2 Kawˊrinhtuˊ 13:4 - Plang (Blang)

⁴ Hkrit Eun saecˊ naˊ pun ri tawkˊ ri yeum pang kleumˊ rawngˊtawpˊ naˊ hk'aˊnaee hk'aˊ kawlˊreng kloe ri koˊ, daecti maetˊmaenˊ aˊyu imˊ Eun ri tiˊca Eun Peucawoˊ naˊ. Seunˊ awnˊ na, ya saecˊ naˊ kawlˊreng kloe hk'aˊnaee Hkrit Eun naˊ koˊ, daecti punta kaw ya yeuh mhaiˊ peˊ naˊ, ya kaw aˊyu imˊ maeeˊ Hkrit Eun hk'aˊnaee tiˊca Eun Peucawoˊ naˊ.

2 Kawˊrinhtuˊ 13:4 交叉引用

1 Petruˊ 3:18

Kopti Hkrit yeum Eun naˊ meuh a punta saicˊ Eun ri tec mapˊ naˊ gawmˊeucˊ ti pok a hk'oˊ. Aenˊ na koˊ, peue leupaws seumeuˊ naˊ Eun pun ri hkamˊ ri yeum tangˊ peue unˊ leupaws seumeuˊ naˊ ce punta kaw Eun va ce ingˊ ri Peucawoˊ Eun naˊ. Tuˊ Eun naˊ a saecˊ yeum, daecti Eun tang kuhˊ imˊ hk'aˊnaee Citˊ seungaˊ naˊ.

Roˊma 6:4

Kop awnˊ na, punta saecˊ tuˊ eˊ naˊ kaw a pun aˊyu hk'uˊ seunˊ Peucawoˊ kah Eun Hkrit Eun tang kuhˊ imˊ hk'aiˊ vang yeum ri munhpungˊ Eun Aˊkuiingˊ naˊ, eˊ pun ri puingˊ ri maeeˊ Heun hawcˊ ri rap eˊ ri ti hk'aˊ cumˊ ingˊ lec hk'aˊnaee hk'aˊ yeum Eun naˊ.

Hebraeˊ 5:7

Yam Yesuˊ utˊ Eun pang bhenˊ keuteˊ naˊ, Eun tan leukahˊ hk'oˊ munˊ maeeˊ leukahˊ hk'oˊhk'ang ri naˊ ri sengˊ lawsˊ ri maeeˊ leuumˊ ngaiˊ hk'uicˊ ri naˊ ri Peucawoˊ Cawoˊ cang teumˊkawm Eun pon hk'aˊ yeum naˊ Eun. Kopti Yesuˊ leuceng Eun ri ti Peucawoˊ Eun hk'aˊnaee vang hkopyawmˊ yumyamˊ ri naˊ, Peucawoˊ Eun leuceng leukahˊ Eun naˊ.

1 Kawˊrinhtuˊ 15:43

Kuˊ puinˊ ri naˊ a hkuinˊ kueˊ munhpungˊ, daecti kuˊ tang kuhˊ imˊ naˊ a kueˊ munhpungˊ naˊ htonnuk. Kuˊ puinˊ ri naˊ a kawlˊreng kloe, daecti kuˊ tang kuhˊ imˊ naˊ a kawlˊreng keuting.

1 Kawˊrinhtuˊ 2:3

Ingˊ uiˊ ri peˊ maeeˊ kawlˊreng kloe lhatˊ keuyuingˊ ruing ri nyawkˊ.

Hpiˊliˊpiˊ 3:10

Sumˊ yawng uiˊ Hkrit Eun naˊ maeeˊ sumˊ cheu tiˊca kuhˊ imˊ Eun naˊ. Uiˊ sumˊ seunˊ Heun ri hk'aˊnaee hk'aˊ pun ri hk'eupˊ hk'aˊ tukhka naˊ maeeˊ hk'aˊ pun ri yeum naˊ,

Roˊma 14:9

Kopti meuh a ceu nang aenˊ a naˊ, punta kaw Eun meuh Peucawoˊ ce peue yeum maeeˊ peue imˊ naˊ, Hkrit Eun yeum, Eun tang kuhˊ imˊ.

Yoˊhan 10:18

Aˊnhawˊ hkuinˊ rutrimˊ ri ti aˊyu Uiˊ naˊ hk'aiˊ Uiˊ, daecti sahpawˊ Uiˊ ri hkamˊ ri sum ri naˊ meun. Kueˊ Uiˊ tiˊca kaw hkamˊ ri sum aˊyu ri naˊ, maeeˊ tiˊca kaw rap ri ti aˊyu tang keutah baee naˊ. Pun Uiˊ leukahˊ tuilˊ aenˊ a ri Kuiingˊ Uiˊ Eun.”

Roˊma 1:4

Hk'aˊ toˊ Eun Citˊ seungaˊ chakˊ naˊ koˊ, Eun pun ri paoˊ ri meuh Konˊ aiˊ Eun Peucawoˊ ri tiˊca naˊ ri tang kuhˊ imˊ Eun hk'aiˊ vang yeum naˊ. Eun meuh Yesuˊ Hkrit Cawoˊ Peucawoˊ eˊ.

Peue caee 2:36

Kop awnˊ na peue Iˊsarelaˊ naˊ peˊ gawmˊeucˊ, yawng pawn aenˊ na meulamlam ri reuˊ. Peucawoˊ kah Eun Yesuˊ kuˊ tawkˊ peˊ pang kleumˊ rawngˊtawpˊ aenˊ Eun meuh Cawoˊ meuh Hkrit.”

1 Petruˊ 3:22

Eun hukˊ nang kuingˊ pang maoˊ hawcˊ. Maetˊmaenˊ mokˊ Eun hk'aˊ tiˊ aˊtawmˊ Eun Peucawoˊ. Inˊhpom, cawoˊ kueˊ anˊnya maeeˊ cawoˊ kueˊ tiˊca naˊ utˊ ce hk'aˊruim tiˊca Eun naˊ.

2 Kawˊrinhtuˊ 10:10

Kopti peue ngonˊ naˊ lahˊ ce, “Htawm eun Pawˊlu naˊ a saecˊ naˊ seucen reng, maeeˊ a tiˊca keuting nyawkˊ naˊ koˊ, daecti yam utˊ eun maeeˊ eˊ naˊ, kawlˊreng kloe eun. Leukahˊ eun naˊ a hkuinˊ chaeeˊ cang loˊ ri.”

Peue caee 3:16

Peue pun peˊ ri nyu yawng aenˊ kopti yumˊ eun muis Eun Yesuˊ naˊ, eun kueˊ kawlˊreng. Kopti muis Eun Yesuˊ maeeˊ hk'aˊ yumˊ kuˊ lih neum Eun naˊ, a yeuh peue aenˊ eun cuin seunˊ nyu peˊ a naˊ.

1 Kawˊrinhtuˊ 1:25

Kopti hk'aˊ ngaˊ Eun Peucawoˊ naˊ kawnˊ hengˊlaetˊ a lheuˊ hk'aiˊ cuˊyi ce peue naˊ. Hk'aˊ kawlˊreng kloe Eun Peucawoˊ naˊ a kawnˊ reng keuting lheuˊ hk'aiˊ kawlˊreng ce peue naˊ.

1 Kawˊrinhtuˊ 6:14

Seunˊ Peucawoˊ yeuh Eun Yesuˊ Eun tang kuhˊ imˊ naˊ, Eun ku kaw yeuh eˊ tang kuhˊ imˊ ri tiˊca ri naˊ yeut.

2 Kawˊrinhtuˊ 12:10

Kop awnˊ na kopti meuh a Hkrit Eun naˊ, uiˊ renˊkawn hk'aˊnaee hk'aˊ kawlˊreng kloe, hk'aˊnaee hk'aˊ chaw hkamram peue ri, hk'aˊnaee hk'aˊ tukhka, hk'aˊnaee hk'aˊ keunhapˊ nokneh peue ri naˊ maeeˊ hk'aˊnaee hk'aˊ hk'oˊtukyak naˊ. Kopti yam kawlˊreng kloe uiˊ naˊ, uiˊ kawlˊreng keuting.

2 Kawˊrinhtuˊ 13:9

Ya saecˊ naˊ kawlˊreng kloe kopti kawlˊreng keuting peˊ naˊ koˊ, ya renˊkawn. Punta kaw peˊ htonnuk naˊ, ya hk'oˊ munˊ pun peˊ.