Qelesia 2:11 - BAṈARA KO VAIRU AMA LEVELEVEO

¹¹ Ni so keru vo Pita o kuevi keru Anitioko, aṉata a riqaevake vo o ṉavi, ako vota ota saruike sole.

Qelesia 2:11 交叉引用

1 Timoti 5:20

Melai ṉota riqaema se lotu tanatanamu vaki ale seke erekani ko sarueko, tu sea kiadamu ta ke balauvo.

Qelesia 2:14

Ni aṉata a qeake seke erekako quli. Seta pui ke luluekake Uri ama Bazu ko tuveano, so sole aṉata eri va kialake vo Pita sea kiadamu ko tanama kale, “Pita, ṉota Jiu ala ṉa inio, melai ṉota pui Jiu amu jaria saevo ṉo eva. So sole noni kaqe inio ṉo zuruzuruema se pui Jiu amu tu Jiu mu jari ke kalo? Ako ṉo ṉavi melai pui Jiu amu ko saevo jaria saevo ṉobeta eva sole.

2 Koriniti 5:16

Sokale avo inio eṉeta pui mata ṉeba tova podetimou se maba poso komia peuru ma peuru ko podepodeti kale. Omadeuvo vo Karisito ṉe ivevo jaria podetivo komia peuru ma peuru ko podepodeti kale lulavo, melai erisaṉa ta pui soa kerukeruevo ṉe eva.

Iruruputo 15:1

Ni kake lotu maba poso seke kuevini Jiudia azo Anitioko ta ke taniekake nianiiekimo seke tuvevo putani ni eri kikelake, “Meta pui me qovou ko moveilo vo Mosese ko Bazu ko kasekako ta meta pui meba roveovou pakio,” kikelake.

Jiudi 1:3

Aṉako baerebaere poso mela, aṉata aqa matu zariovi tu rikito mekasi tu kai bazuto ko pakio animea kiada mela me ṉeamukako, melai aṉata a qea ta uri tu a rikito mekasi tutumazi avole tu a mela titio meko piza kai oqu koa tuveano besizio pide ama vo Baṉara lula o katimelema me voko mabamu mela.

Jemisi 3:2

Ako animea kiada mela ta me erekani mela ko sarueko poso sole. Melai voa maba vo pui o saruekani voko pesio kale, vo inio vo sidopu ala ni o roveani kati vailo voko pado ama saevo.

Qelesia 2:9

Nio Jemisi, ni Pita, ni Jone ta ke keake vo Baṉara ko roquano kale o katilema koidi. Ni se inio sea vilua pikopiko madu me meda ma matu paṉaovani ma kimelani! Nio seta uri ama ka kikeve aṉa ni Banabasi ko iruruputo, so sole eṉeta ṉe jaṉaekiniake tu ko tuvevo puilo ko so, ni seta eri kikelake, “Paula ni Banabasi, matu zakaremu inio ko ṉelai eva eṉe ta vo Baṉara ta o soroeqela qe tu qe ziovou pui Jiu amu kasi, ni eṉeta o soroeṉela tu ṉe ziovou Jiu mu kasi,” kikelake.

Qelesia 2:7

Sea vilua pikopiko madu ta pulia quli kepa kati paqulike aṉa aqai bazubazutako Bazu melai seta ke keake ta vo Baṉara ta o katile aṉa ka pado koidi, omadeuvo Pita o kativema jari ama. Ako vo Baṉara ta o kative koa iruruputo vo Pita tu omai bazueko ko Uri ama Bazu se Jiu amu, ni Baṉara ta o katile aṉa komia iruruputo tu aṉata a melai bazueko ko Uri ama Bazu me pui Jiu amu mela.

Qelesia 2:5

Melai eṉeta puliama rora ṉeba katime sea lipalipa kamu! Ako eṉeta ṉeqai zariake sole tu kati qaraqarato ko Uri ama Bazu ko tuveano tu me kaqe sole.

2 Koriniti 12:11

Aṉata kala sarube ala maba jaria rauraraurailo abe eva, melai me inio so me ilani mela ko aṉa. Ako me inio me male tu rauraelo aṉa sole, melai meta pui meba lai zolei ko aṉa. Ako aṉata pulia quli lala abe elou melai, aṉata maba pui zara kalala sea meko matuma “apositolo” madu ma kimelani kasi azo sole.

Matiu 16:23

Nio Jisu ta o vati lilitake vo Pita ni eri va kiolake, “Ose Setani! Aṉata so ṉa kiala ako ṉo dizaekou kiṉola sole aṉako keve. Ni koa kerukeru ta pui vo Baṉara kasi azo ko kuevako sole, melai maba kasi azo,” kiolake vo Jisu.

2 Koriniti 11:5

Ako aṉata aqai kuirika ta aṉata maba pui zara kalala inio sea meko matuma “apositolo” madu ma kimelani kasi azo!

Iruruputo 11:19

Ni kake seke tuvevo putani se azama buara ke eveni Sitiveni ke vouvaeve keru ko ereima matuma niumaniumato kale ta ke keve vaṉama peuru ni udu poso kale omadeuvo Ponisia, Saipirasi ni Anitioko, ni seta kekai bazutake ko Uri ama Bazu se Jiu amu kasi pala.

Jone 1:42

Nio vota o vati olake vo Saimone Jisu kasi. Ni Jisu ta o toiritoirivake vo ni eri kiolake, “Saimone, Jone vo meqora ṉa, erisaṉa ṉoko ṉi ta koṉai nokailou Sepasi,” kiolake. Koko kalo ta Pita ta “Lado” kio kio ko so.

Iruruputo 11:20

Melai kama volei seke tuvevo putani se Saipirasi ni Sairini azo amu ta ke keve Anitioko peuru kale ni seta ke bazubazutake se pui Jiu amu kasi melai, ni kemai uria bazuekake vo Jisu Karisito ko Uri ama Bazu.

Iruruputo 11:22

Nio komia bazu ta kota ka baroake koko bazu Jerusalema ma lotu qoqono kasi, so sole saizamu ta ke soroevake vo Banabasi Anitioko peuru kale.

Iruruputo 11:27

Ni koa taku kale inio kake poropita madu ta ke keve Jerusalema azo Anitioko.

Iruruputo 15:5

Melai kake Parese madu se lula ke tuvevo putani ta ke lojoake ni eri kikelake, “Se pui Jiu amu ta maba ke moveilo ni ke bazuilo tu ke zoriko vo Mosese ko Bazu kikolani,” kikelake.

Qelesia 1:18

Ni zouke sabere ko tova inio aṉata a olake Jerusalema tu aba toraevo vo Pita, ni aṉata a evake vokasi toni sike ṉaniu pala.