Matiu 25:44 - BAṈARA KO VAIRU AMA LEVELEVEO

⁴⁴ Ni seta eri kikevou aṉa kasi, ‘Lekasa, noi keru inio eṉeta ṉe ṉeve ṉoko luapo, ni kabare elo, ni lipilipito ni solemauru elo ni verepo ni pirito pade kale elo, ni pui ṉeba tauveṉe?’ kikevou.

Matiu 25:44 交叉引用

Luke 10:29

Melai voa Mosese ko Bazu okai nianiiekatani maba ta oka zariake kasa iko voko sidopu kiolake, so sole vota mata o kuimaevake vo Jisu ni eri kiolake, “Melai lave inio sea edolomu se aṉa a roquemo amu?” kiolake.

Matiu 7:22

Ni titizato ko ṉaniu ko barolou keru inio kubo madu se kekai lipalipaitani ko sidopu ta eri kikevou aṉa kasi, ‘Ṉota eṉevo Lekasa ṉa! Ṉoko ṉikale eṉeta ṉe bazubazute, ni ṉoko ṉikale eṉeta ṉe rerike ko ziolo poso ni ṉe erekake kubo aqasiele ama iruruputo!’ kikevou.

Matiu 5:6

“Keta zoleiva tisoiko se kekai matu zariani ereko vo Baṉara okai zariako quli, ako vo Baṉara ta o tauvemou se matuvole sole.

Matiu 10:41

Ni vo o baroekivo ala vo Baṉara vo bazubazuto ko maba, voa bazubazuto ko maba ko vai nabulupute vo Baṉara ko kio kale avo, ta o zomanou kovo voa Baṉara vo nabulu ko reketekete. Ni vo o baroekivo ala kala sidopu ala maba, voa maba ko sidopu elo ko kio kale avo, ta o zomanou kovo voa sidopu ala maba ko reketekete.

Matiu 25:43

Ni aṉa a lipilipite keru ta pui meba baroekile sole pade kasi ni solemauru a eve keru ta pui meba titivi puele ni a verepe keru ni pirito pade kale a eve keru ta pui meba soipile sole,’ kiavou.

Matiu 25:45

Nio aṉa voa Lekasa lala ta a mati tiorikou ni eri kiavou sekasi, ‘So keru me meda va lupaovi keru tauvevo kala olaquala maba, meta meda la lupaovi inio tauvelo aṉa,’ kiavou.