1 Tiˊmoˊse 5:5 - Plang (Blang)

⁵ Aˊya seunao unˊ kueˊ nang teumˊkawm utˊ koe naˊ ka keutuiˊ hpumˊ ka Peucawoˊ Eun. Punta Peucawoˊ kaw Eun teumˊkawm ka naˊ, ka saeˊcaeeˊ hk'oˊ munˊ hk'oˊhk'ang a ri Heun gawmˊ sumˊ gawmˊ seunyi.

1 Tiˊmoˊse 5:5 交叉引用

1 Tiˊmoˊse 5:3

Teumˊkawm aˊya seunao unˊ kueˊ nang roksaˊ naˊ ce meulamlam ri.

Luˊka 2:37

Ka meuh aˊya seunao rot ti aˊyu ri pun a seudiˊkulˊ punˊ neum. Ka hkuinˊ duing rangˊ nya hk'oˊ munˊ keuting naˊ. Ka eutˊ kuˊ hk'a ri, peunsumˊ peunnyi ka hk'oˊ munˊ faeeˊ Peucawoˊ Eun.

1 Petruˊ 3:5

Kopti ceu nang aenˊ ce beunˊ seungaˊ chakˊ leumahˊ kuˊ keutuiˊ hpumˊ Peucawoˊ Eun naˊ tawn yeuh ce tuˊ ri naˊ hpaw ngam ri ka. Ce yawmˊ ri leuceng leukahˊ ce me ri naˊ.

1 Tiˊmoˊse 5:16

Beunˊ yumˊ ti peue naˊ eun lawn kueˊ aˊya seunao nang nyahk'ulˊ ri koˊ, teumˊkawm ce. Pawlaee kah a meuh beus ri muk konˊ Hkrit, kopti muk konˊ Hkrit naˊ kaw ce cang teumˊkawm aˊya seunao seubu kuˊ htukˊ ri teumˊkawm neumneum naˊ ce.

1 Kawˊrinhtuˊ 7:32

Sumˊ kah uiˊ peˊ lawtpon hk'aiˊ kuˊ kuit nyhapˊ kuit yak naˊ. Peue unˊ ti ri isˊ beunˊ naˊ katcin ce ri kanˊ Eun Peucawoˊ naˊ. Ce htalikawmˊ hkamˊ ri yeuh kuˊ kaw htukˊ hpumˊ Eun Peucawoˊ naˊ.

Luˊka 18:1

Hawcˊ koˊ, Yesuˊ lahˊ Eun leukahˊ leupongˊ sangsawnˊ tapaeˊ ri naˊ kaw ce unˊ klehˊ ri hk'oˊ ri munˊ laleung naˊ.

Eˊfeˊsuˊ 6:18

Hk'oˊ munˊ hk'aˊnaee Citˊ seungaˊ naˊ ri leukahˊ hk'oˊ munˊ naˊ maeeˊ leukahˊ hk'oˊhk'ang ku ceu naˊ laleung reuˊ. Hk'aˊnaee vang kuit rot ri ceu nang aenˊ ce hk'aˊnaee hpumˊ ri naˊ, yeuh ri pawn kuiˊ ri hk'oˊ munˊ pun peue Eun Peucawoˊ naˊ ce laleung reuˊ.

Luˊka 18:7

Peue Peucawoˊ leuk Eun ri ti naˊ ce lawn hk'oˊhk'ang ri Heun peunsumˊ peunnyi koˊ, kaw Eun unˊ tuilˊ hk'aˊ leupaws seumeuˊ naˊ ri ce aw? Kaw Eun hkawe ri lingˊ aw?

1 Kawˊrinhtuˊ 7:34

Kuˊ peus ce hpumˊ ri ri ka naˊ a gvah ri meuh lalˊ hk'aˊ. Beunˊ unˊ nang ti ri isˊ me naˊ katcin ce ri kanˊ Eun Peucawoˊ naˊ. Ce htalikawmˊ hkamˊ ri tan tuˊ meun ri naˊ ri Peucawoˊ Eun gawmˊ jawngkuiˊ tuˊ maeeˊ civit ri naˊ. Daecti peue ti ri isˊ me hawcˊ naˊ katcin ce ri kanˊ ka bhenˊ keuteˊ naˊ. Ce htalikawmˊ hkamˊ ri yeuh kuˊ kaw htukˊ hpumˊ ce me ri naˊ.

Roˊma 1:12

Aenˊ a meuh punta peˊ ri maeeˊ uiˊ ri kaw eˊ tuilˊ kawlˊreng puri ri hk'aˊ yumˊ eˊ gawmˊ hk'aˊmawnˊ hk'aˊmaenˊ naˊ.

Roˊma 1:5

Punta kaw eˊ lahˊ ris peue unˊ meuh peue ceu Yuˊda naˊ ce ingˊ yumˊ Eun maeeˊ leuceng ri ti Eun naˊ, kopti meuh a Heun ri maeeˊ punta muis Eun naˊ, eˊ pun ri rap ri ti munˊ sinˊ naˊ maeeˊ pun ri meuh peue caee Eun Yesuˊ naˊ.

Peue caee 26:7

A meuh kati kuˊ peue ceu eˊ kulˊleualˊ ceu naˊ keutuiˊ hpumˊ eˊ a kaw meuh neumneum naˊ. Eˊ coˊcaˊ ri yeuh mhaiˊ Eun Peucawoˊ gawmˊ sumˊ gawmˊ seunyi laleung. Hkunˊhawˊhkamˊ, kopti meuh a kuˊ keutuiˊ hpumˊ awnˊ a naˊ, peue Yuˊda naˊ ce tangˊ aˊmu hk'aˊpang uiˊ.

Peue caee 6:1

Yam awnˊ na yam tapaeˊ naˊ tawlˊ heunˊ ce naˊ, peue Yuˊda kuˊ jhawpˊ ritroe ce peue Helasaˊ naˊ ce vuin ri peue Yuˊda kuˊ jhawpˊ ritroe ce peue Hebraeˊ naˊ ce. Kopti yam gvah ce kuˊ hk'a ku seunyi naˊ, aˊya seunao ce naˊ unˊ pun ce kuˊ hk'a meulamlam ri naˊ.

Peue caee 9:39

Petruˊ eun hotˊ ka heulˊ. Yam ingˊ rot ce naˊ, ce va Petruˊ eun hukˊ nang hkawng htan hk'aˊtuh naˊ. Beunˊ seunao naˊ ce rop Petruˊ eun. Ce yam, ce tuilˊ Petruˊ eun nawk hk'eung cing ka Dawkas yam kawnˊ utˊ ka naˊ.

Peue caee 9:41

Petruˊ eun jhawpˊ tiˊ ka naˊ, eun vuh ka kuhˊ cawng. Hawcˊ koˊ, eun klawng peue yumˊ maeeˊ beunˊ seunao naˊ ce ingˊ. Eun ap beunˊ tang kuhˊ imˊ awnˊ ka ri ce.

Hpiˊliˊpiˊ 4:6

Pawlaee hkiˊkeung ri keunhawˊ naˊ saecˊ ti ceu, daecti hk'oˊ ku ceu naˊ ri Peucawoˊ Eun ri hk'oˊ munˊ, hk'oˊhk'ang maeeˊ munˊ keuting naˊ.

1 Tiˊmoˊse 2:1

Kop awnˊ na nanggalˊ ka naˊ, uiˊ sumˊ kah mi hk'oˊ munˊ, hk'oˊhk'ang, munˊ keuting ri Peucawoˊ Eun pun peue gawmˊeucˊ.

2 Tiˊmoˊse 1:3

Yam hk'oˊ uiˊ munˊ uiˊ kuit rot ri mi ku sumˊ ku seunyi naˊ, uiˊ munˊ keuting ri Peucawoˊ Cawoˊ yeuh uiˊ mhaiˊ Eun ri hpumˊ cang yawng seungaˊ chakˊ uiˊ naˊ seunˊ kuˊ aˊtaˊ aˊya uiˊ yeuh ce naˊ.