Matiu 6:33 - BAṈARA KO VAIRU AMA LEVELEVEO

³³ So sole meta atanaziekomo koa saevo vo Baṉara ko lekasa puo kale ama ni me erekou vo oka zariako quli, nio vota mata o katimelou kiadama quli meko saevo ko korotiko ama.

Matiu 6:33 交叉引用

Luke 12:31

So sole meta me atanaziekou koa saevo vo Baṉara ko lekasa puo kale ama ni me erekou vo oka zariako quli, nio vota o katimelou me kiadama quli meko saevo ko korotiko ama.”

Matiu 5:6

“Keta zoleiva tisoiko se kekai matu zariani ereko vo Baṉara okai zariako quli, ako vo Baṉara ta o tauvemou se matuvole sole.

Jone 6:27

Meta pui ka iruruputo koko sapeovo ama sailao melai ka iruruputomo koa sailao koko melati barolo ama noqola kama saevo kale. Koa sailao ikio aṉa maba a eveni lala a qatimelo ama me, ako aṉa inio vo Baṉara voa Mama aṉa lula ola zoleini lala,” kiolake.

Romu 14:17

Ako vo Baṉara ko lekasa puo kale elo ta pui sailao ko kuo ko kio kale ama ni ju ko nozueko kale, melai kota sidopu, ni bule kale, ni zoleilo kale vo Tabu ala Auvana o puarikake kale inio sole.

Matiu 19:29

Ni kala ta o vaekou voko pade ni voko tamania poso ni voko mama ni niania ni voko meqora poso ni voko miduku tu o luluelo aṉa, ta vo Baṉara ta ova besiekou vo omadeu paizana vole ni mata o kativou ko noqola kama saevo.

Romu 8:31

Koa kiadama quli ko zakaremu puto kale ta noi nio kimevou? Vo Baṉara ta o melati vailou, ta lala inio ruqe o imelou ko anime? Puliala!

1 Timoti 4:8

Tupu kale ama madolo kale pizatiko ko tupu ta silo pala tauvezato sama, melai tava paṉao vo Baṉara ta kobe kai paloasa kiadama keve kale, ako kota ko tauveka vairutu ama ni ko kilo ama saevo sole.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

Romu 1:17

Ako ko Uri ama Bazu ta kasa ko ika vo Baṉara ko sidopu imo se maba poso o ṉaviko vilu kasa: kota oqu ko kiada kale inio. Omadeuvo ko Tabu ama Riki kikovevo jari, “Voa maba voko oqu kale sidopu va kiolani vo Baṉara, vo o kiada inio o saevou.”

Pilipai 3:9

tu aṉata vovo lala. Nio erisaṉa vo Baṉara ta sidopu o ila aṉa, pui aṉako lulueko kale Mosese ko Bazu, melai aṉako vai oqu kale vo Karisito.

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

Matiu 4:17

So sole koa taku kale inio Jisu ta o taniekake kai bazuto voko bazubazu, ni eri kiolake, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

Matiu 3:2

Nio vota eri kiolake se maba poso kasi, “Meta liliziomo meko ruqe kale azo, ako vo Baṉara ko lekasa puo ta matu sipole sole,” kiolake.

2 Tesalonaika 1:5

Kiadama komi quli tamela kelo kale ta kasa ko ika vo Baṉara ko titizato ta sidopu ama, ni koko reketekete ta meta koko malea mela amaqeo voko aukale ama lekasa puo kale, ako erisaṉa meta tapata meqai toraeka sole meko elo voko lekasa puo kale.

Romu 10:3

Seta pui ke vakakukake koa keve vo Baṉara omai sidopu puekako se maba madu o ṉaviko kelokelozato kale, melai seta kekai zariake sidopu elo ke ṉaviko kalo ko lulueko kale, ni seta keta lupaovake sidopu elo vo Baṉara o pitoekako keve kale.

Iruruputo 28:31

Ni vota okai bazubazutake vo Baṉara ko lekasa puo ni vota omai nianiiekivake vo Lekasa Jisu Karisito Vota parani putole ovai bazutake vo, ni puliala ta o tauroevake vo.

2 Pita 1:11

Kokale inio meta me qovou matuma baroekato vo Lekasa animevo Pakio Jisu Karisito ko lekasa puo kale. Ni koa lekasa puo ta paito pide ama ko elo ama.

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.

Luke 1:6

Nioqata sidopua elo qo evake Baṉara ko vilu kasa, ni qo matu uria zorikake vo Baṉara ko bazu poso ni lojolojo poso.

1 Koriniti 3:22

Paula melai, Apolosi melai, Pita melai; ni kiadama quli ta mata meko ikio sole; komia peuru ma peuru, ni noqola kama saevo ni voukale azo ama pakio, komia erisaṉama taku ni ko kilo ama taku.

Iruruputo 20:25

“Aṉata lula a lipilipite mea kiada mela kasi kai bazubazutole vo Baṉara ko lekasa puo. Ni aṉata aqai nianiia ta puliala me azo ta mata opa tova lelou aṉa.

Matiu 19:28

Nio vo Jisu ta eri kiolake sekasi, “Aṉata a bazuemela me, tovama ṉaniu kale aṉa maba a eveni lala a bapuvou keru aṉako ṉaṉaidara kama lekasa puo ko papupapu topi nio me aṉako toni omuqa lulupato ko maba poso mela melai me bapuvou aṉa sate me ṉaviko papupapu topi, ni mema lekasa puovou koa toni omuqa toutou Izireli.