Matiu 28:20 - BAṈARA KO VAIRU AMA LEVELEVEO

²⁰ ni nianiie-kimomo se tu ke zoriko kiadama quli aṉa a melai bazuekema. Ni aṉata a elou me sase kiada keru, ti kobeta barolou komia peuru ma peuru ko paitopaito ko taku,” kiolake vo Jisu.

Matiu 28:20 交叉引用

Matiu 1:23

“Kama pado vairu ama sinaqu rusu ta epia kota elou, melai kota pado ama, puliala sipole o ikako, ni kota ko alilivou kala meqora, ni vota kovai nokailou voko ṉi ta Imanuela.” Koa ṉi ko kio ni kalo ta “Baṉara ta omadeu o melati eva anime.”

Matiu 18:20

Ako sai kama zouke maba poso pala ke padoiloa koi aṉako ṉikale, melai aṉata a zomanou sekasi,” kiolake.

Maka 16:20

Ni koko tova inio se disaipeli madu ta ke olake kiadama zae poso kale ni kekai bazubazutake ko Uri ama Bazu sai. Ni vo Lekasa Jisu ta o tauvemake se, ni ko quli se kekai bazubazutake quli ta oma mamola puekake koko tuveano. Ako koa omadeuma taku kale inio seta ke erekake sole ko aqasiele ama iruruputo voko pizato kale.

Kolosi 1:28

So sole eqeta qevai bazubazuta vo Karisito kiadama maba madu kasi, ni eqeta qe balauvima kiadama maba madu ruqe ama keve poso kale azo, mai nianiiekiko kale kiadama raura kama nianiio. Eqeta qe ereka ko, ako eqeko zario ta kiadama maba se omadeu ke evani Jisu Karisito sase ta uria muqaro ke elou, so keru eqe kasa qe imou keru se Baṉara ko vilu kasa.

1 Koriniti 14:37

Kala ta o kerukerutou ta vota Baṉara ko bazu o koani nio ma Tabu ala Auvana sala kiovo ala, ta o paqumuko koa kiadama aṉako riki ta vo Lekasa Jisu ko bazu ikio ko kio.

2 Timoti 4:17

Melai vo Lekasa Jisu ta o evake aṉa sate ni vota o pizatilake aṉa, so inio aṉata a roveake kai bazuto pado ama Uri ama Bazu sea kiadamu se pui Jiu ama tanatanamu kasi tu seta ke viqo, ni aṉata a bakiake vou ko taka topi azo.

Iruruputo 2:42

Ni seta ke vinaitake se apositolo madu ko nianiiekato tama viqo kale kiada keru, ni kekai zomanake seko baerebaereo ko saevo, ni seta omadeu vuato ni vararaito ke evake.

Matiu 6:13

Ni pui vaeṉelo eṉe zolizolito kale, melai pakieṉela eṉe Setani ko ruqe ama pizato kale azo. Emeni.’

1 Koriniti 11:2

Aṉata a mela zoleiva me ako meta me qerukeruela aṉa kiada keru ni meta me lulueka koa nianiiekato ko aṉa lula a melai bazuekema me.

Matiu 13:49

Ni so jari pado inio ko kalo avo komia peuru ma peuru ko paitopaito keru. Vo Baṉara ko mateana madu ta ke kilou ni ke pitasimou se ruqe amu sidopu amu kasi azo.

Kelokelozato 22:14

Maurumauru amu ko seke pusaekani seko rosia sabosabo poso ni vairu ke ikani! Ako se inio ko seke maleziko amu tu kuo koa noqola saevo ko katimako ore ko epa, ni seta ke amaqeovou koa matu peuru ko veutu poso kale.

2 Pita 3:2

Ni aṉata a mela zaria me tu meta me qerukeruekou koa rukuruku poso se tabu ama poropita madu kekai bazutema lulavo ni koa bazu animevo Pakio Lekasa Jisu o vaekema, ni eṉe apositolo madu ṉela ṉe qatimelema.

Iruruputo 20:27

Ako aṉata pui aba lupaovi kaseko vo Baṉara ko pado ama vatolo mekasi sole.

Kelokelozato 1:18

Aṉata noqola saevo a evani lala! Aṉata lula ada vovini lala inio melai erisaṉa ta a jaeva tu noqola saevo a elou latau ṉaniu ni ka ṉaniu. Aṉata pizato salala tu aṉata mata a jaevimou se voumu, ni aṉata pizato salala tu aṉata a jaqorimou se voumu seke piriziakoi kale azo.

1 Koriniti 11:23

Ako vo Lekasa kasi azo inio aṉata a qoe koa nianiiekato ko lula aṉa a melai nianiiekikako me, ko eri kio sama. Koa ipu kale vo o saiqoriovi keru inio vo Lekasa Jisu ta o koake ko bereti,

Matiu 24:3

Ni vo Jisu ta ota papuake Olive Ore sama Sopu kale, ni voko disaipeli madu ta keva olake vo moizavole ni eri kikelake, “Ṉelai bazueka noi keru inio koa Jelepade ta ko biresuovou, ni noni ama mamola ikio ko ereilou, nio ko mamola puekou ṉoko tova vaito, ni komia peuru ma peuru ko ruvuro,” kikelake.