Romu 16:19 - BAṈARA KO VAIRU AMA LEVELEVEO

¹⁹ Kiadama maba ta lula ke viqa meko sidopu sama iruruputo vo Jisu Karisito ko Uri ama Bazu kale, ni Sokale avo inio aṉata a mela zoleiva me. Aṉata a mela zaria me tu meta nianiio emo, uri ama quli kale, ni meta rurubiatana emo ruqe kasi azo.

Romu 16:19 交叉引用

Matiu 10:16

“Meta didielomo! Aṉata a joroemela me omadeuvo sipi jaria mela piru ama ni kade ama biaṉabiaṉa ko tiania. So sole meta balauvomo ni ibuibumu emo meko saevo kale sekasi.

1 Koriniti 14:20

A qaka ni visi poso mela, meta pui meqora jari elo meko kerukeru kale; meta molele poso jari emo meko sidopu kale tu pui ereko ko ruqe, melai meta rapukomo meko kerukeru kale.

Pilipai 2:15

so inio meta kuiripato pidea mela ni bulebulea mela vo Baṉara ko korokoroti ama meqora poso mela meda elou meko saevo kale se kaido ama maba madu ni boutare samu ko valuvalu. So inio seko tiania meta talolomo suti jari.

Romu 1:8

Kuleto aṉata a qaseka aṉako uriavo vo Baṉara kasi vo Jisu Karisito kale kude mea kiada mela kale avo, ako komia pado ama peuru ma peuru ta ko viqa meko oqu ko bazu sole.

Pilipai 1:9

Ni aṉata a melati vararaita me tu meko roquano ta ko rapukou matuvole, tu meta me qovou ko tuvevo ama nianiio meko roquano kale.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Epesasi 5:17

So sole meta pui me jarube puekou meko saevo. Melai kai nianiimo loma quli kio vo Baṉara okai zariako tu meta me erekou.

Luke 10:3

Olamo! Aṉata a joroemela me omadeuvo kama inobe ama silosilo ama sipi ko meqora poso jari kama piru siele ko valuvalu.