Maka 8:17 - BAṈARA KO VAIRU AMA LEVELEVEO

¹⁷ Melai vo Jisu ta obe kai nianiiake se kikelani, so sole vota eri ma kiolake, “Noi sole inio meta meqai pesipesita me ṉavio kude meko pui boriko ko bereti? Meta pui nio meqai nianiia ni pui nio me baqumuka kio? Meko kerukeru ta kutumana kobeta eva kio?

Maka 8:17 交叉引用

Maka 6:52

ako seta pui kepa uria paqumuke sole, vo Jisu ko niaemo sea sike vuro maba madu ta Baṉara ko pizato kale inio, ako seko kerukeru ta kutumana sole.

Maka 2:8

Melai vo Jisu ta ota mai mamurake seko kerukeru ni vota eri ma kiolake se, “Noi sole inio meta soama kerukeru me ereka meko bulo kale?

Maka 3:5

Ni Jisu ta o meake se ni omai korakoraivake, ni mata duki ota evake, ako seta matu meomeo kamu ni keta saruiva sole. Nio Jisu ta eri kiolake voa maba kasi, “Ṉota totozika ṉoko ṉase,” kiolake. Ni vota o totozikake ni kova pizatake koa ṉase.

Kelokelozato 2:23

Ni aṉata a ruvurimou se seke luluekani koa reko ko kalo. So inio kiadama lotu qoqono ta kelai nianiiovou ko aṉa inio aqai nianiiani lala se maba poso ko kerukeru ni zario poso ni aṉata a qatimelou me koko vaitotola ma koko reketekete omaomadeu kale kude ko me lula me erekako quli kale avo.

Jone 21:17

Ni zouke ama pado taku kale Jisu ta so kiolake vokasi, “Saimone, Jone vo meqora ṉa, ṉota ṉo roquela aṉa kio?” kiolake. Sai nio Pita ta duki ota evake ako Jisu ta ovai kuimaekake ko zouke taku “Ṉota ṉo roquela aṉa, kio?” sole, sole vota eri kiolake, “Lekasa, ṉota ṉoqai nianiia kiadama quli, ni ṉota ṉoqai nianiia aṉako tuvevoa roqueṉo ṉo kio!” kiolake. Ni Jisu ta eri va kiolake vo, “Ṉota niaeka aṉako sipi poso.

Jone 16:30

Erisaṉa eṉeta ṉe baqumuka ta ṉota ṉoqai nianiia kiadama quli, ṉota lula ṉoqai nianiia maba poso ke kerukeruekako kuimanao poso puliako se ṉai kuimaeko kama quli sole. Kokale eṉeta ṉe duvevo pueka ta ṉota ṉo quevini ṉa vo Baṉara kasi azo kio,” kikelake.

Luke 24:25

Nio Jisu ta eri kiolake nioqa kasi, “Qea sarubea qela, matu niuniala inio qeta eva, nio pui qe tuvevo pueka kiadama quli se poropita madu kikevevo seko riki kale!

Maka 16:14

Ni koko tovatova nio Jisu ta omai puratake voko toni omadeu disaipeli madu kebeta vuatakoi. Ni vota o riqaemake se, ako seko bulo ta zokele ni seta pui tuvevo ke imake sole seke veveni voko mata saevo.

Matiu 15:17

Meta pui meqai nianiia, ta ko quli vo maba o kuako quli ta ko ola voko siapa kale ni mata ko saqora.

Matiu 12:15

Ni vo Jisu ta okai nianiiake seko korokorotato, so sole vota ota vatutake koa zaekale azo, ni matu kubo vaki ta ke luluevake vo. Ni vota o urikimake muli sea vere ama maba poso.

Matiu 16:7

Ni seta ke pesipesitake ke ṉavio kude ni eri kikelake, “Animeta pui meba borikala ko bereti nio nei o mela riqaekani ko isiti,” kikelake.

Maka 8:16

Ni seta ke pesipesitake ke ṉavio kude ni eri kikelake, “Animeta pui meba borikala ko bereti nio nei so mela kiola,” kikelake.