Romu 5:15 - BAṈARA KO VAIRU AMA LEVELEVEO

¹⁵ Melai nioqata pui ijavoa nioqa, ako vo Baṉara ko roquano sama puaro ta pui Adami ko sarueko jari ama sole. Tuvevo kubo maba ta lula keta vovi omadeu pado maba ko sarueko kale. Melai vo Baṉara ko pakiezato sama roquano ta kokai paloasa ko sarueko, so jari vo Baṉara ko roquano sama puaro koko puariziako kubo maba poso kasi omadeu maba ko pakiezato sama roquano kale kude, vo inio vo Jisu Karisito.

Romu 5:15 交叉引用

Romu 6:23

Ako ko sarueko ko reketekete ta vou; melai vo Baṉara ko tatabara pide ama katizato ta noqola kama saevo tu animeta omadeu me elou vo Jisu Karisito sase vo animevo Lekasa.

Epesasi 2:8

Ako vo Baṉara ko pakiezato sama roquano kale inio animeta me bakiovi animeko oqu kale. Ni kota pui me ṉaviko pizato kale inio kopa erei, ni pui animeko iruruputo kale, melai kota vo Baṉara ko puaro ikio, so sole puliala ta opa kai aikailou.

Romu 5:12

Ko sarueko ta ko kuevi peuru ma peuru omadeu maba kale kude, ni voko sarueko ta ko kati kuevi ko vou. Koko kio kale vou ta komai baroi kiadama maba poso ako seta ruqe ko kiada sole.

1 Jone 5:11

Ni komi quli kio vo Baṉara o melai bazuekako anime: vota o katimele ko noqola kama saevo, ni vota o katimele koa saevo animeko vai oqu kale vovo Meqora.

2 Koriniti 9:15

Animeta mevai rauraeko vo Baṉara voko palopaloasi ama katizato!

1 Jone 2:2

Ako vo Jisu kale inio animeko sarueko ta ko akoiva. Ni pui animeko sarueko ko kiada melai kiadama maba poso ko sarueko melai ko rovea akoilo.

Hiburu 2:9

Melai animeta meqai nianiia ta vo Jisu inio puju ama taku kale se mateana madu ko sasa zara tinia o eveni, tu vo Baṉara ko pakiezato sama roquano kale vota oma vou kiadamu. Animeta mevai nianiia vota Lekasa o eva ni o rauraiva ṉaṉaidara sate, ako vota lula o tolai ni o vovi sole.

Jone 4:10

Nio Jisu ta o kati tiorikake, “Ṉota ṉoqai nianiia vo Baṉara oka zariako katiṉo ni ṉota ṉo nianiiela aṉa ju aṉai pasekani lala tea, ṉota ṉolai paseko inio aṉa, ni aṉata a qatiṉo inio ko saevo ko ju,” kiolake.

Jone 3:16

Ako vo Baṉara ta o matu roqueme se peuru ma peuru kale amu, so sole vota o soroelake aṉa vovo pado Meqora lala, tu se kelai keruvo amu aṉa ta pui kepa noqola tolailou heli kale, melai seta ke kovou ko noqola kama saevo.

Matiu 26:28

komi ta ko mamola pueka aṉako dara, koko rereovo ama tu ko pakiemo kubo maba poso tu vo Baṉara ta ota ma akoekou seko sarueko, ni komia aṉako vou kio ko vinaeko ama vo Baṉara ko leveleveo maba poso kasi.

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Iruruputo 15:11

Pui so me imo! Ako anime ni se ta omadeu pakio meda elou vo Lekasa Jisu ko pakiezato sama roquano kale sole,” kiolake.

2 Koriniti 5:14

Eṉeta ṉe matu iruruputa ako vo Karisito ta o matu roqueṉela eṉe sole, ako eṉeta ṉeqai nianiia ta voa omadeu pado maba inio oma vovi kiadama maba madu ni animea kiada mela ta omadeuvo meqai zomane jari voko voukale, ni omadeuvo vo voula maba jari vo pui opa ereko ala ko sarueko, animeta me male tu pui mata ereko ko sarueko.