Matiu 28:17 - BAṈARA KO VAIRU AMA LEVELEVEO

¹⁷ Ni so keru ke vea keru vo, seta ke ilusivake vo, melai kake ta niuniala kebe va evake.

Matiu 28:17 交叉引用

Jone 5:23

so sole kiadamu ta ke rauraelou aṉa vovo Meqora lala omadeuvo vo Mama ke rauraeva jari. Vo pui o rauraelani aṉa vovo Meqora lala ta pui o rauraevani aṉavo Mama, vo o soroeleni aṉa.

Matiu 28:9

Ni ota podoloa koi nio Jisu ta o toraekake nioqa keve tona ni eri kiolake, “Bule ta qe tona.” Ni nioqata qova vatutake ni qota va noqoekake voko kiti, ni qo ilusivake.

Matiu 16:28

Ni aṉata a bazuemela me, kake mela me koi mebeta evani mela ta puliako me vou inio meta me lelou aṉa maba a eveni lala ta a qilou ni a lekasa puilou komia peuru ma peuru kale,” kiolake vo Jisu.

1 Koriniti 15:6

ni vota mata o puratake sike paizana va maba madu kasi seke luluevani vo; kake ta lula keta vouva, melai kubo madu se azo ta kebeta saeva;

Maka 16:11

Ni so keru seke viqa keru koa rekoreko ko eri kio, kota ko veala vo Jisu ota tova saevala, seta maba pui tuvevo ke ikake ko.

Maka 16:13

Ni so keru qo vaita keru, nio nioqata qo bazuemake se disaipeli madu nioqa kale amu, melai seta mata pui tuvevo ke ikake nioqa.

Maka 16:14

Ni koko tovatova nio Jisu ta omai puratake voko toni omadeu disaipeli madu kebeta vuatakoi. Ni vota o riqaemake se, ako seko bulo ta zokele ni seta pui tuvevo ke imake sole seke veveni voko mata saevo.

Iruruputo 1:3

Ni ariku toni ṉaniu ko poro kale voko vou ko tova inio vota omai purapurataitake kubo taku matu zakaremu ama kalo kale, tu seta pui niuniala kekai elo ta vota lula mata ota saevala kio, ni seta ke veake vo, ni vota omai bazuekake se vo Baṉara ko lekasa puo.