Matiu 14:31 - BAṈARA KO VAIRU AMA LEVELEVEO

³¹ Ni vo Jisu ta ova rauqazake ni o zolaevake ni eri va kiolake, “Noi tinia matu silo ikio ṉoko oqu! Ṉota pui ṉo duvevo puta kio?” kiolake.

Matiu 14:31 交叉引用

Matiu 8:26

Ni vo Jisu ta eri ma kiolake se, “Noi sole inio meta meda ṉava? Meko oqu ta matu silo!” kiolake. Ni vota o lojoake ni o kaqarikake ko ururu ni boguzu ni kota kota jamaoke; ni manilo kota evake.

Matiu 17:20

Nio Jisu ta eri ma kiolake se, “Meko oqu ta matu silo inio pui me rovea. Melai tuvevo ama quli aṉata a melai bazuekou, meko oqu ko matu ta pui kokai paloasou koa matu mina kama masitadi ore ko rui, melai meta meda roveovou eri kio koa sopu kasi, ‘Vatute ni papi edolokoi!’ kimevou ni kota so kota kalou. So sole pulia quli ta tapata kopa elou mekasi.”

Maka 5:41

Ni vota ota ka noqoekake koko ṉase ni eri kiolake, “Talita kumu,” koko kio ni kalo Jiu mu ko pesio kale ta “Ṉoiza, aṉata eri kiala, ṉota zolai!”

Maka 1:31

So sole vo Jisu ta o olake kokasi, ni ota ka noqoekake koko ṉase, ni o zolaekake ko. Nio koa vere ta ko vaekake koa rekoreko, ni ko niaemake se.

Matiu 16:8

Melai vo Jisu ta obe kai nianiiake se kikelani, so sole vota eri ma kiolake, “Noi sole inio meta meqai pesipesita me ṉavio kude meko pui boriko ko bereti, me silo ama oqu samela?

Iruruputo 4:30

Kasa ika ṉoko pizato tu ṉoko urikato ni aqasiele ama iruruputo poso ta ko ereilou ṉovo tabu ala Nabulu Jisu ko ṉikale,” kikelake.

Luke 24:34

sai eria pesipesito kebeta evakoi, “Vo Lekasa ta maba tuvevo avole ota tova saevala mata! Vota o puratala Saimone kasi!”

Maka 16:7

Tu meta olamo tu pa mai bazuekomo voko disaipeli madu ni Pita komia bazu. Ni meta eri kimevou, ‘Jisu ta ota olala Qalili meko kuleto, ni sai nio meba velou omadeuvo o ṉavi obe melati kiovevo jari,’ ” kiolake.

Maka 11:23

Aṉata a bazuemela me, kala ta eri kiovou komia sopu kasi, ‘Zolai ni piave ivere kale!’ kiovou, ni vota pui niuniala opa elou voko bulo kale, melai o tuvevo puekou vo o kasekako quli ta kota ereilou, so inio Baṉara ta ova erekou voa maba.

Maka 1:41

Ni vo Jisu ta o matu roquevake vo, ni o rauqazake ni o tibaevake vo ni eri kiolake vokasi, “Aqa zaria, tu urike!” kiolake.

Matiu 6:30

Ni koa sisusisu poso ta ko eva seulele valuvalu matu puju ama taku kale, ni koko tova maba poso ta ke saqaeka ni ke risaeka uza kale. Melai vo Baṉara ta matu ileilea zaloniko o eve koa seulele sisusisu kale. Meta pui me duvevo puekou ta vo Baṉara inio o saboemelou me sabosabo kale, omadeuvo vo o zalonika jari ko seulele sisusisu kale, ta meko oqu ta matu silo ama ikio.

1 Timoti 2:8

So sole lotu iruruputo kale kiadama zaekale aṉata ama zaria se lasive amu tu seta ke vararaito, ni tabu ama kerukeru sate seta ke roveo zolaeko seko ṉase poso vararaito kale puliama korakorailo ni zolizoliekinio sate.

1 Pita 1:5

Kota me kaqe, vo Baṉara ko pizato ko melati vailani mela meko oqu kale. Voko pizato ta ko melati uria vailou me ti kobeta barolou meko pakio. Koa pakio ikio ko mela inainaivako ni kasa ko elo ama komia peuru ma peuru ko paitopaito kale ama taku kale.

Matiu 14:30

Melai vota o keake matuma ururu nio vota ota ṉake ni ota tanitake duluilo ivere kale. Ni vota ova zaivotake vo Jisu ni eri kiolake, “Kei! Lekasa, ṉota tauvela aṉa!” kiolake.

Matiu 14:32

Ni so keru nioqa qo zazua keru vaka topi, ko ururu ta kota jamaoke.

Maka 4:40

Ni Jisu ta eri kiolake voko disaipeli madu kasi, “Noi sole inio meda ṉava? Meko oqu ta matu silo!” kiolake.