Qelesia 5:6 - BAṈARA KO VAIRU AMA LEVELEVEO

⁶ Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Qelesia 5:6 交叉引用

Qelesia 6:15

Ako vo Baṉara ko kelokelozato kale vo maba ta o moveilou ma pui o moveilou melai kota pui matuma quli. Melai ko matuma quli ta vo maba ta vairu o elou voko saevo kale Tabu ala Auvana ko pizato kale.

1 Koriniti 7:19

Ako ko moveilo ni pui moveilo ta puliama koko kalo sama, melai qulepo ama quli ta ereko vo Baṉara o melati soruekako quli.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

Qelesia 3:28

Ako vo Jisu Karisito omadeu saevo me vati evani mela kale ta puliama koko azavo sole se Jiu mu ni pui Jiu amu, ni puliama koko azavo mabaku ni ruparupasi ala maba, ni puliama koko azavo se rekoreko ni lasive amu, ako mea kiada mela ti omadeuvo vo Jisu Karisito kale sole vo Baṉara ko kelokelozato kale.

2 Koriniti 5:14

Eṉeta ṉe matu iruruputa ako vo Karisito ta o matu roqueṉela eṉe sole, ako eṉeta ṉeqai nianiia ta voa omadeu pado maba inio oma vovi kiadama maba madu ni animea kiada mela ta omadeuvo meqai zomane jari voko voukale, ni omadeuvo vo voula maba jari vo pui opa ereko ala ko sarueko, animeta me male tu pui mata ereko ko sarueko.

1 Pita 1:8

Meta pui me veani nio vo, melai mebe roqueva. Ni meta pui me roveani mela inio velo erisaṉa, melai tuvevo mebe iva. So sole meta ko melai sukata ko ṉaṉaidara kama zoleilo puliala maba opa roveovo ama kaseko.

Kolosi 3:11

So sole vo Jisu Karisito omadeu saevo me vati evani mela kale ta puliama koko edolovo se pui Jiu amu pui movemove amu ni se Jiu amu lula movemove amu, ni se edolokoi kazo amu, ni se piru ama siqoa maba poso, ni se mabaku poso, ni se pui mabaku poso. Animea kiada mela ta omadeu me eva Karisito kale vo raura kala.

Hiburu 11:8

Vo Ebarahami ta ovai oqui vo Baṉara ni vota o zorive vo so keru vo Baṉara o nokaeve keru tu vota o tanito talio tu o zio kama pado peuru kale vo Baṉara o kativo ama ka kiolako tu vota o ṉeamuko ko. Vota o vaekake voko ṉisa peuru kai nianiio pideakoi sai vo o ziovoa koi ka kiolakoi.

1 Koriniti 13:13

So sole erisaṉa ta kobeta eva oqu, ni keru, ni roquano, melai roquano ta kobe qulepa koa zouke azo.

Qelesia 3:26

Ni vai oqu kale vo Karisito inio mea kiada mela ta vo Baṉara ko meqora poso mela.

Epesasi 6:23

Ni aṉata a vararaita tu vo Baṉara animevo Mama ni vo Jisu Karisito ta o katimelou kiadama lotu maba mela voko bule ni oqu sama roquekinio.

Kolosi 1:4

Ako eqeta lula qe viqa meko vai oqu vo Jisu Karisito ni meko roquemo kiadama vo Baṉara ko maba madu.

Luke 7:5

Vota o roquemelani anime Jiua mela ni vo inio o mela erekeni ko ilusato ko pade sole,” kikelake.