh uiˊ Petruˊ meuh peue caee Eun Yesuˊ Hkrit, uiˊ temˊ ri tuilˊ a ri peue Peucawoˊ leuk Eun ri uinˊ naˊ peˊ. Meuh peˊ peue taicˊjah hk'uih heulˊ meuh seudesˊ utˊ nang kuingˊ Pontasˊ, kuingˊ Galatiˊ, kuingˊ Kapadosia, kuingˊ Asaˊ maeeˊ kuingˊ Betiˊniˊ naˊ.