Pilipai 1:27 - BAṈARA KO VAIRU AMA LEVELEVEO

²⁷ Ni koko qulepako quli ta meko saevo ta vo Karisito ko Uri ama Bazu ko kati korotako jari ikomo. So inio abe soipimelou ma pui abe soipimelou melai aṉata ada mela viqou meko pataito lojolo omadeu vatolo kale ni meko omadeu iruruputo kale meta omadeu pizatiko me elou koa oqu seke tuvevo puekani ko Uri ama Bazu ko.

Pilipai 1:27 交叉引用

Epesasi 4:1

Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.

1 Koriniti 1:10

Vo Jisu Karisito animevo Lekasa ko ṉikale, aṉata a mela titia mea kiada mela, a qaka ni visi poso mela, tu vaekomo meko zarazaraekinio ni omadeu pado ikomo meko kerukeru tu meta pui me bitasiovou. Meta uria omadeu emo, omadeu pado kerukeru ni omadeu pado vatolo kale.

2 Pita 3:14

So sole lolo poso, me darekou keru koa ṉaniu ta matu madoekomo tu bulebule ni sarueko pide emo vo Baṉara ko vilu kasa ni vati odouvikiniomo vo Baṉara.

Kolosi 1:10

Eqeta qeka vararaita komi tu meta se Baṉara ko maba madu jaria elo me elou, ni meta me zolevou vo Baṉara kiada keru, ni meta me uria erekou kiadama uri ama quli, ni meta me rapukou meko patapataevo kale vo Baṉara,

Jiudi 1:3

Aṉako baerebaere poso mela, aṉata aqa matu zariovi tu rikito mekasi tu kai bazuto ko pakio animea kiada mela me ṉeamukako, melai aṉata a qea ta uri tu a rikito mekasi tutumazi avole tu a mela titio meko piza kai oqu koa tuveano besizio pide ama vo Baṉara lula o katimelema me voko mabamu mela.

1 Tesalonaika 4:1

Eṉeko kaka ni visi poso mela, eṉeta ṉe melati nianiiekikake koa kalo ko me mevai zoleko ama vo Baṉara. Ni eṉeta ṉeqai nianiia ta tuvevo, meta lula soa saevo meda eva. So sole eṉeta ṉe melai titia me vo Lekasa Jisu ko ṉikale tu meta beta olamo tu pizaka erekomo ko.

Pilipai 2:12

A baerebaere poso, meta kiada keru zoripato ko maba poso mela, ni meta me zorive vo Baṉara so keru aṉa me sate a eve keru. Ni matuma quli erisaṉa ta so jaria zoripato ta meta mebeta elou aṉa puliala abe elou mekasi melai. So sole meta beta olamo tava panao vo Baṉara ni beta olamo taka ṉalo ko sarueko, tu erekomo koko malezikako me Baṉara lula o pakiemelani mela.

Pilipai 3:18

Ako matu kubo taku inio aṉata a melai bazueka eri ama quli, ni vairutu aṉata a melai bazueka mata aṉako deumu sate: ako matu kubo maba madu ta lula kana ke ika sole vo Karisito ko korosi ko bazu.

2 Koriniti 13:11

Sole koi kazo aṉata a baikou, a qaka ni visi poso mela. Meta matu madoekomo tu sidopu emo; meta tala zorikomo aṉako mela titio me; ni meta omadeu vatolo emo kiada mela ni emo bule kale. Ni vo roquano ni bule ko Baṉara ta o elou me tona.

Iruruputo 4:32

Nio sea kiadamu seke tuvevo puteni ta omadeu vatolo ni kerukeru ke evake seko bulo poso kale. Ni puliala se azo ta oka zariake kai kiadailo voko lomaloma melai seta kekai tauvekiniake kiadama seko quli.

2 Pita 3:11

So inio kiadama quli ta kota ruvurou, so sole meta noni ama maba poso mela inio me elou? Meta me jaevou tabutabuo ko saevo kale ni meva iruruputou vo Baṉara.

1 Koriniti 15:58

So sole a roquemelani kaka ni visi poso mela meta pizatomo, ni pataitomo. Meta riteraite emo meko va iruruputo kale animevo Lekasa, ako meta meqai nianiia ko meko va nabuluputo vo ta kiada keru ta epa sama ikio.

Romu 1:16

Aṉata aqai uria kerua ko Uri ama Bazu kota vo Baṉara ko pizato tu ko pakiemo sea kiadamu seke tuvevo puekani, kuleto se Jiu amu, ni so jari se pui Jiu amu.

Jemisi 3:18

Ni seke mati bulekikiniani edolomu ta ke tauvema se tu sidopu ke elo. Kota omadeuvo kala maba jari vo o papakani ko uri ama rui ni ota ka kajorikani koko uri ama epa.

Pilimone 1:5

Ako ada ṉa viqa ṉoko roquemo kiadama Baṉara ko maba madu ni ṉoko vai oqu vo Lekasa Jisu sole.

Taitasi 2:10

ni pui keta ma kuilikou seko quli. Melai seta kiada keru ta kasa ke ikou seko uri ni kerula elo, tu seta olaupo saṉa ke ikou animevo Pakio Baṉara ko nianiiekato seke erekako quli kale.

2 Timoti 4:7

Aṉata abe paika pazokinio komia uri ama pazokinio kale, ko anime meqai pazokiniako. Aṉata aqai baroa lotu saevo ko voziekinio ko paitopaito kale. Aṉata pui aba vaeke ko oqu.

1 Timoti 1:19

ni ṉota ṉo bataitou ṉoko oqu kale nio ṉoko kerukeru ta pui kopa ṉai kuiriziovou ko ruqe. Ako kama maba poso ta pui keka zariani nio viqo seko bulo kale ama kerukeru ko komai kasekako quli, nio seta ruqe ke ika seko oqu.

1 Timoti 1:11

Koa nianiiekato ta ikoana ko Uri ama Bazu kale Baṉara o katilema aṉa tu aqai bazubazuto, koa Uri ama Bazu vo ṉaṉaidara ni mauruto sala Baṉara ko.

Iruruputo 2:46

Ni seta ke padoivake kiadama ṉaniu poso Jelepade ko poro kale omadeu vatolo kale, ni seta omadeu vuato ke evake seko zoleilo ni inobe sate,

Matiu 12:25

Ni Jisu ta ota mai nianiiake seko kerukeru so sole vota eri ma kiolake se, “Kama pado toutou kale ama maba poso ta omuqa pitasa ke elou ni ke pazopazokiniou ke ṉavio kude, ta seta keta ruvurou. Ni matu peuru poso ni se saidi poso ta ke pitapitasiovou poqala poso kale ni ke pazopazokiniou ke ṉavio kude ta ke niumaekou seko elo.

1 Tesalonaika 3:6

Erisaṉa ta lula o ṉelai vaita eṉe vo Timoti mekasi azo, ni o kati kueva eṉe kasi ko zoleilo sama bazu meko oqu ni roquano ko kio sama. Vota o ṉelai bazueka eṉe ko meta me matu roqueṉela eṉe meko kerukeru kale kiada keru kio ni meta me ṉela matu zaria tu ṉela lelo eṉe, omadeuvo eṉe ṉe mela zariani mela lelo me jari.

Kolosi 1:4

Ako eqeta lula qe viqa meko vai oqu vo Jisu Karisito ni meko roquemo kiadama vo Baṉara ko maba madu.

Pilipai 2:24

Ni aṉata tuvevo a ika ta animevo Lekasa ta o tauvelou aṉa tu aṉata a qilou matu sipole mekasi.

Epesasi 1:15

Sokale avo inio aṉata a qerukeruemela me kiada keru aṉako vararaito kale, ni aṉata a qaseka aṉako uriavo vo Baṉara kasi mekale avo. Ni kiada keru aṉata soa vararaito a eve so keru a viqe keru azo meko vai oqu vo Lekasa Jisu ni meko roquemo kiadama vo Baṉara ko maba madu.

Epesasi 1:13

Ni so jari meta vo Baṉara ko meqora poso mela me eveni mela so keru me viqe keru ko tuvevo ama nianiiekato, koa meko pakiezato sama bazu. Ni me tuvevo me ive keru vo Karisito inio vo Baṉara ta o mamola puemele me tu o ṉavi kaqe voko katimelo kale voa Tabu ala Auvana vo leveleveo o iveni.

Qelesia 1:7

Melai tuvevo avole puliama ikio edoloma Uri ama Bazu. Melai kake maba poso ta niuniala ke imela me ni kekai zaria besieko vo Karisito ko Uri ama Bazu.

2 Koriniti 9:13

Ako komia iruruputo ko meme erekako ta koma puratika meko roquano ko tuveano, so inio sea kubo madu ta ke ṉaṉaidara puevou vo Baṉara meko uria lulueko kale vo Karisito ko Uri ama Bazu meko iruruputo kale ni pui meko pesio kale pala. Ni seta keva ilusikou vo meko puaropuaro elo sekasi ni so jari edolomu kasi.

2 Koriniti 4:4

Seta pui ke tuvevo puta, ako seko kerukeru ta lula kutumana ota ma ika komia peuru ma peuru vo ruqe ala baṉara Setani sole. Vota ota ma tizaeka seko kelo koa zakaremu koko taloako se tona, koa zakaremu koko kuevako Jisu ko Uri ama Bazu kale azo, vo Karisito ṉaṉaidara sama, vo maba bea Baṉara.

Romu 15:29

Aṉata aqai nianiia, ta so keru aṉa a qilou keru mekasi, aṉata a qati kilou vo Karisito ko matuma mauruto.

Romu 15:16

vo Jisu Karisito nabuluputo kale se pui Jiu amu ma koidipo kale. Aṉata a nabuluputa kala pado siama jari kai bazubazuto kale vo Baṉara kasi azo ko kuevako Uri ama Bazu, tu se pui Jiu amu ta koroto ama siqasiqa jari ke elou Baṉara kasi tu seta tabu ke elou vokasi vo Tabu ala Auvana kale.

Romu 10:8

Koa Riki kikolani ta eri nio; “Vo Baṉara ko bazu ta ṉoko sipole, kota ṉoko suto kale ni ṉoko bulo kale ama tuvevo puto kale” —kota ko kaseka koa oqu ko bazu ko eṉe ṉeqai bazubazutako.

Romu 1:9

Aṉata ava nabuluputa vo Baṉara aṉako pado ama bulo sate kai bazubazuto kale vo Baṉara vo Meqora ko Uri ama Bazu. Ni vo Baṉara ta o rovea zomano aṉa a qasekako quli kale. Vota okai nianiia aṉako kerukeruemelo me

Romu 1:5

Vo Jisu kale kude inio aṉata a qoe ko uri ama apositolo ko iruruputo tu rauraevo vo Karisito, tu ke odizio se maba poso kiadama toutou peuru ma peuru kale amu tu ke tuvevo puevo ni ke zorivo vo.

Iruruputo 24:24

Ni kama ṉaniu poso ko tova inio Filekisi ta o kuevake voko reko Darusila sate, ni kota kama Jiu ama reko. Ni vota o nokaevake vo Paula tu vota ota va viqo voko kai bazubazuto vai oqu vo Jisu Karisito

Pilipai 1:5

Aṉata a qaseka aṉako uriavo vo Baṉara kasi meko tauvelo kale avo, so keru aṉa aqai bazubazute keru ko Uri ama Bazu koko tanitanila keru azo, ti kobeta baroa vairutu.

Pilipai 3:20

Melai animeko ṉisa peuru ta aukale. Ni animeta mebe tareva animevo Pakio, animevo Lekasa Jisu Karisito vo o kilo ala aukale azo.

Pilipai 4:1

A visi poso, aṉata a roquemela me ni a melai zaria mela lelo me, ako me inio me matu zolela aṉa ni aṉata a melai rauraiva me sole. So sole meta beta olamo luluevo vo Lekasa Jisu ko aṉa a melai bazuekevo jari.