Qelesia 1:4 - BAṈARA KO VAIRU AMA LEVELEVEO

⁴ Vo Jisu inio o katimeleni anime voko saevo tu o akoeko animeko boutare ni o rupasimelo anime komia peuru ma peuru anime meqai evako ko ruqe ama pizato poso kale azo, ako so inio vo Baṉara ko vatolo kikovevo sole.

Qelesia 1:4 交叉引用

Matiu 20:28

Omadeuvo jari aṉa maba a eveni lala ta pui aba kuevi tu maba poso ta kela iruruputo, melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Romu 4:25

Ako Baṉara ta o soruevake vo tu okai vou animeko sarueko ni o saevivake vo tu animeta sidopu me elo vo Baṉara ko vilu kasa.

Qelesia 2:20

ni erisaṉa aṉata pui aqai saeva a ṉaviko saevo melai aqai saeva vo Karisito ko saevo vo o saevani aṉa tona. Ni aṉako erisaṉama saevo kale aṉata avai oqua vo Baṉara vo Meqora vo o roqueleni ni ola vovini aṉa.

1 Pita 2:24

Ako o ṉavi Karisito inio o mela borike animeko sarueko poso voko tolailo ni voukale korosi topi. Vota o ereke ko quli tu animeta me vaekou sarueko sama saevo ni me daniekou kai saevo ko sidopu. Ako voko tabi kale inio meta me urike sole tupu ni auvana kale.

Taitasi 2:14

Vota o katiziovi tu o vou anime kaqe, tu o mela tabariko animeko rupasio kiadama ruqe kale azo ni o saqaemelo anime tu o ṉaviko qoqono mela me elo ni dikidauputole me ereko ko uri.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

1 Timoti 2:6

vo pui opa katiziovini tu o vou kiadama maba kaqe tu vota oma tabariko seko rupasio seko ruqe kale azo. Koa voko vou ikio lula ko mamola pueke vo Baṉara ko tutututuki ama taku kale vo Baṉara ma zario kiadama maba poso tu ke pakio.

Epesasi 2:2

Ako koa taku kale meta me lulueke sole komia peuru ma peuru ko ruqe ama kalo, ni meta me zorive vo Setani, vo ziolo ko lekasa vo obeta evani komia peuru ma peuru kale. Ni voa omadeula Setani nio o iruruputani se pui ke zorivani vo Baṉara kasi.

1 Tesalonaika 3:13

So inio vota o pizatimelou me meko bulo ni saevo kale ni meta ruqe pidea mela me elou meko tabutabuo kale vo Baṉara animevo Mama ko tanama kale, so keru animevo Lekasa Jisu o vaitou keru kiadama voko maba poso sase.

Romu 12:2

Meta pui lulueko komia ruqe ama peuru ma peuru kale amu ko kalo, melai meta zarievomo vo Baṉara meko bulo kale tu vota vairu o imelou me meko saevo ni kerukeru kale. So inio meta me roveovou paqumuko vo Baṉara ko vatolo—koa uri ama ni zoleilo sama ni sidopu ama vokasi.

Pilipai 4:20

Nio animeta me ilusivo animevo Mama Baṉara latau ṉaniu ni ka ṉaniu. Emeni.

Epesasi 5:2

Ni saevomo roquano kale, ni roquemomo edolomu, omadeuvo vo Karisito ta o roquemele anime jari ni vota pui opa kaitiziovi tu o vou anime kaqe. So inio vota matu uria tui ala katizato ni siqasiqa o eveni Baṉara kasi.

Kelokelozato 1:5

ni vo Jisu Karisito kasi azo ama, vo kerula kala bazubazuto ko maba, ni kaka kala Meqora vo kuleto o saeveni voukale azo, vo peuru ma peuru kale ama aikovakova poso azo raura kala. Vota o roquemela anime, ni voko voukale vota lula o rupasimela anime animeko sarueko kale azo

Kelokelozato 5:9

Nio sai nio seta kevai keraovake kala pado vairu ala kera eri kiolani: “Ṉo inio ṉo male tu kovo koa polopolozi ama buka ni taka rupasiko koko vinavina tu redaniko. Ako ṉota lula ṉoda vouvai sole, nio ṉoko voukale ama siqasiqa elo kale ṉota lula ṉo databaraeme se maba poso Baṉara kaqe kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo.

1 Jone 3:16

Ni eri nio anime meqai nianiiani ko tuvevo ama roquano: vo Jisu ta pui opa kaitike o ṉaviko saevo voko mela voukale anime. So sole anime melai me qatimo animeko saevo animeko baerebaere poso.

1 Jone 2:2

Ako vo Jisu kale inio animeko sarueko ta ko akoiva. Ni pui animeko sarueko ko kiada melai kiadama maba poso ko sarueko melai ko rovea akoilo.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

Jemisi 4:4

Meta pui kerula kama maba poso mela! Meta pui me baqumuka ta komia peuru ma peuru ko kalo lulueko ta Baṉara ko kana elo ikio, kio? Ako vo oka zariani peuru ma peuru ko kalo lulueko ta Baṉara vo kana ota eva.

Hiburu 6:5

Seta lula kekai nianiiani seko saevo kale ko Baṉara ko pesio ta uri ama, ni seta lula ke lainika Baṉara ko lekasa puo ko pizato poso.

2 Tesalonaika 2:16

Ni eṉeta ṉe melati vararaita me, o ṉavi animevo Lekasa Jisu Karisito kasi, ni Baṉara animevo Mama kasi, vo o roquemeleni anime, ni voko pakiezato sama roquano kale o katimeleni anime noqola kama zuvarato ni piza kama bokero tu animeta meqai keru voko leveleveo.

Jone 12:31

Erisaṉa ta komia peuru ma peuru ko titizato ko taku ni erisaṉa komia peuru ma peuru ko lekasa Setani ta o ṉamuilou.

Matiu 26:28

komi ta ko mamola pueka aṉako dara, koko rereovo ama tu ko pakiemo kubo maba poso tu vo Baṉara ta ota ma akoekou seko sarueko, ni komia aṉako vou kio ko vinaeko ama vo Baṉara ko leveleveo maba poso kasi.

Hiburu 9:14

Melai vo Jisu ko dara ko pizato ta kokai paloasa soama biaṉa poso ko dara tu bulebule ko imo se maba poso. Ako vo Jisu ta maba sidopu ala siqasiqa o evake Baṉara kasi o ṉavi anime kaqe vo noqola kala Tabu ala Auvana ko pizato kale, so sole vota bulebule o ika animeko bulo poso tu animeta pui me lulueko ko utube ama iruruputo koko melati ziovo ama auvana kale ama voukale, tu animeta meva nabuluputo ni me luluevo vo saevola Baṉara.

Hiburu 2:5

Baṉara ta pui opa pitoeme se mateana madu tu seta lekasa ke elo vairu ama peuru ma peuru ko kuevako kale— koa peuru ma peuru aṉa a qasekako.

1 Tesalonaika 3:11

Aṉako matuma paseto ta o ṉavi Baṉara animevo Mama, ni animevo Lekasa Jisu Karisito ta qo ṉela korotikou eṉeko keve tu ṉe qilo mekasi.

Epesasi 6:12

Ako anime me qati pazokiniako ta pui tupu kale ama sole, melai anime me qati pazokiniako ta vo Setani ko ruqe ama lekasa puo kale ama ziolo aukale ko evako, komia kutumana kama peuru ma peuru kale ko lekasa puako ruqe ama pizato poso.

Epesasi 1:11

Ni vo Karisito kale inio animeta me bitoi tu vo Baṉara ko maba poso me elo. Vo Baṉara ta lula o vatoeke tu animeta voko maba poso me elo, ako so inio vo oka zariani sole. Ako o ṉavi Baṉara inio o korotikani kiadama quli o ṉaviko vatolo kale sole.

Qelesia 6:14

Melai aṉata pui aba kai raurailou soama quli, melai aṉata aqai raurailou animevo Lekasa Jisu Karisito ko vou korosi topi ko kiada. Ako vo Jisu ko voukale korosi topi inio komia peuru ma peuru ko utu ama kerukeru ko keve ta kota mela patoi jari anime ni animeta meda ka vovi jari komia peuru ma peuru ko kerukeru.

Romu 8:32

Tuvevo avole vo Baṉara ta pui, ako vota pui opa kaitive vovo pado Meqora, melai vota o puarive animea kiada mela kaqe! Vota lula o katimele anime vovo pado Meqora, so sole vota mata pui opa mela zariekou utuakoi katimelo anime kiadama uri ama quli, kio? Zio, vota pui opa kaitikou!

Romu 8:3

Ko ikio vo Mosese ko Bazu pui kopa roveovima ereko, ako tupu kale ama saevo ta lekuleku sole, melai vo Baṉara ta o roveovi ereko ko. Vo Baṉara ta o titizikake ko sarueko so keru vovo Meqora o vovi ni sarueko ko siqasiqa o eve keru. Sokale avo inio vo Baṉara ta o soroeve vovo Meqora, vo o kuevini ni anime jaria maba elo o eveni, melai vota puliama sarueko sala.

Romu 1:7

Aṉata a rikita mea kiada mela Romu peuru kale me evani mela kasi vo Baṉara o roquemelani kasi ni vo lula o nokaemelani tu o ṉaviko mela me elo. Vo Baṉara animevo Mama ni vo Lekasa Jisu Karisito ko pakiezato sama roquano ni bule ta ko elou me tona.

Jone 10:11

“Aṉata uri ala sipi ko vailo ko maba lala. Vo uri ala vailo ko maba ta oka vouvou ko sipi poso.

Jone 6:38

ako aṉata a jaqore aukale azo tu a ereko vo aṉa o soroeleni ko vatolo.

Jone 5:30

“Aṉata pui a rovea ereko kama quli a ṉaviko pizato kale. Aṉata a ditizata vo Baṉara lati kiovevo kale, Sokale aṉako titizato ta sidopu ama, ako aṉata pui a lulueka a ṉaviko vatolo sole, melai kota vo o soroeleni aṉa ko vatolo ikio.

Luke 22:42

Ni eri kiolake, “Mama, ṉo zariekou ta, ṉota vatutika komia upotuqu ko kapa aṉa kasi azo. Melai pui aṉako vatolo, kota ṉoko vatolo kale inio ko ereilou.”

Maka 10:45

Omadeuvo jari aṉa maba a eveni lala ta pui aba kuevi tu maba poso ta kela iruruputo melai aṉata a quevi tu aṉa inio nabulu ama elo maba poso, ni aṉata ama vouvou tu a bakiemou se,” kiolake vo Jisu.

Matiu 26:42

Nio omuqama taku Jisu ta mata o vaitake vararaitole ni eri kiolake, “A Mama ṉa, ṉota pui ṉoda la vatutikou kiṉovou komia upotuqu aṉa kasi azo melai uri. Tu vaeka tu ṉoko vatolo ta ko ereilo,” kiolake.

Matiu 6:9

So sole meme vararaitou keru meta eri jari nio kimevou, ‘Eṉevo aukale ala Mama ṉa, ṉoko tabu ama ṉi ta ko raurailou,

Kelokelozato 7:9

Koko tova inio a lilitakea lala ta matu ti matuma vaki a qeake; puliala opa roveovo amu ataemo sea kiadama maba poso! Seke kuevini kiadama toutou poso kale azo, se aza pesiomu, kiadama qoqono kale amu ni se azaaza tupu amu kasi azo, seta ke lojoake koa papupapu ni voa Sipi Meqora ko kuleto, ni seta rosia sabosabo tapo ama samu ni ke kamakake ko dauko poso tu ke puratiko seko zoleilo.

Romu 8:27

Ni vo Baṉara vo o keani kiadama animeko bulo kale ama quli, ta o paqumuka vo Tabu ala Auvana ko kerukeru, ako vo Tabu ala Auvana inio o melati zomanani vararaito anime o ṉavi Baṉara ko vaki mela sole, ni vota o vararaita o ṉavi Baṉara ko vatolo kikolani jari.

Luke 22:19

Ni vota o koake ko bereti, ni o kasekake voko uriavo sama pesio Baṉara kasi, ni o palamukake ko, ni o katimake se, ni eri kiolake, “Komi ta ko mamola pueka aṉako tupu, ako aṉata a mela vouvou me sole. Meta me erekou komi aṉako kerukeruelo kaqe.”

Matiu 13:22

Ni koa sisu koko piako rikosasana ko qotupakoi ta ko mamola puema seke viqani koa bazubazu melai seko riteraite kai elo komia miduku kale ama saevo ni seko roqueko ko batiro ta ko pirieka ko bazu, omadeuvo rikosasana ko pirieka ko sisu jari, so sole koa bazubazu ta pui ko rovea qotupo ni pui ko epamata.

1 Koriniti 15:3

Aṉata a melai pakeke me ko quli ko lula aṉa a qoako a ṉavi koa matu qulepo ama bazu, eri kikolako: Vo Karisito ta o mela vovi animeko sarueko poso kale avo, Tabu ama Riki kikolani jari;

Epesasi 5:16

Ni meta kai uria iruruputomo kiadama taku ko meme teamukako uri ama iruruputo kale, ako komia taku ta tapata kama, ako maba poso ta ruqe amu sole.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.