Romu 8:38 - BAṈARA KO VAIRU AMA LEVELEVEO

³⁸ Ako ko aṉa tuvevo a ikako quli ta pulia quli ta kopa pitasimelou anime voko roquano kasi azo, kota pui vou, ni pui saevo, ni pui mateana madu ni pui auvana lekasa poso ni pizato poso, pui komia taku kale ko ereivako quli ni pui koko kilo ama taku kale ko ereilo ama quli,

Romu 8:38 交叉引用

Jone 10:28

Ni aṉata a qatima se noqola kama saevo, ni seta pui kepa vouvou, ni puliala ta opa rapemou aṉa kasi azo.

Romu 14:8

Ako anime me jaeva keru, animeta me jaeva inio vo Lekasa kaqe, ni me vouva keru, animeta me vouva vo Lekasa kasi. So sole anime mebeta saeva keru ma me vouva keru, animeta vo Lekasa ko mela.

2 Timoti 1:12

ni Sokale avo inio aṉata a doraeka komia erisaṉama tapata. Melai aṉata abeta pataita aṉako oqu kale, ako aṉata avai nianiia sole vo aṉa avai keruani, ni a duvevo pueka ta voko matuma pizato kale vota o kati vailou ko lula aṉa a erekako iruruputo vokasi ti kobeta barolou koa matuma Titizato ko Ṉaniu.

1 Pita 3:22

ni vota ota koivi aukale ni vota vovo Mama ko palo rana o eva. Ni sai nio vota oma lekasa pua aukale ama mateana madu ni kiadama pizato sama auvana poso.

Kolosi 1:16

Ako vokale kude inio Baṉara ta o ereke kiadama quli aukale ama ni miduku kale ama koko keazaivako vilu kale ni pui ko keazaivako quli, ko piza kama auvana poso, ko auvana lekasa poso, ni vailo ko auvana poso, ni kiadama auvana ko pizato poso. Baṉara ta o ereke kiadama quli vokale tu vo kaqe.

Kolosi 2:15

Koa korosi topi Karisito ta o koqotaekake kiadama ziolo poso ko pizato. Vota uria zakaremu oma ikake se maba poso vo inio vo raura kala, vo o koqotaekani ko ziolo poso.

Epesasi 1:21

Ni vota raura o ivake vo kiadama mateana madu kasi azo, ni ko lekasa puako ziolo kasi azo, ni kiadama koko lekasa puako pizato poso ni seke lekasa puani maba madu kasi azo, ni kiadama piza kama ṉi kasi azo, komia peuru ma peuru kale ti kobeta barolou komi ko kuevako peuru ma peuru kale.

2 Koriniti 4:13

Ko Tabu ama Riki ta so kikola “Aṉata a besike ako aṉata a duvevo putake sole,” kikola. Ni eṉe melai koa omadeuma tuvevo puto sama kerukeru saṉela inio eṉe melai ṉe besia ako eṉeta ṉe duvevo puta sole.

Romu 4:21

Vota matu tuvevo o ikake vo Baṉara ta o roveovou ereko koa leveleveo vo ova kasekema.

2 Koriniti 11:14

Zio, pui aqasiele ama quli! Ako o ṉavi vo Setani ta o roveani edolovo elo tu kala zakaremu ko mateana jaria velo o elo!

Hiburu 11:13

Kiadama sea qole ama maba poso ta kevai oqui vo Baṉara ti kobeta baroi seko saevo poso ko paito keru. Seta pui nio ke koake vo Baṉara oma inainaekema quli, melai seta ke gelekake vaṉʼazo ni keka zoleike, ni seta pui keta ka kamiziake maba madu kio, se puliama zae samu komia peuru ma peuru kale.

Romu 6:23

Ako ko sarueko ko reketekete ta vou; melai vo Baṉara ko tatabara pide ama katizato ta noqola kama saevo tu animeta omadeu me elou vo Jisu Karisito sase vo animevo Lekasa.

Romu 14:7

Ako puliala anime azo kala ta o rovea saevo ni vou o kiada kaqe.

1 Koriniti 15:24

Ni koko paitopaito kale vo Karisito ta o koqotaemou kiadama koko lekasa puako ziolo poso, koa azaazama pizato sama, ni vota o kativou vo Baṉara Mama kiadama quli ko lekasa puo.