Romu 8:14 - BAṈARA KO VAIRU AMA LEVELEVEO

¹⁴ Seke odiziani vo Baṉara ko Auvana kale se inio vo Baṉara ko meqora poso.

Romu 8:14 交叉引用

Qelesia 5:18

Melai meta me zarievou vo Baṉara vo Auvana tu o odiemelou me, so inio kasa ko elou ta meta pui vo Mosese ko Bazu kale me evani mela.

Jone 1:12

Melai kama poso madu seke baroekiveni vo, ni se kevai keruini vo, ta o katimake ko naizato tu seta vo Baṉara ko meqora poso ke elo.

Qelesia 3:26

Ni vai oqu kale vo Karisito inio mea kiada mela ta vo Baṉara ko meqora poso mela.

Qelesia 5:16

Ni aṉata mata eri kiala mekasi. Meta pizatomo kiada keru Tabu ala Auvana kale, nio meta pui meba erekou meko bulo kale ama ruqe ama kerukeru kokai zariako quli.

Kelokelozato 21:7

Seke koqotaeko amu ko ruqe ta aṉata sevo Baṉara a elou ni seta aṉako meqora poso ke elou.

1 Jone 3:1

Keatini, animevo Mama ta o matu roquemela anime! Sokale avo inio animeta vo Baṉara ko meqora poso mela mela kiola. Ni tuvevo animeta voko tuvevo ama meqora poso mela, melai komia peuru ma peuru kale ama maba poso inio pui ke nianiiemela ta animeta vo Baṉara ko meqora mela, ako seta pui kepa nianiieve sole vo Jisu.

2 Koriniti 6:18

Aṉata mevo Mama a elou, Meta aṉako meqora poso me elou, reko ni lasivea mela, kiola vo piza kala Baṉara.”

Qelesia 4:6

Ni meta vo Baṉara ko meqora poso mela. Sokale avo inio vo Baṉara ta o soroeke vovo Meqora ko Auvana animeko bulo poso kale. Ni voa Tabu ala Auvana kale inio meta eri kimela meko bulo ko vualavuala kale, “Mama, aṉavo Mama ṉa!” kimela.

Romu 8:5

Seke saevani tupu kale ta ke vaeka seko kerukeru tupu ko saevo koka zariako quli topi. Melai seke saevani Baṉara ko Auvana kale ta ke vaeka seko kerukeru voko Auvana koka zariako quli tona.

Romu 8:9

Melai meta pui me jaeva ko meko tupu ko saevo ko kavani jari. Me inio me jaevani mela vo Baṉara ko Auvana ko melai bazuekako saevo kale, vo Baṉara ko Auvana tuvevo avole ko saeva meko saevo kale ta. Ako voa maba vo pui o koani vo Karisito ko Auvana ta pui vovo inio.

Romu 8:19

Kiadama quli koko ereima ta ko matu tareka vo Baṉara ko kasa imo voko meqora poso.

Romu 9:8

Kokale inio animeta me rovea paqumuko ta seke alilani Ebarahami ko vikuvikula kale ta pui vo Baṉara ko tuvevo ama meqora poso, melai seke alilani vo Baṉara ko leveleveo kale ta tuvevo ama vo Ebarahami ko vikuvikula madu.

Epesasi 1:5

Ni puliako komia peuru ma peuru ereilo inio vota o roquemele ni o pitoemele tu o ṉaviko meqora poso o imelo anime vo Jisu Karisito kale. Ni ko ikio voko zario ni ko zolevako quli.

Romu 9:26

Ko omadeuma zae kale sai ‘Meta pui aṉako mabamu mela,’ ma kiovekoi sai nio vo saevola Baṉara o meqora poso ma kiovoa koi.”

Matiu 5:9

“Keta zoleiva tisoiko se bulezato ko maba madu, ako vo Baṉara ta o ṉaviko meqora poso ma kiovou se sole.

Qelesia 4:5

Ni vo Baṉara ta o erekake komi quli tu vovo Meqora ta oma tatabaraeko ko rupasio se mabaku kekai eveni vo Mosese ko Bazu, tu seta vo Baṉara ko meqora poso o imo.

1 Jone 3:24

Ni voa maba vo o zorikani vo Baṉara ko bazu ta Baṉara sate o evani nio. Ni Baṉara ta o eva vo sate. Eri kale inio animeta meqai nianiia ta Baṉara ta o eva anime sate. Animeta meqai nianiia Baṉara melati elo anime voa Tabu ala Auvana kale vo o katimeleni anime.