1 Yoˊhan 2:11 - Plang (Blang)

¹¹ Daecti aˊnhawˊ lawn ces ri ecˊawngˊ ri naˊ ce koˊ, utˊ eun hk'aˊnaee kuˊ duimˊlawng naˊ, eun lomlom hk'aˊnaee kuˊ duimˊlawng naˊ. Kopti kuˊ duimˊlawng naˊ yeuh ka eun ngaiˊ fecˊ, eun hkuinˊ yawng heulˊ ri tawngnhawˊ.

1 Yoˊhan 2:11 交叉引用

Yoˊhan 12:35

Yesuˊ Eun topˊ a, “Gup kaw peˊ kueˊ kuˊ cengˊ naˊ ti vut ti yam. Suip ri long hk'aˊ heulˊ yam kawnˊ kueˊ a kuˊ cengˊ nanggalˊ yam hk'aˊ duimˊlawng naˊ unˊ nang rot ka naˊ. Peue long hk'aˊ hk'aˊnaee hk'aˊ duimˊlawng naˊ hpaw eun caˊ yawng buih heulˊ ri hk'aˊnhawˊ.

Tiˊtasˊ 3:3

Kopti nanggalˊ aenˊ na eˊ ku tawn meuh peue ngaˊ suisa, unˊ cang leuceng ri ti, kleucˊ hk'aˊ ri, taˊnhaˊ, hotˊ hk'aˊ renˊkawn naˊ ku ceu. Eˊ aˊyu imˊ hk'aˊnaee kuˊ rai naˊ, hkoeˊmangˊ puri, pereng puri maeeˊ ces ri puri.

Tuhˊ ri tuilˊ 3:17

Mi lahˊ, “Meuneum uiˊ, uiˊ pun hk'ilˊ leumuil heunˊ nyawkˊ, uiˊ hkuinˊ kaw laee loˊ keunhawˊ baee.” Daecti mi unˊ yawng tuˊ ri naˊ meuh a kuˊ tukyak, hk'oˊtukyak, ngaiˊ lecˊ maeeˊ meuh tuˊ seurakˊ ri.

1 Yoˊhan 1:6

Eˊ saecˊ naˊ lahˊ ri yeuh aˊmawo maeeˊ Heun, daecti eˊ lawn kawnˊ utˊ hk'aˊnaee kuˊ duimˊlawng naˊ koˊ, eˊ chiˊlai, eˊ unˊ aˊyu imˊ hk'aˊnaee kuˊ leupaws seumeuˊ naˊ.

1 Yoˊhan 2:9

Aˊnhawˊ saecˊ naˊ lahˊ ri utˊ hk'aˊnaee kuˊ cengˊ naˊ, daecti eun lawn ces ri ecˊawngˊ ri naˊ ce koˊ, kawnˊ utˊ eun hk'aˊnaee kuˊ duimˊlawng naˊ.

2 Kawˊrinhtuˊ 4:4

Punta peue unˊ yumˊ naˊ kaw ce unˊ cang nyu kuˊ cengˊ ka leukahˊ munˊ renˊkawn munhpungˊ keuting Eun Hkrit Cawoˊ meuh ruprang Eun Peucawoˊ naˊ, peucawoˊ ka cu maetˊmaenˊ naˊ a yeuh hpumˊ ce naˊ ngaiˊ fecˊ.

Yoˊhan 12:40

“punta kaw ce unˊ cang nyu ri ngaiˊ ri, unˊ cang leuceng pun ri hpumˊ ri, unˊ yawmˊ ri hpawtˊ ri ingˊ. Eun yeuh ngaiˊ ce naˊ yep ri duimˊlawng, yeuh hpumˊ ce naˊ cenˊ. Hawcˊ koˊ, Uiˊ kaw baiˊ ce cuin.”

2 Kawˊrinhtuˊ 3:14

Daecti hpumˊ ce naˊ cenˊ ka, kopti yam lip ce htawm Seungaˊ hk'imˊ naˊ, hpenˊ kangˊ buh ti glawkˊ awnˊ a kawnˊ kueˊ rot seunyaenˊ. A hkuinˊ nang tuhˊ ri. Kopti hk'aˊnaee Hkrit Eun palkoe, hpenˊ awnˊ a cang ti ri tec ri pun.

2 Petruˊ 1:9

Daecti aˊnhawˊ lawn unˊ kueˊ ceu nang aenˊ ce koˊ, ce meuh peue saiˊ ngaiˊ unˊ langˊ, peue ngaiˊ fecˊ. Mapˊ ce naˊ pun a ri saicˊ ri seungaˊ hawcˊ leumahˊ naˊ ce ku pil a yeut.

1 Yoˊhan 2:10

Aˊnhawˊ lawn leumeusˊ ecˊawngˊ ri naˊ ce koˊ, utˊ eun hk'aˊnaee kuˊ cengˊ naˊ. Hk'aˊnaee tuˊ eun naˊ a hkuinˊ kueˊ kuˊ yeuh eun seuduih ri.

1 Yoˊhan 3:15

Aˊnhawˊ lawn ces ri ecˊawngˊ ri naˊ ce koˊ, meuh eun nang toh peue. Yawng peˊ peue toh peue naˊ unˊ kueˊ ce citˊ tip aˊyu tip cotˊcu naˊ hk'aˊnaee Peucawoˊ Eun saecˊ ti peue.

1 Yoˊhan 4:20

Aˊnhawˊ saecˊ naˊ lahˊ, “Leumeusˊ uiˊ Peucawoˊ Eun”, daecti eun lawn kawnˊ ces ri ecˊawngˊ ri naˊ ce koˊ, chiˊlai eun. Kopti eun lawn unˊ leumeusˊ ecˊawngˊ nyu eun ri ngaiˊ ri naˊ ce koˊ, eun hkuinˊ kaw cang leumeusˊ Peucawoˊ unˊ nyu eun ri ngaiˊ ri naˊ Eun.