Romu 4:17 - BAṈARA KO VAIRU AMA LEVELEVEO

¹⁷ omadeuvo ko Tabu ama Riki kikolani jari, “Aṉata taite a iṉa ṉo kubo toutou poso vo ṉa.” So sole koa leveleveo ta uri ama vo Baṉara ko vilu kasa, vo Ebarahami ovai oquini—voa Baṉara vo o saevimani se voumu, ni voko bazu kale o puratikani ko pui kopa ereima quli.

Romu 4:17 交叉引用

1 Koriniti 1:28

Vota o pitoemele anime kalo pidea mela ni kedukedula mela mela kikelani komia ruqe ama peuru ma peuru kale amu, ni anime se pulia quli jaria kerukeruemelo ke evani inio vota o pitoemele tu vota o niumaekou ko quli komia ruqe ama peuru ma peuru kale ama maba poso raura kama ka kikelako quli,

Jone 5:21

Omadeuvo vo Mama ta o saevima se lula ke vovini, so jari pado inio aṉa vovo Meqora lala ta a jaevima se aṉa ama zariani.

1 Pita 2:10

Ako lulavo meta pui vo Baṉara ko maba poso mela, ni meta pui meba kai nianiiovi vo Baṉara ko tauvezato sama roquano, melai erisaṉa meta voko mela, ni meta me qoa voko tauvezato sama roquano sole.

Jone 6:63

Vo Baṉara vo Tabu ala Auvana inio o saevizatani, maba ko pizato ta puliama saevizato sama. Koa pesio poso aṉa lula a qasekako mekasi ta pizato sama tu kota ko vati kilo vo Baṉara vo saevizato sala Auvana.

Romu 8:11

Vo Baṉara ta o saevive vo Jisu voukale azo, ni voko Auvana ta ko elou me tona inio vota mata o saevikou meko tupu, koko vouvo ama. Vo o saeviveni vo Karisito ta o saevikou meko tupu voko Auvana kale koko evako me tona.

Jone 5:25

Tuvevo avole aṉata a bazuemela me, taku ta kobeta kueva ni kota lula kota baroa so keru se voumu keta la viqou keru aṉa Baṉara vo Meqora lala ko kora, ni seke viqo amu koa kora ta ke saevou.

Hiburu 11:12

Koa taku keru vo Ebarahami ta lula matu qole ota evake ni sipole ota vou kiolake melai vikuvikula poso koko tanitema voko qole ala keru azo ama ta omadeuvo aukale ama suti poso ko kubo jari ko evake, ni omadeuvo ko keta kale ama karokoni ko kubo jari, ko pui ko roveako atailo.

Romu 3:29

Ma vo Baṉara ta se Jiu amu ke kiada vo Baṉara ni pui se pui Jiu amu vo Baṉara inio, kio? Pui, se pui Jiu amu melai sevo Baṉara.

2 Pita 3:8

Melai a roquemelani mela lolo poso, meta pui ukaka me ikou komi quli, ko omadeu ṉaniu ta omadeu vuro sabere jari, ni omadeu vuro sabere ta omadeu ṉaniu jari vo Baṉara kasi.

Hiburu 11:7

Oqu kale inio Noa ta o viqake Baṉara ko balauvato sama pesio, so keru vo ovai bazueke keru ko nioqololo koko kilo ama ko vo pui vima sase opa kevema. Vota o zorivake vo Baṉara ni o erevake kala matula vaka sai vo ni voko saidi ke pakiovikoi. So sole vota kasa o ikake vo Baṉara ko titizimo sea so keru ama peuru ma peuru kale ama maba madu seko ruqe ama kalo kale avo, melai vo Noa ta o koe vo Baṉara ko sidopu, vota oqu sala sole.

1 Timoti 6:13

Vo Baṉara ko tanama kale, vo o katikani ko saevo kiadama quli, ni Jisu Karisito ko tanama kale, vo o uria kasa puekeni voko oqu vo Ponitiasi Paelati ko kuleto, aṉata a bazueṉa ṉo

Romu 9:26

Ko omadeuma zae kale sai ‘Meta pui aṉako mabamu mela,’ ma kiovekoi sai nio vo saevola Baṉara o meqora poso ma kiovoa koi.”

1 Koriniti 15:45

Ako eri nio ko Tabu ama Riki kikolani sole, “Vo kuleto ala maba Adami ta o ereivake ni saevola maba o evake.” Melai vo tovatovala Adami, vo inio vo Jisu, voa auvana vo o katimani ko vairu ama saevo.

Romu 4:2

Vota lula sidopu o eve vo o erekema quli kale tea, vota ota roveo nio raurailo, melai vota pui opa roveovi raurailo vo Baṉara ko tanama kale.

Iruruputo 15:18

So inio kiolake vo Baṉara vo okai bazuteni ko matu lulavo.’ ”

Matiu 3:9

Ni meta pui eri kio me ṉavio kude, ‘Ebarahami nio eṉevo taite kio, ni so inio eṉeta ṉeda ka lapasou koko kilo ama koqotato,’ pui so kimevou. Aṉata a bazuemela me, vo Baṉara ta o roveo nio varieko vo Ebarahami ko vikuvikula komia lado kale sole!

Romu 4:18

So keru ta kubo quli ta kota roveo nio niumaeko vo Ebarahami ko kerukeru melai vota o tuvevo puevake ni ovai kerui vo Baṉara, nio vota “kubo toutou poso vo taite” o evake. Omadeuvo ko Tabu ama Riki kikovevo jari, “Noko vikuvikula ta omadeuvo ko suti poso jaria kubo ko elou.”

Romu 9:11

Melai kala pado meqora nioqʼazo ko pitoilo ta vo Baṉara ko maba vatolo kale inio o pitoi. Baṉara ta eri kiolake koa reko kasi, “Vo kaka kala ta nabulu ova elou vo visi ala.” Vota o kaseke koa pesio puliako nioqa alilo, ni puliako nioqa ereko ko uri ni ruqe; so sole vo Baṉara o pitoeve keru voa maba ta vota pui o nokaeva vo vo o erekako iruruputo ko kio kale, melai o ṉaviko vatolo kale inio vota o nokaeva vo.

Hiburu 11:3

Oqu kale inio animeta me baqumuka ta Baṉara inio o ereke ko pado ama peuru ma peuru o ṉaviko pesio kale kio nio me qeako quli ta ko erei ko pui me qeako quli kale.