Qelesia 6:1 - BAṈARA KO VAIRU AMA LEVELEVEO

¹ A qaka ni visi poso, esa kala me azo ta mevai potou o erekou keru ko saruilo, ta vo Tabu ala Auvana kale me odiziani mela inio me ziovou nio meba tauvevou sidopu puevo. Melai meta me jidopu puevou vo zarazarailo sama keve kale, ni me balauvou, ako me ṉavi melai me ereko kale sole soama saruilo.

Qelesia 6:1 交叉引用

Romu 15:1

Anime lula pizaka mela oqu kale ta me dauvemo se lekuleku amu seko niuniala kale. Animeta pui me zoleilo me ṉavi pala.

2 Tesalonaika 3:15

Meta pui kala kana jari me ivou vo, melai meta kala visi jaria balauvivo emo.

2 Timoti 2:25

ni inobea sidopu puemo o elou seke pazokani voko nianiiekato. Sokale inio esa vo Baṉara ta o baisemou se tu seta ke lilizio ni kekai nianiio ko tuveano.

1 Jone 5:16

Esa kala ta o velou vovo lolo Karisito kale ala o saruekou, melai koa sarueko ta pui kopa odievo ama ikio noqola kama voukale, ta voa maba ta o vati vararaitou vovo lolo vo o saruekani, ta Baṉara ta o kativou ko saevo voa maba. Aṉata amai pesipesita se maba poso seko sarueko pui kopa odiemo amu noqola kama voukale. Ikoana ko sarueko koko odiemako noqola kama voukale ni vo o erekani ko ta pui me vati vararaitou.

2 Koriniti 2:7

So sole erisaṉa ta koko male ikio ko me tu tava akoeko voko sarueko ni zuvarivo vo, tu pakievo vo koa voko matu duki elo kale azo.

Hiburu 12:13

Pizaka talio emo sidopu ama keve kale tu se pui ke paqumukani seko oqu ta pui utu amu ke elo Baṉara kasi tu seta mata ke pizatou auvana kale.

1 Pita 3:15

Melai ilusivomo vo Karisito meko bulo kale ako vo inio mevo Lekasa sole. Ni inainaomo kiada keru tu ma rupasikomo seke mela kuiriko amu me tu mema zakaremu puekou meko tuvevo puto sama kerukeru tu kovo noqola kama saevo.

Romu 14:1

Meta baroekimomo sea maba poso se lekuleku amu seko oqu kale, melai pui tamati zolizoliekinio seko kerukeru meko kerukeru kale.

1 Koriniti 10:12

So sole kalaṉa pizaka lojo ṉo eva kiṉolani ṉa ta ṉo matu balauvou tu ṉota pui ṉo bialou.

1 Koriniti 4:21

Loma ikio meqa zariako ko me? Aṉata a qilou tu aba pazomelo poru kale, ma roquano ni vanonorito sase kio?

Jemisi 3:2

Ako animea kiada mela ta me erekani mela ko sarueko poso sole. Melai voa maba vo pui o saruekani voko pesio kale, vo inio vo sidopu ala ni o roveani kati vailo voko pado ama saevo.

2 Koriniti 10:1

Kake mela ta so la kimelani aṉata a baisemelani lala so keru aṉa abeta eva keru mekasi, ni aṉata a melai karaṉa so keru aṉa abeta eva keru meko vaṉa. So kimelani nio aṉa Paula lala a ṉavi nio a basemela me koa omadeuma inobe ni baiseo vo Karisito kasa o ikema kale, tu pui zuruzuruelo aṉa tu a melai karaṉo me so keru a qilou keru mekasi! Ako aṉata a roveovoa lala tu amai karaṉo kake seke ṉelai kuirikani lipalipa kama quli. Se kikelani ta kiadama maba komia ruqe ama peuru ma peuru kale amu kebe erekako iruruputo jari ama ikio eṉe apositolo ṉela ṉebe erekako, kikela.

Matiu 9:13

So sole meta olamo ni pa kai nianiimo Baṉara kiovevo ko Tabu ama Riki kale, ko eri kikelako, ‘Aṉata pui aqa zaria biaṉa kale ama siqasiqa melai aṉata aqa zaria ko tauvezato sama roquano,’ kikovema. Ako aṉata pui a queva nokaemole se sidopu amu, melai aṉata a queva tu nokaemole se ruqe ama maba poso,” kiolake.

1 Koriniti 14:37

Kala ta o kerukerutou ta vota Baṉara ko bazu o koani nio ma Tabu ala Auvana sala kiovo ala, ta o paqumuko koa kiadama aṉako riki ta vo Lekasa Jisu ko bazu ikio ko kio.

1 Koriniti 7:5

Lasivea laṉa ta pui taka lupao ṉoko reko, ni so jari ṉoa reko ṉa ṉovo lasive kasi. Melai pitopito ama taku kale uri ama vatolo kale qe vaekou vararaito kaqe saita, inio mata tova padoekinio qe elou. Komia keve kale kude inio qeta qe pakiziovou vo Setani ko zolizolito kale azo. Ako lekulekua qela qeko kaitizio kale sole.

1 Koriniti 2:15

Melai vo lula o koani ko Auvana, ta kokale o rovea titiziko kiadama iruruputo tu ota ka kelo koko uri ma ruqe; melai puliala maba ta opa titizivou vo.

Romu 8:6

Seke vaekani seko kerukeru tupu ko saevo kale ama quli tona ta komai barolou ko vou, melai seke vaekani seko kerukeru Auvana kale ama saevo ko quli tona ta komai barolou ko tuvevo ama saevo ni bule sama.

Matiu 11:29

Meta lekasa puelomo aṉa, tu aṉata a nianiiekimelo me, ako aṉata a zarazaraivani lala ni inobea lala auvana kale sole, ni meta me qovou ko mamazo.

Jemisi 3:13

Kala me azo ta nianiiola ni paqumato sala, kiovo ala, vota kasa o ikou voko uri ama saevo kale. Vota kasa o ikou koa uri ama kalo, zarazarailo ni raura kama nianiio ko puratikako.

Hiburu 13:3

Kerukeruemomo tu tauvemomo se pirito pade kale ke evani maba poso; omadeuvo se jaria piripiri emo. Ni so jari meta kerukeruemomo se tapata ke evani, omadeuvo meta me lainika seko tola jari.

Qelesia 5:23

inobe, ni me ṉaviko aveavezio. Puliama kama bazu ta soama uri ama quli ko kaitika.

1 Koriniti 3:1

Melai a qaka ni visi poso mela, aṉata pui aba roveovi melati bazueko ko Uri ama Bazu omadeuvo se kiada keru ke zorikani vo Baṉara ko Auvana jari kasi. Melai aṉata a melati bazuekake omadeuvo meta komia ruqe ama peuru ma peuru ko mela jari inio, ni silo mebeta evani mela vo Karisito vai oqu kale.

Matiu 26:75

Nio Pita ta o kerukeruekake Jisu va kiovevo vo, ko eri, “Puliako kokorako zialo, inio ṉota ṉoda la zoliovou aṉa zouke taku, ni eri kiṉovou, ‘Aṉata pui avai nianiia vo,’ kiṉovou,” ka kiovema. Ni vota ota saqorake kupele ni ota matu ṉuisiṉuisiake zialo.

Matiu 26:69

Nio vo Pita obeta papua keru titizikinio ko pade ko kupekupe, nio ka pado vo Nisa Siama ko nabulu ta ko olake vokasi ni eri kikelake, “Ṉoela, ṉota vo Qalili ala Jisu sasea laṉa inio,” va kikolake.

Qelesia 6:18

A qaka ni visi poso, aṉata a melati vararaita me tu animevo Lekasa Jisu Karisito ko pakiezato sama roquano ta ko elou meko saevo kale. Emeni.

1 Tesalonaika 4:1

Eṉeko kaka ni visi poso mela, eṉeta ṉe melati nianiiekikake koa kalo ko me mevai zoleko ama vo Baṉara. Ni eṉeta ṉeqai nianiia ta tuvevo, meta lula soa saevo meda eva. So sole eṉeta ṉe melai titia me vo Lekasa Jisu ko ṉikale tu meta beta olamo tu pizaka erekomo ko.

2 Koriniti 2:8

Ni aṉata a basemela me tu kasa ikomo vokasi meko roquevo vo.