Matiu 25:32 - BAṈARA KO VAIRU AMA LEVELEVEO

³² Ni kiadama maba madu komia peuru ma peuru kale amu ta ke padoilou aṉa kasi, ni aṉata a bitasimou se omuqa poqala kale, omadeuvo vo vijaro ko maba ta o pitasika ko sipi qouti kasi azo jari.

Matiu 25:32 交叉引用

Matiu 13:49

Ni so jari pado inio ko kalo avo komia peuru ma peuru ko paitopaito keru. Vo Baṉara ko mateana madu ta ke kilou ni ke pitasimou se ruqe amu sidopu amu kasi azo.

2 Koriniti 5:10

Ako animea kiada mela ta kasa me elou vo Karisito ko tanama kale, vo o titizatou keru, tu kalakala me ṉavi ta meda ka kovou animeko miduku kale ama iruruputo ko tabara. Animeta meda ka kovou ko uri ama iruruputo ko malezikako reketekete ni meda ka kovou ko ruqe ama iruruputo ko malezikako vaitotola.

Matiu 3:12

Ako vo inio o titizimou kiadama maba poso, omadeuvo vo iruruputo ko maba jari, vo o pitasikani ko vuiti ko uri ama epa ni o padoekani ko voko modo sapera topi, melai koko turu ta ota ka siqaekani lalamato pidea bainoma uza kale,” kiolake.

Jone 10:14

Aṉata uri ala sipi ko vailo ko maba lala. A Mama olai nianiiani jari inio aṉata avai nianiia a Mama. Ni so jari inio aṉata amai nianiia aṉako sipi poso ni se melai kelai nianiia aṉa. So inio aṉata ama vouvou se.

1 Koriniti 4:5

So sole meta pui me ditizatou puliako koko tutututuki ama taku baro. Ko tuvevo ama titizato ta ko ereilou so keru animevo Lekasa o kilou keru. Vo inio zakaremu o iko ala se maba poso ko mutamuta kale ama kerukeru ni vatolo. Ni animea kiada mela ta meqai okotou kovo animeko male ama ilusato Baṉara kasi azo.

Romu 2:16

So inio ko kalo avo vo Baṉara ko matuma ṉaniu kale so keru vo o titizikou keru kiadama mutamuta kama kerukeru poso. Ni ko ikio koa Uri ama Bazu aṉa aqai bazutako, Jisu Karisito azo a qoema.

Romu 2:12

Se pui Jiu amu ta puliama vo Mosese ko Bazu samu, sole seke sarueka keru seta ke koqotaiva, melai pui koa Bazu kale. Melai se Jiu amu ta ikoana koa Bazu samu, so sole seke sarueka keru koa Bazu ikio kuiripato saṉa ko ima.

Jone 10:27

Aṉako sipi poso ta keta la nianiieka aṉako kora, ni aṉata amai nianiia se, ni seta ke luluela aṉa.

Matiu 28:19

Tu meta olamo kiadama maba poso kasi kiadama peuru ma peuru kale, tu aṉako disaipeli imomo se, ni bapitaiso imomo se vo Mama, ni vo Meqora, ni vo Tabu ala Auvana ko ṉikale,