Matiu 24:37 - BAṈARA KO VAIRU AMA LEVELEVEO

³⁷ Melai aṉa maba a eveni lala ta a vaitou, so keru maba poso kebeta ziovou keru seko kerukeru pide ama saevo kale Noa ko taku keru ke erekema jari ama.

Matiu 24:37 交叉引用

2 Pita 3:6

Sai kazo inio ko ju ko nioqololo ikio ko duluekake ko so keru ama peuru ma peuru.

2 Pita 2:5

Ako vo Baṉara ta koqo o imake sole se ruqe ama maba madu lulavo vo o soroeke keru ko nioqololo peuru ma peuru ama maba madu kasi se pui kepa zoriveni. Melai Noa, vo okai bazubazuteni ko sidopu, ni sikeura madu vokale amu inio Baṉara ta o pakiemake.

Hiburu 11:7

Oqu kale inio Noa ta o viqake Baṉara ko balauvato sama pesio, so keru vo ovai bazueke keru ko nioqololo koko kilo ama ko vo pui vima sase opa kevema. Vota o zorivake vo Baṉara ni o erevake kala matula vaka sai vo ni voko saidi ke pakiovikoi. So sole vota kasa o ikake vo Baṉara ko titizimo sea so keru ama peuru ma peuru kale ama maba madu seko ruqe ama kalo kale avo, melai vo Noa ta o koe vo Baṉara ko sidopu, vota oqu sala sole.

Matiu 24:39

Ako seta pulia quli ke kerukeruekake sole se komai barolo ama, melai ota podolo kale ko matuma nioqololo ta komai baroake ni ko duluemake se. Ni so inio ko kalo avo aṉa maba a eveni lala a vaitou keru.

Matiu 16:27

Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.

Matiu 24:3

Ni vo Jisu ta ota papuake Olive Ore sama Sopu kale, ni voko disaipeli madu ta keva olake vo moizavole ni eri kikelake, “Ṉelai bazueka noi keru inio koa Jelepade ta ko biresuovou, ni noni ama mamola ikio ko ereilou, nio ko mamola puekou ṉoko tova vaito, ni komia peuru ma peuru ko ruvuro,” kikelake.

Matiu 24:27

Ako aṉa maba a eveni lala a vaitou keru ta ke lelou kiadama maba madu omadeuvo kapi ko laqato jari ṉaniu o peatakoi vasi azo ti o sulupakoi vasi.

Matiu 24:30

Ni ko quli ko tova inio aṉa maba a eveni lala ko mamola ta ko podakou aukale, nio kiadama maba madu miduku kale amu ta duki keta elou ni keta zialou, ni aṉa maba a eveni lala ta a qilou aukale ama leikale ni seta ke lelou aṉa a bizato ni aqasiele ama ṉaṉaidara sate.