Matiu 12:2 - BAṈARA KO VAIRU AMA LEVELEVEO

² Nio se Parese madu ta meake se disaipeli madu ke kajorika ko vuiti Sabati ṉaniu kale, ni seta eri kikelake Jisu kasi, “Keatini, meta me bazoka inio vo Mosese ko Bazu, ako ṉoko disaipeli madu ta keta kajora sole ko vuiti Sabati ṉaniu kale!” kikelake.

Matiu 12:2 交叉引用

Matiu 12:10

Ni inevoana sai kala lepu ama ṉase sala maba. Kake maba poso melai iniseana sai se keva zariani vai kuiriko vo Jisu ruqe ama iruruputo, so sole seta ke kuimaevake vo, ni eri kikelake, “Noi nio? Ko zariziako ikio vo Mosese ko Bazu kale tu vo maba ta o urikatou Sabati keru, kio?” kikelake.

Luke 14:3

nio Jisu ta o kuimaemake se Mosese ko Bazu kekai nianiiekatani ni se Parese madu ni eri kiolake, “Animeko bazu ta ko zariekake ikio ko urikato Sabati ṉaniu kale, ma pui?” kiolake.

Luke 23:56

Ni seta ke vaitake ke pade kasi ni ke inainaekake kama uria tui kama lumu ni bube tu vo Jisu ko tupu kaqe. Ni seta ke luluekake Mosese ko Bazu kikolani jari sole seta ke mamazake Sabati ṉaniu kale.

Matiu 12:3

Nio vo Jisu ta o mati tiorikake se ni eri ma kiolake, “Meta pui me baqumukako ikio ko Tabu ama Riki kikolani, vo Devita o kaevo so keru vo ni voko vaki ke luape keru?

Maka 2:24

Nio so keru se Parese madu ke kea keru komi quli, seta eri kikelake Jisu kasi, “Noko disaipeli madu ta ke ereka komi quli Sabati ṉaniu kale, ni seta ke pazoka inio animeko Bazu vo Mosese o katimelema,” kikelake.

Luke 6:2

Nio kake se Parese madu ta eri kikelake, “Noi sole inio meta me ereka ko Mosese ko Bazu kale pui ko ereilou Sabati ṉaniu kale ka kikolako?” kikelake.