Matiu 25:14 - BAṈARA KO VAIRU AMA LEVELEVEO

¹⁴ Ni Jisu ta mata eri kiolake sekasi, “Eri nio ko kalo avo so keru aṉa maba a eveni lala a vaitou keru lekasa elole komia miduku kale. Inevoana kala lekasa vo o inainaovani tu ota zio vaṉama peuru kale, ni vota o nokaemake voko nabulu poso ni o katimake voko takula ni lomaloma tu kekai iruruputo.

Matiu 25:14 交叉引用

Maka 13:34

Ni koa vaito ta omadeuvo vo o lipilipitani maba jari, vo omai vaekeni voko nabulu poso seke ereko ama iruruputo ni o bazuevake veutu o kati vailani tu o vailou.

Epesasi 4:11

Ni vo inio o katimeni maba poso seko puaro. Kake ta apositolo, kake ta poropita, ni kake ta ke taliekani ko Uri ama Bazu, ni kake ta lotu qoqono ko odikato ni nianiiekato ko maba poso.

1 Koriniti 12:4

Tabu ala Auvana ta o puarika azaazama iruruputo ko pizato, ni voa omadeu pado Auvana inio o puarikani koa pizato.

Matiu 21:33

Ni Jisu ta mata eri kiolake sekasi, “Meta didianomo tu aṉata mata a melai bazueko kama pado podepodeti. Inevoana kala kiaruzo ko maba vo o papakani ko vaini voko kiaro kale, ni vota o qaramukake koa kiaro ko levoano, ni vota o erekake ka pado zae vo o zuzuekoa koi ko vaini ko epa ko ju, ni o lojoevake kala okate ala pade o lovelove kaqe. Koko tova inio voa maba ta oka zariake zio vaṉama peuru kale nio vota oma zariekake koa kiaro kake maba poso, ni vota ota olake vaṉama peuru kale. Melai vota o kovou ka kena koa kiaro kale ama epa seko korotato ke erekema kale

1 Koriniti 3:5

Lala inio vo Apolosi? Ni lala inio vo Paula? Eqeta vo Baṉara ko nabulu qela pala inio qe odiemeleni qela me nio meta oqu saṉa me eve. Eqeta vo Baṉara o katiqeleni qela koa koidi tu eqeta qe ereko ko.

Luke 20:9

Ni vo Jisu ta omai bazuekake se maba poso komia podepodeti. “Omadeu taku inio kala lekasa ta obeta evake vo o papakeni kama pado vaini kiaro, ni vota oma zariekake koa kiaro kake maba poso, saita inio vota ota olake vaṉama peuru kale tu keule. Melai vota o kovou ka kena koa kiaro kale ama epa seko korotato ke erekema kale.