2 Petruˊ 1:16 - Plang (Blang)

¹⁶ Yam lahˊ ye peˊ mhawngˊ lawng tiˊca Eun Cawoˊ eˊ Yesuˊ Hkrit naˊ maeeˊ lawng kaw Eun tang lih naˊ, ye hkuinˊ yeng ri seukawp ri lahˊ yeuh a pucti lih. Daecti meuh ye saˊhkiˊ nang pun ri nyu munhpungˊ keuting Eun naˊ ri ngaiˊ ri naˊ.

2 Petruˊ 1:16 交叉引用

1 Yoˊhan 4:14

Pun eˊ ri nyu pun eˊ ri hkamˊ saˊhkiˊ ka Aˊkuiingˊ cusˊ Eun Konˊ aiˊ ri naˊ Eun meuh Cawoˊ htut ka bhenˊ keuteˊ naˊ.

Yoˊhan 1:14

Leukahˊ awnˊ keutˊ a ri meuh nhamˊ keune. A lih utˊ hk'aˊnaee eˊ. Eˊ pun ri nyu munhpungˊ Eun naˊ, a meuh munhpungˊ Eun Konˊ aiˊ ti peue koe kuˊ lih neum Aˊkuiingˊ Eun naˊ. Eun htonnuk ri munˊ sinˊ maeeˊ kuˊ neumneum naˊ.

1 Tiˊmoˊse 1:4

maeeˊ unˊ laee kah peue cuiˊcamˊ leukahˊ apom leumahˊ naˊ maeeˊ leukahˊ ceucat lahˊ ri suip ri ingˊ unˊ kueˊ vang sutˊ vang eucˊ naˊ. Aenˊ ce meuh a kuˊ yeuh peue htuˊhtingˊ puri, a hkuinˊ meuh kuˊ kaw yuk kanˊ Eun Peucawoˊ kuˊ pucti lih neum hk'aˊ yumˊ naˊ.

1 Tiˊmoˊse 4:7

Pawlaee leuceng leukahˊ apom unˊ hkopyawmˊ Peucawoˊ Eun naˊ apom ris ka aˊya naˊ, daecti hkvuikˊ ri cang hkopyawmˊ ri Peucawoˊ Eun reuˊ.

1 Kawˊrinhtuˊ 2:4

Leukahˊ uiˊ naˊ maeeˊ leukahˊ munˊ sangsawnˊ uiˊ naˊ hpaw a caˊ meuh leukahˊ olˊ ri ti hpumˊ peˊ naˊ ri cuˊyi naˊ, daecti meuh a kuˊ kaw yeuh tiˊca ka Citˊ seungaˊ chakˊ naˊ pucti lih.

Eˊfeˊsuˊ 4:14

Kop awnˊ na, eˊ hkuinˊ kaw laee meuh konˊ nyom. Ba leuumˊ naˊ a hkuinˊ kaw laee cang dhimˊ eˊ heulˊ ingˊ, guilˊ ka hk'aˊ sangsawnˊ naˊ maeeˊ hk'aˊ vokˊ chiˊlai geupˊ peue naˊ a hkuinˊ kaw laee cang puingˊ eˊ heulˊ ingˊ.

1 Kawˊrinhtuˊ 1:17

Kopti Hkrit hpaw Eun caˊ cusˊ uiˊ punta kaw uiˊ tuilˊ hk'aˊ cumˊ naˊ, daecti punta kaw uiˊ sangsawnˊ leukahˊ munˊ renˊkawn naˊ. A hkuinˊ meuh sangsawnˊ a hotˊ hk'aˊ leukahˊ teoˊ nyum ka cuˊyi ce peue naˊ meuh a kopti lhatˊ ri tiˊca ka kleumˊ rawngˊtawpˊ Eun Hkrit naˊ kaw a yawmˊ lih naˊ.

Tuhˊ ri tuilˊ 1:7

Keueˊ reuˊ, buih lih Eun maeeˊ putumˊ naˊ. Ngaiˊ naˊ a kaw nyu Eun ku ngaiˊ. Saecˊ meuh peue sawtˊ Yesuˊ Eun naˊ ce maeeˊ peue ceu utˊ pang bhenˊ keuteˊ naˊ ce gawmˊeucˊ, ce kaw pun ri klehˊklaiˊ kop Heun ri. A kaw meuh yeuh keutitˊ neumneum. Amin.

Tiˊtasˊ 1:14

maeeˊ kaw ce unˊ leuceng leukahˊ apom ce peue Yuˊda naˊ maeeˊ kaw ce unˊ leuceng ritroe ce peue tecla kuˊ leupaws seumeuˊ naˊ.

Yuˊda 1:14

Tangˊ neum cu Adam naˊ rot aˊres cu ri cu Eˊnawkˊ naˊ, Eˊnawkˊ eun tamnai ri uinˊ lawng ce seuraˊ caecˊ naˊ yeuhkiˊ, “Keueˊ reuˊ, Peucawoˊ buih ingˊ Eun maeeˊ peue seungaˊ chakˊ hk'oˊ mhuinˊ hk'oˊ saenˊ ri naˊ ce.

2 Hteˊsalawˊniˊ 2:9

Peue fuin awnˊ kaw eun pucti ri tiˊca ka Satan naˊ. Eun kaw yeuh kuˊ hk'oˊamˊ maeeˊ hetˊ keuting unˊ meuh nang neum ka naˊ heunˊ ceu.

2 Kawˊrinhtuˊ 4:2

Ya tecla hk'aˊ hpumˊ vokˊ saˊpali kuˊ hk'oˊkaic naˊ gawmˊeucˊ. Ya hkuinˊ loˊ hk'aˊ vokˊ hk'aˊ chiˊlai naˊ. Ya hkuinˊ hpawtˊ ri keutah leukahˊ Eun Peucawoˊ naˊ. Daecti ya sangsawnˊ hk'aˊ neumneum naˊ nanggalˊ Eun Peucawoˊ. Aenˊ a meuh punta kaw peue yawng meuh ya peue hk'oˊyumˊ pun.

2 Kawˊrinhtuˊ 2:17

Kopti hpaw ya caˊ seunˊ peue heunˊ naˊ ce. Ce ri, heulˊ paingˊ ce ri hk'a leukahˊ Eun Peucawoˊ naˊ. Daecti ya ri, ya sangsawnˊ a ri cu ya Hkrit Eun naˊ seunˊ meuh ya peue kati keutawnˊ naˊ, seunˊ meuh ya peue lih neum Peucawoˊ Eun naˊ maeeˊ seunˊ meuh ya peue utˊ nanggalˊ Eun Peucawoˊ naˊ.

Mahtae 28:18

Yesuˊ Eun sat ri ingˊ de ce. Eun lahˊ, “Tiˊca ka kuingˊ pang maoˊ naˊ maeeˊ bhenˊ keuteˊ naˊ gawmˊeucˊ pun a ri ap ri ri Uiˊ hawcˊ.

1 Hteˊsalawˊniˊ 2:19

Kopti yam Cawoˊ eˊ Yesuˊ naˊ Eun tang lih naˊ, vang keutuiˊ hpumˊ ye, vang renˊkawn ye, maeeˊ cuiˊmaw hk'ilˊ kuˊ kaw ye pun munhpungˊ ri nanggalˊ Eun naˊ, a ciˊ meuh keunhawˊ? Meuh ka peˊ ri hawcˊ, unˊ meuh ka aw?

Hpiˊliˊpiˊ 3:21

Hk'aˊnaee cu Eun tiˊca kuˊ cang yeuh ku ceu gawmˊeucˊ naˊ utˊ hk'aˊruim tiˊca Eun naˊ, Eun kaw plinˊ jawngkuiˊ tuˊ tem nyawkˊ eˊ naˊ meuh seunˊ jawngkuiˊ tuˊ kueˊ munhpungˊ keuting Eun naˊ.

1 Kawˊrinhtuˊ 5:4

Yam hk'om peˊ puri hk'aˊnaee muis Eun Cawoˊ eˊ Yesuˊ naˊ, hpumˊ uiˊ naˊ maeeˊ tiˊca Eun Cawoˊ eˊ Yesuˊ naˊ a ku utˊ maeeˊ peˊ yeut.

1 Kawˊrinhtuˊ 2:1

Ecˊawngˊ naˊ peˊ, yam ingˊ uiˊ ri peˊ naˊ, uiˊ hkuinˊ toˊ ri ingˊ paoˊ lawng leukahˊ saˊhkiˊ Eun Peucawoˊ naˊ ri peˊ ri leukahˊ munngawn naˊ, aˊkoˊ ri leukahˊ kueˊ cuˊyi keuting naˊ.

1 Kawˊrinhtuˊ 1:23

Daecti eˊ sangsawnˊ leukahˊ munˊ lawng Eun Hkrit Cawoˊ pun ri tawkˊ ri yeum pang kleumˊ rawngˊtawpˊ naˊ Eun. Lawng aenˊ a meuh kuˊ seuduih leuveulˊ pun peue Yuˊda naˊ ce. A meuh kuˊ ngaˊ pun peue unˊ meuh peue ceu Yuˊda naˊ ce.

1 Kawˊrinhtuˊ 1:7

Kop awnˊ na yam buih koˊ peˊ yam Cawoˊ eˊ Yesuˊ Hkrit kaw Eun tang pucti lih naˊ, peˊ hkuinˊ kaw laee deut ri lapsawngˊ hk'aˊ civit naˊ saecˊ ti ceu.

Roˊma 1:4

Hk'aˊ toˊ Eun Citˊ seungaˊ chakˊ naˊ koˊ, Eun pun ri paoˊ ri meuh Konˊ aiˊ Eun Peucawoˊ ri tiˊca naˊ ri tang kuhˊ imˊ Eun hk'aiˊ vang yeum naˊ. Eun meuh Yesuˊ Hkrit Cawoˊ Peucawoˊ eˊ.

Yoˊhan 17:2

Kopti tuilˊ Mi Konˊ aiˊ Eun kueˊ tiˊca hk'aˊpang peue gawmˊeucˊ naˊ a meuh punta Konˊ aiˊ kaw Eun tuilˊ citˊ tip aˊyu tip cotˊcu naˊ ri peue tuilˊ Mi ri Heun naˊ ce.

Mahtae 24:27

Kopti seunˊ cakˊcalˊ naˊ cengˊ a hk'aˊlih seunyi a cang nyu ri rot hk'aˊlec seunyi naˊ, yam Konˊ aiˊ peue kaw Eun tang lih naˊ a ku kaw seunˊ awnˊ a yeut.

Mahtae 24:3

Yam Yesuˊ mokˊ Eun pang gong Sanlon naˊ, tapaeˊ naˊ ce ingˊ mhaingˊ koe Eun, “Hk'oˊ Mi lahˊ ye mhawngˊ a, ceu nang titˊ ce a ciˊ kaw keutˊ meuh yamnhawˊ? Kaw Mi tang lih naˊ maeeˊ kaw a hk'awsˊ rot yam tisutˊ naˊ, a ciˊ kaw kueˊ hetˊ keunhawˊ?”

Mahtae 16:28

Kaw Uiˊ lahˊ a ri peˊ neumneum, peue cawng maenˊ naˊ ce ngonˊ nanggalˊ yam unˊ nang yeum ce naˊ, ce kaw pun ri nyu Konˊ aiˊ peue naˊ lih Eun nang kuingˊ ri naˊ.”

Mahtae 16:27

Kopti Konˊ aiˊ peue naˊ kaw Eun lih hk'aˊnaee munhpungˊ Eun Kuiingˊ ri naˊ maeeˊ inˊhpom ri naˊ ce tiduihˊ. Yam awnˊ na, Eun kaw tuilˊ lapsawngˊ naˊ ri peue hotˊ seunˊ kuˊ sawngˊ yeuh meun peue naˊ.

Mahtae 17:1

Hawcˊ ka les seunyi naˊ, Yesuˊ Eun va Petruˊ, Yakopˊ maeeˊ Yoˊhan awngˊ eun Yakopˊ naˊ ce hukˊ pang gong lhungˊ vang cang utˊ koe ce ri ka naˊ.

Makuˊ 13:26

Yam awnˊ na, peue kaw pun ri nyu Konˊ aiˊ peue lih Eun hk'aˊnaee putumˊ naˊ ri munhpungˊ tiˊca keuting ri naˊ.

Makuˊ 14:62

Yesuˊ Eun lahˊ, “Euh, meuh Uiˊ yeut. Peˊ kaw pun ri nyu Konˊ aiˊ peue naˊ mokˊ Eun hk'aˊ tiˊ aˊtawmˊ Eun Cawoˊ tiˊca keuting naˊ, maeeˊ peˊ kaw pun ri nyu lih Eun hk'aˊnaee putumˊ ka kuingˊ pang maoˊ naˊ.”

Luˊka 1:2

Ce temˊ a seunˊ peue guil leukahˊ munˊ renˊkawn naˊ lahˊ ce eˊ mhawngˊ lawng kuˊ pun ce ri nyu a tangˊ neum yamla ka ri naˊ hawcˊ.

Luˊka 9:43

Peue gawmˊeucˊ naˊ ce amˊ ri tiˊca keuting lhungˊ Eun Peucawoˊ naˊ. Yam peue heunˊ naˊ buih amˊ ce ri lawng kuˊ yeuh Eun Yesuˊ naˊ, Eun lahˊ a ri tapaeˊ ri naˊ ce,

2 Petruˊ 2:3

Kopti seuraˊ sangsawnˊ kuˊ kleucˊ naˊ lawˊhpa keuting ce naˊ, punta kaw ce koc ri hk'a peˊ naˊ, ce plengˊ kuˊ unˊ kueˊ unˊ meuh naˊ pucti lih. Leukahˊ tawsˊ aˊmu ri ce naˊ tuikˊ a ri pang cingˊ ce naˊ lingˊ ka hawcˊ, hk'aˊ lulaic naˊ buih ingˊ rot a de ce hawcˊ.