2 Petruˊ 3:10 - Plang (Blang)

¹⁰ Seunyi Eun Peucawoˊ naˊ kaw a lih seunˊ peue conˊ ingˊ ce yam unˊ pawn peue kuiˊ ri naˊ. Kuingˊ pang maoˊ naˊ a naˊ raiˊ maeeˊ sengˊ lawsˊ ri. Kuˊ kueˊ hk'aˊnaee keuteˊ naˊ ce a naˊ pun ri dum ri ri ngawl. Bhenˊ keuteˊ naˊ maeeˊ kuˊ kueˊ hk'aˊpang ka naˊ gawmˊeucˊ a naˊ lulaic heulˊ.

2 Petruˊ 3:10 交叉引用

Tuhˊ ri tuilˊ 21:1

Hawcˊ awnˊ na uiˊ pun ri nyu kuingˊ pang maoˊ hk'uˊ maeeˊ bhenˊ keuteˊ hk'uˊ naˊ, kopti kuingˊ pang maoˊ nanggalˊ maeeˊ bhenˊ keuteˊ nanggalˊ naˊ raiˊ ka hawcˊ. Mhaˊseumutˊ naˊ a ku unˊ laee kueˊ.

Mahtae 24:35

Maoˊ naˊ maeeˊ bhenˊ keuteˊ naˊ kaw a raiˊ, daecti leukahˊ Uiˊ naˊ a hkuinˊ kaw raiˊ.

2 Petruˊ 3:7

Kopti meuh a leukahˊ awnˊ a naˊ, maoˊ maeeˊ bhenˊ keuteˊ maetˊmaenˊ naˊ a sawnˊ ri uinˊ ri meuh pun kuˊ kaw dum ri ri ngawl, meuh pun kaw koˊ yam seunyi kaw tawsˊ aˊmu naˊ maeeˊ meuh pun kaw yeuh peue unˊ leupaws seumeuˊ naˊ ce lulaic.

Tuhˊ ri tuilˊ 16:15

“Keueˊ reuˊ, kaw Uiˊ lih seunˊ peue conˊ kuˊ ingˊ yam aˊnhawˊ unˊ pawn peue kuiˊ ri naˊ. Peue unˊ itˊ eun cuipˊ hk'eung ri rangraen ri naˊ, eun kaw pun ri renˊkawn, kopti kaw eun unˊ pun ri long hk'aˊ utˊ gungˊgangˊ kaic ri peue.”

1 Hteˊsalawˊniˊ 5:2

kopti seunyi Eun Cawoˊ Peucawoˊ naˊ kaw a rot seunˊ peue conˊ ingˊ rot ce peunsumˊ naˊ koˊ, peˊ ku yawng a meulamlam ri.

Makuˊ 13:31

Maoˊ naˊ maeeˊ bhenˊ keuteˊ naˊ kaw a raiˊ, daecti leukahˊ Uiˊ naˊ a hkuinˊ kaw raiˊ.

2 Petruˊ 3:12

yam sumˊ kah peˊ seunyi Eun Peucawoˊ naˊ rot vaeevaee peˊ buih koˊ a naˊ. Seunyi yam awnˊ na, maoˊ naˊ a kaw lulaic ri ngawl naˊ, kuˊ kueˊ hk'aˊnaee keuteˊ naˊ a kaw naee ri kucˊ haˊ ka ngawl naˊ.

Tuhˊ ri tuilˊ 3:3

Kop awnˊ na, kuit rot ti kuˊ pun mi ri rap ri ti naˊ maeeˊ kuˊ pun mi ri mhawngˊ naˊ reuˊ. Hotˊ ri yeuh a, tawsˊ hpumˊ fuin mapˊ ri reuˊ. Daecti mi lawn unˊ kuhˊ koˊ, kaw Uiˊ lih ri mi seunˊ peue conˊ koˊ. Mi hkuinˊ kaw yawng kaw Uiˊ lih ri mi yamnhawˊ.

Luˊka 12:39

Yeuh peˊ leuceng pun aenˊ na, cawoˊ nya naˊ eun lawn yawng yam conˊ naˊ kaw ce ingˊ ri ti koˊ, eun hkuinˊ kaw kah aˊnhawˊ cang toeˊ ri ingˊ lec nya ri naˊ.

Tuhˊ ri tuilˊ 20:11

Hawcˊ awnˊ na, uiˊ pun ri nyu tenceoˊ keuting paing maeeˊ Cawoˊ mokˊ hk'aˊpang ka naˊ Eun. Yam puc Eun ri lih naˊ, bhenˊ keuteˊ maeeˊ maoˊ naˊ a raiˊ. A hkuinˊ laee kueˊ vang utˊ pun kuˊ lalˊ ceu aenˊ na.

1 Kawˊrinhtuˊ 5:5

Punta civit eun peue awnˊ kaw a pun hk'aˊ htut lawtpon naˊ hk'aˊnaee seunyi Eun Cawoˊ eˊ Yesuˊ naˊ, ap Satan naˊ yeuh hk'aˊ nhamˊ keune eun naˊ lulaic reuˊ.

Roˊma 8:20

Kopti kuˊ Peucawoˊ hpanplengˊ Eun naˊ pun a ri hkamˊ ri yeuh hk'aˊ keutuiˊ hpumˊ ri naˊ kleucˊ. A hkuinˊ meuh hotˊ alo ka meun, daecti a meuh hotˊ alo Eun Cawoˊ uˊpeung plengˊ a meuh yeuhkoˊ naˊ Eun. Hk'aˊnaee vang keutuiˊ hpumˊ

Yuˊda 1:6

Saecˊ meuh inˊhpom kuˊ unˊ jhawpˊ ri ti anˊnya tuilˊ Eun Peucawoˊ naˊ ce tecla vang utˊ ri naˊ, punta kaw ce koˊ seunyi tawsˊ aˊmu keuting awnˊ na, Peucawoˊ Eun hk'awngˊ ri uinˊ ce vang duimˊlawng naˊ. Eun mawt ce ri muˊ lhecˊ cotˊcu naˊ.

2 Kawˊrinhtuˊ 1:14

kopti leuceng pun peˊ kuˊ ti ri ceu naˊ hawcˊ naˊ, peˊ ku naˊ leuceng pun a meulamlam ri hk'aˊnaee seunyi Eun Cawoˊ Yesuˊ naˊ seunˊ mhawngˊ ya ri hk'oˊcuin hk'aˊnaee peˊ ri naˊ, peˊ ku naˊ cang mhawngˊ ri hk'oˊcuin hk'aˊnaee ya ri pun yeut.

1 Kawˊrinhtuˊ 1:8

Punta kaw peˊ unˊ laee kueˊ vang ri hk'aˊnaee seunyi Eun Cawoˊ eˊ Yesuˊ Hkrit naˊ, Eun kaw yeuh peˊ keutawnˊ rot hk'aˊnaee seunyi tisutˊ naˊ.

1 Hteˊsalawˊniˊ 5:4

Daecti ecˊawngˊ naˊ peˊ, kopti unˊ utˊ peˊ vang duimˊlawng naˊ, seunyi meuyam awnˊ a hkuinˊ kaw yeuh peˊ lhatˊ ruing seunˊ peue conˊ ingˊ ce naˊ.

2 Petruˊ 3:11

Kopti ku ceu gawmˊeucˊ naˊ kaw a lulaic yeuh keutitˊ naˊ, peˊ ciˊ kaw htukˊ ri meuh peue yeuh saˊnhawˊ? Peˊ kaw htukˊ ri aˊyu imˊ hk'aˊnaee hk'aˊ seungaˊ chakˊ ri maeeˊ aˊyu imˊ hotˊ hk'aˊ Eun Peucawoˊ

Tuhˊ ri tuilˊ 6:14

maoˊ naˊ a bawlˊ ri seunˊ bawlˊ htawm naˊ koˊ, gong naˊ ku meulˊ kawˊ naˊ ku duihˊ a pun ri sat ri hk'aiˊ vang utˊ ri naˊ.