1 Yoˊhan 1:3 - Plang (Blang)

³ Punta kaw peˊ pun ri yeuh aˊmawo uiˊ naˊ, uiˊ paoˊ peˊ yawng lawng kuˊ nyu kuˊ mhawngˊ uiˊ naˊ. Yeuh aˊmawo uiˊ naˊ meuh a yeuh aˊmawo maeeˊ Aˊkuiingˊ maeeˊ Konˊ aiˊ Eun Aˊkuiingˊ Yesuˊ Hkrit Eun naˊ.

1 Yoˊhan 1:3 交叉引用

1 Kawˊrinhtuˊ 1:9

Peucawoˊ kati keutawnˊ Eun. Eun klawng peˊ ingˊ pawngˊ ri yeuh aˊmawo Eun Konˊ aiˊ ri Cawoˊ eˊ Yesuˊ Hkrit naˊ Eun.

Yoˊhan 17:3

Aenˊ meuh a citˊ tip aˊyu tip cotˊcu. A meuh yawng ce taengtaeng Peucawoˊ ti peue naˊ Eun, maeeˊ yawng ce Yesuˊ Hkrit kuˊ cusˊ Mi lih naˊ Eun.

Peue caee 4:20

Kopti kaw ya kah ri lahˊ kuˊ pun ya ri nyu, pun ya ri mhawngˊ naˊ.”

Yoˊhan 17:21

Uiˊ hk'oˊ munˊ punta gawmˊeucˊ ce kaw ce meuh yawo ti peue naˊ. Aˊkuiingˊ, punta bhenˊ keuteˊ naˊ kaw a yumˊ cusˊ Mi Uiˊ lih naˊ, seunˊ utˊ Mi hk'aˊnaee Uiˊ maeeˊ Uiˊ utˊ hk'aˊnaee Mi yeuh saˊnhawˊ naˊ koˊ, kah ce utˊ hk'aˊnaee Mi maeeˊ hk'aˊnaee Uiˊ seunˊ awnˊ a yeut reuˊ.

Hpiˊliˊpiˊ 2:1

Peˊ lawn pun kawlˊreng ri ri meuh peˊ ti jawngkuiˊ tuˊ maeeˊ Hkrit Eun, peˊ naˊ pun ri rap ri ti hk'aˊ seueulˊ hpumˊ ri neum hk'aˊ leumeusˊkeus Eun naˊ, pun ri yeuh aˊmawo maeeˊ Citˊ seungaˊ naˊ maeeˊ pun ri rap ri ti hk'aˊ onawnˊ maeeˊ hk'aˊ tukyak naˊ koˊ,

2 Kawˊrinhtuˊ 13:14

Kah munˊ sinˊ Eun Cawoˊ Yesuˊ Hkrit, hk'aˊ leumeusˊkeus Eun Peucawoˊ naˊ maeeˊ hk'aˊ yeuh aˊmawo puri isˊ ka Citˊ seungaˊ chakˊ naˊ kueˊ ri peˊ gawmˊeucˊ peˊ reuˊ.

1 Yoˊhan 1:7

Daecti eˊ lawn aˊyu imˊ hk'aˊnaee kuˊ cengˊ naˊ seunˊ Peucawoˊ utˊ Eun hk'aˊnaee kuˊ cengˊ naˊ, eˊ ku yeuh aˊmawo puri. Nhamˊ Eun Yesuˊ Hkrit konˊ aiˊ Eun Peucawoˊ naˊ a saicˊ mapˊ eˊ naˊ gawmˊeucˊ.

1 Yoˊhan 1:1

Lawng leukahˊ aˊyu imˊ kueˊ tangˊ neum yamla ri naˊ paoˊ uiˊ a ri peˊ. A meuh leukahˊ pun eˊ ri mhawngˊ, pun eˊ ri nyu a tamˊ ngaiˊ ri, pun eˊ ri nawk a maeeˊ pun eˊ ri paicˊ a ri tiˊ ri.

Hebraeˊ 3:14

Eˊ lawn hpumˊ keutawnˊ tangˊ ri kleumˊ ka rot vang tisutˊ ka naˊ koˊ, eˊ pun ri pawngˊ ri maeeˊ Hkrit Eun.

Hpiˊliˊpiˊ 3:10

Sumˊ yawng uiˊ Hkrit Eun naˊ maeeˊ sumˊ cheu tiˊca kuhˊ imˊ Eun naˊ. Uiˊ sumˊ seunˊ Heun ri hk'aˊnaee hk'aˊ pun ri hk'eupˊ hk'aˊ tukhka naˊ maeeˊ hk'aˊ pun ri yeum naˊ,

1 Petruˊ 5:1

Roˊkan nang kawt hk'aˊnaee muk naˊ peˊ, meuh uiˊ nang kawt seunˊ peˊ ri yeut, uiˊ ku meuh saˊhkiˊ ka Hkrit pun Eun ri hkamˊ hk'aˊ tukhka naˊ ti peue yeut, uiˊ ku pawngˊ hk'aˊnaee munhpungˊ kawnˊ kaw pucti lih Eun Hkrit naˊ yeut. Uiˊ sumˊ hk'oˊ a ri peˊ yeuh keutitˊ,

Hebraeˊ 3:1

Kop awnˊ na ecˊawngˊ seungaˊ chakˊ kuˊ pun ri pawngˊ ri klawng ri neum kuingˊ pang maoˊ maeeˊ ye tiduihˊ naˊ peˊ, kuit rot yawo ri Yesuˊ kuˊ meuh peue caee meuh peue jhawpˊ rit keuting yumˊ eˊ naˊ Eun laleung reuˊ.

Kawˊlawˊsaeˊ 1:13

Kopti teumˊkawm Eun eˊ pon hk'aiˊ kuingˊ ka hk'aˊ duimˊlawng naˊ, maeeˊ va eˊ lec kuingˊ Eun Konˊ aiˊ leumeusˊ Eun naˊ.

Peue caee 20:27

Kopti kaw uiˊ sangsawnˊ alo Eun Peucawoˊ naˊ ri peˊ gawmˊeucˊ ka, uiˊ unˊ duing vel a.

1 Yoˊhan 1:5

Leukahˊ aenˊ na pun uiˊ ri mhawngˊ a ri Heun, uiˊ tang suip ti ris peˊ mhawngˊ a. Peucawoˊ meuh Eun kuˊ cengˊ. Hk'aˊnaee Eun naˊ a hkuinˊ kueˊ kuˊ duimˊlawng naˊ saecˊ peunaeˊ.

Hebraeˊ 2:12

Eun lahˊ, “Kaw Uiˊ ris ecˊawngˊ ri naˊ ce mhawngˊ muis Mi naˊ. Uiˊ kaw cai sukˊseunˊ Mi nanggalˊ ka vang hk'om naˊ.”

1 Tiˊmoˊse 6:2

Mhaiˊ kuˊ cawoˊ ce naˊ meuh ce peue yumˊ naˊ, kopti meuh ce ecˊawngˊ, ce htukˊ ri unˊ va hk'aˊ hkopyawmˊ ce ri cawoˊ ri naˊ cutyawmˊ. Ce jaen htukˊ ri yeuh mhaiˊ chakˊ lheuˊ awnˊ na, kopti kuˊ pun munˊ kop kuˊ yeuh ce mhaiˊ naˊ koˊ, meuh a peue yumˊ kuˊ mhaiˊ naˊ leumeusˊ ce naˊ ce. Aenˊ meuh ce kuˊ htukˊ mi ri sangsawnˊ, kah peue hotˊ ri yeuh a.

Hpiˊliˊpiˊ 1:7

Yumˊ uiˊ peˊ gawmˊeucˊ yeuhkiˊ naˊ cawpˊ ka, kopti utˊ peˊ hk'aˊnaee hpumˊ uiˊ naˊ. Kopti yam buih pun uiˊ ri hkamˊ hk'aˊ hk'awngˊ ri naˊ, aˊkoˊ yam leukahˊ htuˊhtingˊ htawhkam uiˊ leukahˊ munˊ renˊkawn naˊ, peˊ ku pun ri pawngˊ ri maeeˊ uiˊ hk'aˊnaee kanˊ kuˊ Peucawoˊ tuilˊ Eun a ri uiˊ ri munˊ Eun naˊ.

Eˊfeˊsuˊ 3:6

Kuˊ vangdohˊ ruiˊ aenˊ a meuh kopti meuh a leukahˊ munˊ renˊkawn naˊ peue unˊ meuh peue ceu Yuˊda naˊ ce pun ri hk'a sinˊ tiduihˊ maeeˊ peue ceu Yuˊda naˊ ce. Ce pun ri pawngˊ ri meuh hk'eung hk'aˊnaee jawngkuiˊ tuˊ keuhti naˊ, maeeˊ pun ri pawngˊ ri hk'aˊnaee kati satˊcaˊ naˊ hk'aˊnaee Yesuˊ Hkrit Eun.

1 Kawˊrinhtuˊ 1:30

Kopti meuh a Peucawoˊ Eun, peˊ pun ri utˊ hk'aˊnaee Yesuˊ Hkrit Cawoˊ meuh cuˊyi neum Peucawoˊ Eun pun eˊ naˊ Eun. Aenˊ a meuh hk'aˊ leupaws seumeuˊ, hk'aˊ seungaˊ chakˊ maeeˊ hk'aˊ htut lawtpon eˊ naˊ.

1 Hteˊsalawˊniˊ 1:10

maeeˊ punta kaw peˊ koˊ Konˊ aiˊ kuˊ kaw lih neum kuingˊ pang maoˊ kuˊ Peucawoˊ yeuh Eun Eun tang kuhˊ imˊ hk'aiˊ vang yeum ri naˊ Eun, ce ku ris a yeut. Eun meuh Yesuˊ Cawoˊ kaw teumˊkawm eˊ lawtpon hk'aiˊ hk'aˊ seungeuengˊ Eun Peucawoˊ kaw ingˊ rot naˊ Eun.

1 Kawˊrinhtuˊ 15:1

Ecˊawngˊ naˊ peˊ, sumˊ tuilˊ uiˊ sati peˊ ri kuit rot ri leukahˊ munˊ renˊkawn sangsawnˊ uiˊ a ri peˊ kuˊ pun peˊ ri rap ri ti a hawcˊ peˊ yumˊ keutawnˊ hk'aˊnaee ka naˊ.

Roˊma 15:27

Ce renˊkawn sumˊ yeuh kuˊ yeuhkiˊ naˊ. Neumneum ka naˊ koˊ, kueˊ ce kuˊma ri ecˊawngˊ awnˊ ce yeut. Kopti peue unˊ meuh peue ceu Yuˊda naˊ ce lawn pun ri pawngˊ ri lec hk'aˊnaee munˊ hk'aˊ civit ce peue ceu Yuˊda naˊ koˊ, ce ku kueˊ kuˊma ri peue ceu Yuˊda naˊ ce. Ce naˊ htukˊ ri gvah munˊ hk'aˊ vahtuˊ ri naˊ ri ecˊawngˊ awnˊ ce.

Peue caee 13:41

‘Keueˊ reuˊ, peue lahˊ kuˊ unˊ nawpsang naˊ kaw peˊ amˊ, peˊ kaw lulaic. Kopti kaw Uiˊ yeuh kuˊ ti ri ceu hk'aˊnaee seunyi meuyam peˊ naˊ. A saecˊ naˊ kueˊ peue ti ri peue lahˊ peˊ mhawngˊ a naˊ koˊ, peˊ hkuinˊ kaw yumˊ a.’ ”

Peue caee 13:32

Ris ya leukahˊ munˊ renˊkawn aenˊ a ri peˊ. A meuh kati Peucawoˊ tuilˊ Eun ri aˊtaˊ keuting leumahˊ eˊ naˊ ce.

Peue caee 2:42

Ce leuceng leukahˊ sangsawnˊ ce peue caee Eun Yesuˊ naˊ, ce yeuh aˊmawo puri. Ce ves hkawomunˊ naˊ tiduihˊ. Ce hk'oˊ munˊ tiduihˊ.

Yoˊhan 17:25

Aˊkuiingˊ Cawoˊ leupaws seumeuˊ, bhenˊ keuteˊ naˊ a saecˊ naˊ unˊ yawng Mi, daecti Uiˊ yawng Mi. Yawng ce cusˊ Mi Uiˊ lih.

Yoˊhan 17:11

Uiˊ hkuinˊ kaw laee suip ri utˊ pang bhenˊ keuteˊ naˊ baee, daecti ce kawnˊ kaw utˊ pang bhenˊ keuteˊ naˊ. Buih ingˊ Uiˊ ri Mi. Aˊkuiingˊ seungaˊ chakˊ, punta kaw ce meuh yawo ti muk seunˊ Aˊ ri meuh Aˊ ti peue yawo naˊ, hk'oˊ Mi kangˊrukum roksaˊ ce ri tiˊca ka muis Mi naˊ reuˊ. A meuh muis kuˊ tuilˊ Mi ri Uiˊ naˊ.

Yoˊhan 19:35

Peue pun ri nyu ceu nang awnˊ a naˊ ce meuh saˊhkiˊ ka. Leukahˊ hkamˊ saˊhkiˊ ce naˊ a meuh kuˊ neumneum. Ce yawng kuˊ lahˊ ri naˊ meuh a kuˊ neumneum. Hkamˊ ce saˊhkiˊ naˊ a meuh punta peˊ ku kaw yumˊ a naˊ yeut.

2 Petruˊ 1:16

Yam lahˊ ye peˊ mhawngˊ lawng tiˊca Eun Cawoˊ eˊ Yesuˊ Hkrit naˊ maeeˊ lawng kaw Eun tang lih naˊ, ye hkuinˊ yeng ri seukawp ri lahˊ yeuh a pucti lih. Daecti meuh ye saˊhkiˊ nang pun ri nyu munhpungˊ keuting Eun naˊ ri ngaiˊ ri naˊ.